Lonon mo 20:13 - Yálá laawoo hɛɓɛ (dc)

¹³ Di ɲái tii laa hee a Meriba yá, mąąhɔlɔɓo nąą ɓə Israɛlə lonnii di hvaa laa Yai-Laa ɓa. Yili yaan yɛ nwɔ mąąwiɛ lɛ laa.

Yálá laawoo hɛɓɛ

¹³ Di ɲái tii laa hee a Meriba yá, mąąhɔlɔɓo nąą ɓə Israɛlə lonnii di hvaa laa Yai-Laa ɓa. Yili yaan yɛ nwɔ mąąwiɛ lɛ laa.

Bible

¹³ Nyíŋi è kɛ̀ Mɛriba Yai lá ƃɛ́i Eezuɛ-ŋai dí kɛ̀ Yâwɛɛ láa karâi naai, da ƃɛ́i Yâwɛɛ è ŋɔmaa-waa-laai lɛ̀ naa diai.

Lonon mo 20:13 ပူးပေါင်းရင်းမြစ်များ

Mąątɛ̨nɛ̨ 81:7

Ŋą́ą́ nwɔ tiɛ̨i həɠə nwuɔ̨, ɛlɛɛ, yaan ə diɛ̨i laa.

Mąątɛ̨nɛ̨ 81:8

Ɓɛlɔwai ə́ kɛi tomą la mɔ̨nɔ̨ hu, ŋą́ ə́ kulɔ ɉu, ŋą́ ə́ woo mu hon, ŋį́ ɓo a nóɔ tulɔ hvąŋą hu, ŋį́ ə́ hu kɔɔn Meriba yá kwɛlɛ.

Mąątɛ̨nɛ̨ 95:8

'Ka hvo ka kili wala wala yɛ bələi ka gɛ la Meriba lɔi hu, yɛ ɲələi ka gɛ la Masa, nɔi pun ɉu.

Lɛɛ gbɔwɔ ɓa 17:7

Ə gɛɛnąą tii laa hee a: Masa da Meriba, yili mukulaa ɓaa: «hukɔɔn.» Mąąhɔlɔɓo, Yai-Laa hukɔɔn Israɛlə lonnii di mo di hvaa tee, mąą mɛ̨nį ɓa. Diɛ kɛ mą: «Akɛti, Yai-Laa kaa lɔ ku lɔwai ɓəi, a wala kɛ tii, hvo ɓɛ?»

Azaya 5:16

Yai-Laa Mɛ̨nį Kəlee ŋą Hééɓomun laa kaa pai tɛi, nwɔ kiti tee pələ hu, Yálá mąąhəlɛɛ kaa pai gbɔwɔ lɛi a mąąhəɠɛɛ ɉaŋą pələ hu.

Izikiɛ 20:41

Ŋą́ ɲéé hee ɉaláá kun nɛ̨ɛ̨ɠaa mu, ə mą kɛ, ka kpinį lee. Ŋą́ pa kɛa ka kulɔi nɔiɠaa hu, ɓɛɠaai ka taɠa taɠaa laa, ŋą́ ka kulɔ laa, gɛ́ ka ɲąąkpɔn, bələi mą́ą́həɠɛɛ la, ŋą́ gbaɠala lɛ lɔiɠaa diɛ, a ka hon bələ ɲə́i.

Izikiɛ 36:23

Gáá pai náá kɛnɛ̨ɛi ŋɛ̨i mąąhəɠə pələ lɛi; yai daa mąąliɓi nɔiɠaa hu. A náái tii ka mąąliɓi lɔiɠaa hui; lɔiɠaa kaa kɛa pai gbaɠala kaai, diɛ kɛ, ɲą́ą́ ɓə gáá a Yai-Laa. Mɛ̨nį kəlee ŋą Hééɓomun Yálá woo li. Ɓɛlɔwai gáá pai mą́ą́həɠə pələ lɛi la ká mąą mɛ̨nį hu, di ɲɛ̨i ɓa.

Izikiɛ 38:16

Ə́ kaa pai pai, yɛ́ wolo nwɔ nu huwui a Israɛlə ɓa; yɛ́ pɛlɛ nɔi kəlee mɛ̨i yɛ nąnąąn. Mɛ̨nįi tii kaa pai həlii a yɛnɛ̨ɛ̨ ɲąą kpɛɛ yələ; gáá pai gɛi yɛ́ wolo nwɔ́ lɔi ɓa, lɔiɠaa diɛ pɛli gɔ́lɔn ɉi, ɓɛlɔwai gáá pai nwɔ mąąhəɠəlaa tooi la pɔ̨nɔ̨ ɲą, di ɲɛ̨i ɓa, a ə́ pulu kulɔ pələ, yɛ́i a Gɔgə.

Dutɛrɔnome 32:51

Mąąhɔlɔɓo, ka kulɔ nwóó mu Israɛlə lonnii ɲɛ̨i ɓa; Meriba ya mąą mɛ̨nį hu, yii gaa Kadɛsə Sin nɔi pun ɉu. Ka hvə kɛ mą́ą́həɠə mɛ̨nį kɔ́lɔn ni Israɛlə lonnii ɲɛ̨i ɓa.

Dutɛrɔnome 33:8

Yɛ Levi nwɛi ɓa: «Yai-Laa aa nwɔ kpɛɛn dɛɛ nwɔ tínuą ɓɛlɛɛɠaa pɔ, diɛi ɓaa Levi huwu. Diɛi ə di mąąkpɛɛ Masa. Ə di hutɔɔ Meriba ya mɛ̨nį hu.