Lonon mo 20:11 - Yálá laawoo hɛɓɛ (dc)

¹¹ Moisə ə ɲee tɛ ɲələi, ə gwɛni kpuwulu kɛlɛ gee mɛ̨i hveelɛ a dunwɔ̨n. Yá kpoloon gɛnɛ̨ ə kulɔ gwɛni kpuwulu hu, nuą di di kpələ, ə mą kɛ di wɔ taatɛlɛɛɠaai.

Yálá laawoo hɛɓɛ

¹¹ Moisə ə ɲee tɛ ɲələi, ə gwɛni kpuwulu kɛlɛ gee mɛ̨i hveelɛ a dunwɔ̨n. Yá kpoloon gɛnɛ̨ ə kulɔ gwɛni kpuwulu hu, nuą di di kpələ, ə mą kɛ di wɔ taatɛlɛɛɠaai.

Bible

¹¹ Nya ƃe Mose è zia-wurii sìɣe é gɔnii túa la gîei feerɛ. Yá támaa è kùla zu, ǹûai kélee da dítaa-tulɛ-ŋai dí díkpele la.

Lonon mo 20:11 ပူးပေါင်းရင်းမြစ်များ

Kɔlɔnikɔ Maa-ŋuŋ 15:13

Gɔwɔ tɔɔi lɔwai ka hvo kɛ ɓɛ, yili ɓə gɛ Yai-Laa gu wɔ Yálái ə haa too ku lɔwai. Mąąhɔlɔɓo ku hvo kɛ hvilɛn ni nwoo pulu.

Kɔlɔnikɔ Maa-ŋuŋ 15:2

Davidə ə mo kɛa yɛ diɛ: Levi huwuhu nuą lɔ ɓə Yálá nwɔ mįnɛ̨ kəhii həɠə mɛ̨nį mąą laa tɛɛ di pɔ, mąąhɔlɔɓo, diɛ ɓə Yálá ə di həɠə ɉu, diɛ gbəŋə, əlɛɛ diɛ naa hɔn mo.

Mąątɛ̨nɛ̨ 105:41

Ə kwɛni kpuwulu ɓɛla, yá ə kulɔ ɉu, yɛ laa nɔi pun ɉu, yɛ tɛɛyá kɛ̨nɛ̨.

Mąątɛ̨nɛ̨ 114:8

Yaa ti kwɛni kpuwulu mąą pənə a yá, Yɛ kwɛni kpuwulu kɛ a yá nwun gulɔi.

Mąątɛ̨nɛ̨ 74:15

Yɛ́ ɓə ya nwun gulɔiɠaa da tɛɛyaɠaa laa ɓo, yɛ́ ya kpɛa kpɛaɠaa hu kpala.

Mąątɛ̨nɛ̨ 78:15

Ə kwɛni kpuwuluɠaa ɓɛla nɔi pun ɉu, yɛ yá tɔɔ di la, yɛ yá kpɛa-kpɛaa kəlee nwun gulɔi.

Mąątɛ̨nɛ̨ 78:16

Ə tɛɛyáɠaa kulɔ kwɛni kpuwulu hu, ɲáɠaa diɛ laa yɛ yálee.

Mąątɛ̨nɛ̨ 78:20

Yili ɓə gɛ, yɛ gwɛni kpuwulu kɛlɛ, yá yɛ kulɔ ɉu yɛ laa a gboloon gɛnɛ̨.» Diɛ kɛ diɛ: «A pɛli nwɔ̨nɔ̨ mɔ̨ɔ̨ lɛɠɛ tɛɛi nwɔ nuąi pɔ, ə bɛlɛ huwɔ ɓa?»

Lɛɛ gbɔwɔ ɓa 17:6

Gáá pai kɛi ə́ ɲɛ̨itɔwɔ, Horɛbə yee ɓa, gwɛni kpuwulu mɛ̨i; ya pa laa, ə gwɛni kɛlɛ. Yá kaa pai kulɔi ɉu, di di kpələ la.» Həlii di mo ɲee ɓa, Moisə ə gɛ tii. Israɛlə kalanɉonŋąą ɲɛ̨i ɓa, yɛ bələi Yai-Laa ə mo la mą.

Azaya 43:19

Mɛ̨nį nįnɛ̨ɠaa kɛ hiɛ ka ɲɛ̨i ɲə́i, di kaa mun kɛa ɓɔn ɉi, ka hvo mɔ̨ɔ̨ gbaɠala kaai? A neelee, gáá pai pələ laai lɔi pun ɉu, gɛ́ nu tɛɛ kpaaləɠaa kulɔ kpomóɠaa hu.

Azaya 48:21

Kpələ wɛli hvo di hon nɔi pun tii ə di tɛɛ nąą pələ, ɉu; ə ya kulɔ kwɛni kpuwulu hu di mąą mɛ̨nį ɓa, ə gwɛni kpuwulu ɓɛla, tɛɛ yaɠaa di laa.

Osia 13:5

Ɲą́ą́ nwɛ́i, ŋį́ ə́ kɔ́lɔn nɔi pun ɉu, nwəleen nɔi tii hu.

Levetekɔ 10:1

Aarɔn lonnii, Nadavə da Avihu di di wɔ lansan kələn hɛnŋąąi həɠə, di nwɔ̨n naa ɉu, di lansan pu ŋą, nwɔ̨n lúwɔ́ hvo mą, diɛ naa həli Yai-Laa ɓa; Yaan hvo kɛ di tí li a yili.

Lonon mo 20:8

«Ə́ wɔ tunwɔ̨n həɠə, ka ə́ liɛ Aarɔn ka nuą, ɲąąkpɔn, mo gwɛni kpuwulu ŋɛ̨i ɓa, ə ɉu yá tɛɛ ka pɔ. Ə kaa pai yá kulɔi gwɛni hu di mąą mɛ̨nį ɓa, ə́ yá tɛɛ nu kpulu pɔ da di wɔ taatɛlɛɛɠaai, diɛ di kpələ la.»

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Korɛntə dɔlɔɔ 10:4

ɛlɛɛ, di kəlee di di kpələ a Yálá-taa yá, Yálá-taa kwɛnii kɛ di pulu, Kristə li kɛ, yai di kpələyá ə kɛi kulɔ ɉu.

Dutɛrɔnome 8:15

Ya ɓə gɛ, kaa ɉiɛ kulɔ nɔi pun mąą ɲɔwuɔ kɛnɛ̨ɛ̨ hu, ɓɛi kaalə ɲɔ̨nwɔ̨ɔ̨ɠaa di kɛ laa, da ɲɔ̨ngaaləɠaa; ɓɛi kpələ wɛli a nu paa laa, yaa tii ɓə yá kulɔ kwɛni kpuwulu hu, yɛ tɛɛ a gboloon gɛnɛ̨.

Zĩi 1:20

gbala ə too, nu ŋą lííholi hva Yálá ŋą tələnmolaa pɔ mɛ̨nį kɛ.

Nwun mąąɓo 15:19

Nąąlɔwai, gwɛni gbahai tii kɛ Lɛhi, Yálá ə mɛla, yá ə kulɔ ɉu, Samsɔn ə gbələ la, ə too nįįla. Yili ɓə gɛ di ɲáton tii laa hee a Ein-Kore. Haa ɓaa haa, ɲáton tii kaa ni laa.

Samuɛlə dɔlɔɔ 15:19

Lə mɛ̨nį ɓa hvo kɛ Yai-Laa wooi tii hon ni, hvo bɔ mɛ̨nį kɛ? Lə mɛ̨nį ɓa ə́ kɔ́ pulu hɛn ɉəɠə, ə lɛɛ, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, yɛ́ gɛ?»

Samuɛlə dɔlɔɔ 15:24

Saulə yɛ Samuɛlə ɓa: «Ŋą́ą́ nɛ̨ŋɛ̨n ɉəɠə, ŋą́ą́ kulɔ Yai-Laa woo mu, ŋą́ą́ ə́ woo pili. Ɲɔw ɓə ŋą́ kɛi mo nuą diɛ, gɛ́ hvaa di woo ɓa.