Lonon mo 20:14 - Yálá laawoo hɛɓɛ (dc)

¹⁴ Di lɛɛ Kadɛsə, Moisə ə nuą tɔɔ Edɔmə tɔɔmun bɔ, yɛ mą: «Ə́ nąn non Israɛlə woo li, mɔ̨nɔ̨ɠaai kpɔ laa kuɔ, gbaɠala kaa yɛ́.

Yálá laawoo hɛɓɛ

¹⁴ Di lɛɛ Kadɛsə, Moisə ə nuą tɔɔ Edɔmə tɔɔmun bɔ, yɛ mą: «Ə́ nąn non Israɛlə woo li, mɔ̨nɔ̨ɠaai kpɔ laa kuɔ, gbaɠala kaa yɛ́.

Bible

¹⁴ Mose kɛ́ɛ Kedɛi, è kéla-ŋa tɛ̀ɛ Idɔŋ kaloŋ pɔ́ naa. Dí mò ma díyɛɛi, “Eezuɛ-ŋai nyii-ŋai díkaa a íkaa-yɔɔ-ŋai dí worɛ-woo ká ŋí. Í gɔ́lɔŋ berei kú tɛ̀ɛ la mɛni-kpɔlu támaa sui.

Lonon mo 20:14 ပူးပေါင်းရင်းမြစ်များ

Zɛnɛse 25:23

Yai-Laa yɛ mą: «Hį́i hveelɛ ka tii ə́ kwəi, nu huwu hveelɛ ka tii gɔi a di kee, ɉuwu hveelɛi tii di kaa pai di ɓɛlaɓoi. Ə́ laa yɛɛi lɔwai, dɔ̨nɔ̨ kaa pai kɛi a ɲee walawalaa dɛɛ mɛlan ma. Nu pɔlɔ laamun gaa pai kɛi nokolo laamun ɲee mu.»

Zɛnɛse 25:25

Dɔlɔɔ tii pa, gɔlɔ ɓa ləɠa kulaa kɛ, mukpɔluɔ yɛ huwɔ ləɠa; di naa hee a Esau.

Zɛnɛse 25:26

Yili pulu, nəɠə ə lɛɛ nąą pɔɔ ɓa, aa niɛ hon a donwo, di yili laa hee a Ɉakɔbə. Isaakə kaa kwɛlan ə kɛ a kwɛlan bow mɛ̨ida, nɛ̨ą yɛ ɲonŋąąi tii kaa.

Zɛnɛse 32:29

Yɛ mą: «Ə́ laa hvaa kɛa a Ɉakɔbə, ə́ laa ɓaa pai kɛi a Israɛlə, mąąhɔlɔɓo, ka Yálá kaa lamu kɔ́, ka nuą kaa lamu kɔ́, ə́ yee aa tɛɛ diɛ.»

Lɛɛ gbɔwɔ ɓa 18:8

Mɛ̨nįɠaai kpɔ Yai-Laa ə gɛ a Eziptə tɔɔmun da nwɔ nuąi diɛ, Israɛlə nuą mąą mɛ̨nį ɓa, Moisə ə gəlee hukulɔ mɔlɔ́ ɓa. Mɔ̨nɔ̨ɠaai laa diɛ bələ pɔ, da bələi Yai-Laa ə di kulɔ la ɉu, ə gəlee hukulɔ.

Amɔsə 1:11

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Edɔmə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di hvilɛn di kaayɔwɔɠaa Israɛlə nuą pulu a kɔ́. Di damaa paa, di hvo di ɲɛ̨imąąwɛli kaa, mąąhɔlɔɓo, di wɔ liikələn gwəi hvo kpəla kɛɛ kalaa ɓa, ɛlɛɛ, nwɔ mɛ̨nį hva kpɛɛ.

Malasi 1:2

Yai-Laa ə mo wɔ nuąi diɛ, yɛ diɛ: «Ká wɛlikaa mą́ą́.» Ká mą́ą́nįn gɛ, kaa kɛ mą: «Lə ɓə kwa pɛli gɔlɔn ɉi la, kuɔ kɛ: ku wɛli kaa yɛ́?» Yai-Laa yɛ diɛ: «Kɛlɛi Ɉakɔbə niɛ ɓa kɛ a Esau-e? Bələi mąn ə kɛ la tii, ŋą́ Ɉakɔbə wɛlilakɛ,

Lonon mo 13:26

Di pənə di pa di həli Moisə ɓa, da Aarɔn, ə mą kɛ Israɛlə lonnii kəlee, ɓɛi di kɛ laa Paran nɔi pun ɉu, Kadɛsə daai. Di di kwɛlanmo Moisə da Aarɔn diɛ nu kpulu kəlee ɲɛ̨i ɓa. Nɔi tii hu hihɛnŋąąi di paa la di nɛ diɛ.

Lonon mo 20:15

Ku nąnni di wɔlɔ li Eziptə lɔi hu, ku lamun naa kpɔ kpaan. Kɛlaa, Eziptə nuą di hee ku mɛ̨i kwa ku nąn ni.

Lonon mo 20:22

Israɛlə nu kpulu kəlee di həɠə Kadɛsə, di pa Horə ɲee hu.

Dutɛrɔnome 23:7

Ka hvə kpɔ kɛ ka káá ka ɲɛ̨i kulɔi di wɔ hɛn da pɔ, ə mą kɛ di wɔ yee la hvólóon naa ka wɔ yɛnɛ̨ɛ̨ kəlee hu.

Zasua 2:10

Ɛlɛɛ, pələi Yai-Laa ə gboloyá kpala la ka tɔwɔ, kwaa yili bələ mɛ̨n, ɓɛlɔwai ŋɛ̨i ə ka kulɔ la Eziptə lɔi hu; ə mą kɛ, mɛ̨nįi ka naa Amɔrə tɔɔɓɛlaa hveelɛi ɓa Ɉurdɛn pulu pələ. Diɛi a Sihɔn da Ogə, diɛi ka di paa.

Zasua 2:9

Yɛ diɛ: «Ŋį́ gɔlɔn gɛ́ diɛ Yai-Laa aa nɔi ŋɛ̨i tɛɛ ka pɔ, ka pa mɛ̨nį ɓɛ, mąą tín aa too, kpɛlin aa too nɔi nuą kəlee hu.

Zasua 9:10

Ɛlɛɛ mɛ̨nįi ə naa Amɔrə tɔɔɓɛlaa diɛ Ɉurdɛn pulu, ku bələ mɛ̨n; diɛ ɓaa: Hɛsbɔn tɔɔmun Sihɔn, da Basan tɔɔmun Ogə, yai kɛ Astarotə daai.

Zasua 9:9

Di nwoo ɲąąpənə diɛ mą: «Ə́ wɔ luwɔɠaa di həɠə kwɛa la lɔi hu, Yai-Laa ə́ wɔ Yálái mąą mɛ̨nį ɓa, mɛ̨nįi kpɔ ə gɛ Eziptə, ku bələ mɛ̨n;