Lonon mo 19:19 - Yálá laawoo hɛɓɛ (dc)

¹⁹ Nui tɔ́n və mą, a ɲá ta taɠa nui tɔ́n gaa mą mą, a voló ɉaaɓa yələ da voló mɛ̨ihveelɛ yələ. Voló mɛ̨ihveelɛ yələ nwɛi tii a mąą nu nwɔ nɛ̨ŋɛ̨n kulɔ mą. Yili ə mąą həɠəɠaa waa, ə nwaa yái; yələ wulii pɔ, mąą a kɛ a ɉəɠɛɛ.

Yálá laawoo hɛɓɛ

¹⁹ Nui tɔ́n və mą, a ɲá ta taɠa nui tɔ́n gaa mą mą, a voló ɉaaɓa yələ da voló mɛ̨ihveelɛ yələ. Voló mɛ̨ihveelɛ yələ nwɛi tii a mąą nu nwɔ nɛ̨ŋɛ̨n kulɔ mą. Yili ə mąą həɠəɠaa waa, ə nwaa yái; yələ wulii pɔ, mąą a kɛ a ɉəɠɛɛ.

Bible

¹⁹ Fɛ̂ɛ ǹúui maa waai é ǹyái kpɛ́mɛi ǹúui mâ nyii maa fé waa níi a ŋ̀ele kuui zaaƃa-ɣelei da ŋ̀ele-kuui ǹɔ́ɔlu mɛi-feerɛ-ɣelei. Bere ƃé a pâi ǹúui tí maa waâi la a ŋ̀ele-kuui ǹɔ́ɔlu mɛi feerɛ-ɣelei. Fɛ́ɛ maa-nuuii é ŋɔseɣe-ŋai wáa é gbîŋ waa máŋ a yá, gɛ̀ ní a pâi kɛ̂i a maa waa a maa ɣele-wulii tí.

Lonon mo 19:19 ပူးပေါင်းရင်းမြစ်များ

Zɛnɛse 2:2

Yálá ə gɛ́ kóló kəlee kɛ ə kpɛɛ la, voló mɛ̨ihveelɛ yələ, ə hee, ə vįitɔɔ gɛ kóló kəlee ɓa.

Lɛɛ gbɔwɔ ɓa 19:10

Yai-Laa yɛ Moisə ɓa: «Li ə́ mo Israɛlə lonnii diɛ, di di mąąhəɠə háákələi da tinąą; di di mąą həɠəɠaa waa.

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Levetekɔ 14:7

Yili pulu, nui ŋɛ̨i mąąnɛ̨ɛ̨ di mąą waa volóɲɔ̨n ɲəi, di da kpɛŋɛn mą, gee mɛ̨i mɛ̨ihveelɛ. Ə mo kɛa yɛ diɛ tɔ́n və mą, ə ɓo nwɛ̨ni hului tii ɓa ə li.

Levetekɔ 14:9

Voló mɛ̨ihveelɛ yələ, ə gɔlɔɓa ləɠa kəlee kalaan nwun nəɠa da gbɛlɛ, ə mą kɛ ɲɛ̨i kɔ́lɔn mɛ̨i ləɠa, a yili kəlee kalaan, ə mąą həɠəɠaa waa, ə gbinįlee waa yái; mąą a kɛ kɛa a ɉəɠɛɛ.

Lonon mo 19:12

Mąąnɛ̨ɛ̨ ə nwaa a ɲái tii da bɛli a nįŋɛ̨ háá kələn nuwu, a voló haaɓa yələ da voló mɛ̨ihveelɛ yələ, a kɛ tii tɔ́n va kɛa kɛ mą. Kɛlaa, a wala gɛ hvo nwaa a voló haaɓa yələ da voló mɛ̨ihveelɛ yələ, tɔ́n va kulɔ mą.

Lonon mo 19:13

Nui lɔpee a tunwɔ̨n nu powa ɓa, ɛlɛɛ hva mąą həɠə a ɲái tii ta, a kɛ tii aa Yai-Laa nwɔ pɛ́lɛ́i mąą liɓi; mąąnɛ̨ɛ̨ di mąą nu lɛɛ dɔ̨nɔ̨ kon ɉu. Yii hvo gɛ li di hvo nu mąą həɠə yá ta taɠa mą, tɔ́n a kɛ mą, nwɔ tɔ́n tii hva kulɔ mą.

Lonon mo 19:18

Nui tɔ́n və mą, a isopə kpaɠa ta həɠə, ə nɔ ɲái tii hu, ə daɠa bɛlɛ́i tii ɓa da mu hɛnŋąą kəlee, da nuąi da kɛ laa. Da nui aa tunwɔ̨n nu kɔ́wɠaa a wala kɛ tii nui daa baa, a wala kɛ tii kámą ɓa.

Lonon mo 31:19

Ɛlɛɛ, kaa kpinįi ka lɛɛ daa kpala hvóló mɛ̨ihveelɛ yee mu; kaai kpɔ tii nu paa, a wala kɛ tii kaai tunwɔ̨n nu powa ɓa, mąąnɛ̨ɛ̨ ka ka mąąhəɠə a voló ɉaaɓa yələ da voló mɛ̨ihveelɛ yələ. Kaa kpinįi, da ka wɔ luwɔ nɛ̨ąąi.

Lonon mo 31:24

Ka ka mąą həɠəɠaa waa a voló mɛ̨ihveelɛ yələ, tɔ́n a kulɔ kaa, yili pulu kaa kɛa tɛ taai.»

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Zûu 1:23

'Ka di kulɔ nwɔ̨n ɉu, di ɓalo. 'Ka ɲɔw daɠaa diɛ, ka di ɲɛ̨imąąwɛli kaa; di kwaną həɠəɠaai di kɔ́lɔ a mąąliɓi ka nwɛli kpɛɛ kaa.