Lonon mo 19:13 - Yálá laawoo hɛɓɛ (dc)

¹³ Nui lɔpee a tunwɔ̨n nu powa ɓa, ɛlɛɛ hva mąą həɠə a ɲái tii ta, a kɛ tii aa Yai-Laa nwɔ pɛ́lɛ́i mąą liɓi; mąąnɛ̨ɛ̨ di mąą nu lɛɛ dɔ̨nɔ̨ kon ɉu. Yii hvo gɛ li di hvo nu mąą həɠə yá ta taɠa mą, tɔ́n a kɛ mą, nwɔ tɔ́n tii hva kulɔ mą.

Yálá laawoo hɛɓɛ

¹³ Nui lɔpee a tunwɔ̨n nu powa ɓa, ɛlɛɛ hva mąą həɠə a ɲái tii ta, a kɛ tii aa Yai-Laa nwɔ pɛ́lɛ́i mąą liɓi; mąąnɛ̨ɛ̨ di mąą nu lɛɛ dɔ̨nɔ̨ kon ɉu. Yii hvo gɛ li di hvo nu mąą həɠə yá ta taɠa mą, tɔ́n a kɛ mą, nwɔ tɔ́n tii hva kulɔ mą.

Bible

¹³ Ǹúui kélee a ǹyée pɛ̀lɛ poma ma, kɛ́lɛ va gbîŋ wàa a Yâwɛɛ ŋɔsua kɔlɔ seɣe pɛrɛ maa waai kàra, fɛ̂ɛ dí maa nuui kúla Eezuɛ-ŋai sáma. Maa fé waa ní-laai a lɛɛ ma é lɛ́ɛ la zu dí ŋwaa a zɔnyɔ̂ŋ-su-mɛni lɛɛ-yai.

Lonon mo 19:13 ပူးပေါင်းရင်းမြစ်များ

Lɛɛ gbɔwɔ ɓa 30:33

Akɛ nu ta a nwulɔi tii ɲɔ̨nwɔ̨mąn bɛli, yɛ ɉiɛ nu ta ɓa, mąąnɛ̨ɛ̨ di gulɔ Israɛlə lonnii lɔwai.›»

Hanwon 14:32

Nwąnąlɔmun a too a nwɔ nwąnąlɔ kiliŋąhiɛ, Kɛlaa, tələnmomun nwɛi, ə mą kɛ haa yee kɔn ma, kilitɔɔi kaa ɲəi.

Izikiɛ 44:26

Mąą nu a mąąhəɠə, da hvóló mɛ̨ihveelɛ tɛɛ bɔ.

Levetekɔ 15:31

«'Ka mo Israɛlə lonnii diɛ, kaa diɛ: tɔ́n a kɛ nu ta ɓa, ə lɛɛ dɔ̨nɔ̨ kon ɉu, hvo kɛ gaa pai gee kaa kələ laaləi,, hvo pa nəi haa a nwɔ́ pɛ́lɛ́i mąąliɓi a mo.»

Levetekɔ 20:3

Ɲą́ą́n, ŋą́ ɲɛ̨i ɲɔ̨nwɔ̨ɔ̨ hee mąą nu ɓa, ŋį́ gulɔ nɔi nuą lɔwai; mąąhɔlɔɓo, aa non da tɛɛ Molɛkə pɔ, yɛ nwɔ́ pɛ́lɛ́i mąąliɓi la tii, ɛlɛɛ yɛ náá ɓɛlɛkpɛɛ mą.

Levetekɔ 22:3

«'Mo diɛ yɛ́ diɛ: «Tɔn a kɛ ɉaláá laa həli nuą yəi bɛlɛ́n ɉulɔnu ta ɓa, a lɛɠɛ gɔɓo hɛn mąąhəɠɛɛɠaai Israɛlə lonnii da paa la Yai-Laa pɔ da ɓa, mąą nui hva kɛa lɛɛ nwɔ́ kólói hu. Yələ kəlee mɛ̨nį li. Ɲą́ą́ ɓə gáá a Yai-Laa.

Levetekɔ 22:4

Aarɔn kwəilon lɔpee hvólóɲɔ̨n a kɛ mą, a wala kɛ tii lə́ŋąn, hva pɛli ɉaláá hɛn mąąhəɠɛɛ ta mįi, hvo kɛli a gbɛa dɔ́n tii kulɔ gbɔwɔ ɓa, ə mąąhəɠə. Bələ lɔ ɓə gaa la, nui a tunwɔ̨n hɛn mąąliɓiɛ ta ɓa, ə kɛ a powa, ə kɛ a nui mąąkalayá kaa pui;

Levetekɔ 5:17

«Nu ta a nɛ̨ŋɛ̨n ɉəɠə, yɛ Yai-Laa nwɔ tiɓo ta kala dɛɠii pələ yɛ ɉɔn gɛ la tii, yɛ nɛ̨ŋɛ̨n nɛ̨ɛ̨ la gbɔwɔ nwuɔ̨,

Levetekɔ 5:3

«Awala kɛ tii, akɛ nu ta a tunwɔ̨n mɛlan nu kan ma yii mąą hvo nɛ̨ɛ̨li di hvo tunwɔ̨n mą nɔwai tii hu; ə kɛ a hɛn nɔpee yii tɔ́n gaa mą yɛ nu mąąliɓi, mąą nu a tunwɔ̨n mą, ɓɛlɔwai a gbaɠala kaa la, a kɛ a hɔn mąą mun.

Levetekɔ 5:6

Yili pulu, mąąnɛ̨ɛ̨ ə pa a bɔɔŋą pɛli hɛn a ɓɛlaa haa Yai-Laa lííla, awala kɛ tii ɓolu haa, a yili kɛ tii nɛ̨ŋɛ̨n tii ə ɉəɠə mąą hvaalɛɛ mɛ̨nį ɓa. Ɉaláá laa həli mun a nɛ̨ŋɛ̨n mąąhvaalɛɛ kóló kɛ mą.

Levetekɔ 7:20

Kɛlaa, nui lɔi tɔ́n gaa mą, haláá yii daa naa həli Yai-Laa ɓa, a da mįi, mąąnɛ̨ɛ̨ di gulɔ ɲəi bɛlɛ́n nuą lɔwai.

Levetekɔ 7:21

Nui lɔpee a tunwɔ̨n tɔ́n ɉɛn da ɓa, ə kɛ a taatɛlɛɛ, ə kɛ a nu kan, ə kɛ a huwɔi lɔpee, tɔ́n gaa mą mąąliɓiɛi. Hɛn da naa həli Yai-Laa ɓa, a da mįi, mąąnɛ̨ɛ̨ di mąą nu kulɔ ɲəi bɛlɛ́n nuą lɔwai.»

Lonon mo 15:30

«Kɛlɛɛ, nui a gili a gɛ, ə kɛ a nɔi lon da, ə kɛ a nwɛ̨ąi gaa heeni ka kɔ́wɔ mɛ̨i, yili kaa a Yai-Laa lalan ŋąą. Mąąnɛ̨ɛ̨ di mąą nu lɛɛ dɔ̨nɔ̨ kon ɉu.

Lonon mo 19:14

«Nu ta a haa pɛlɛ́n, ɉon bələ ka: Nui lɔpee a lɔ bɛlɛ́i tii mu, da nuąi kpɔ kɛ bɛlɛ́n, tɔ́n gaa diɛ hvóló mɛ̨ihveelɛ yee mu.

Lonon mo 19:18

Nui tɔ́n və mą, a isopə kpaɠa ta həɠə, ə nɔ ɲái tii hu, ə daɠa bɛlɛ́i tii ɓa da mu hɛnŋąą kəlee, da nuąi da kɛ laa. Da nui aa tunwɔ̨n nu kɔ́wɠaa a wala kɛ tii nui daa baa, a wala kɛ tii kámą ɓa.

Lonon mo 19:19

Nui tɔ́n və mą, a ɲá ta taɠa nui tɔ́n gaa mą mą, a voló ɉaaɓa yələ da voló mɛ̨ihveelɛ yələ. Voló mɛ̨ihveelɛ yələ nwɛi tii a mąą nu nwɔ nɛ̨ŋɛ̨n kulɔ mą. Yili ə mąą həɠəɠaa waa, ə nwaa yái; yələ wulii pɔ, mąą a kɛ a ɉəɠɛɛ.

Lonon mo 19:20

«Kɛlɛɛ nui a tɔ́n bɛlɛ gbɔwɔ ɓa hva mąąhəɠə kóló kɛ, nu taaləi tii, mąąnɛ̨ɛ̨ di nɛɛ dɔ̨nɔ̨ kon ɉu. Hvo pa nee Yai-Laa nwɔ kɛɛnąą mąąhəɠɛɛi mąą liɓi. Mąąhɔlɔɓo di hvo ɲá mąąhəɠɛɛ taɠa li mą, tɔ́n gaa mą.

Lonon mo 19:9

Nui tɔ́n və mą, ya ɓə a nįŋɛ̨ haa luwui tii kələ, ə bui kɛ kɛɛnąą lɛlɛɛ ɓa daa kpala. Gaa pai kɛi Israɛlə lonnii yəi a mąąhəɠə yá pɛli hɛn. Nɛ̨ŋɛ̨n mąąhvaalɛɛ hɛn ni.

Lonon mo 8:7

Bələi ə́ pai di mąąhəɠəi la, bələ ka: Nu mąąhəɠə yá taɠa diɛ, di kpəŋą hiɛ di kɔ́lɔ ɓa kəlee, di di mąą həɠə waa, a kɛ tii, di mąą aa həɠə.

Lonon mo 9:13

Kɛlaa, akɛ tɔ́n a wala kɛ nu ta ɓa a mɛ̨nį ta mąą mɛ̨nį, hvo nwɔ̨nɔ̨ hiɛ ɓa, a pakə hɛli mąą mɛ̨nį viikpɛɛ kulɔ, mąą nui tii, ɓə da gulɔ nwɔ nuą lɔwai, pai tii hvo mo li a nwɔ kɔ́ɓo hɛn Yai-Laa pɔ a guui tii di dɔɔi. Mąą nu nwɔ nɛ̨ŋɛ̨n nwulu a lɛɛ gbɔwɔ nwuɔ̨.

Ɉaan 8:24

Mɛ̨nįi gɛ gɛ́ kɛ kaa: ka káá pai haai ka kɛ nɛ̨ŋɛ̨n ɉu, akɛ ka wala laa na kaa diɛ: ‹Ɲą́ą́ ɓə gáá a Yaai Gaa Lɔ Laa›.»

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Hebreu 9:10

Kɛlaa, yiliɠaai kɔwɔ hvilɛnŋąąi lɔ kɛ, laa mįi mə̨nį, da kpələ hɛn mɛ̨nį, da nu mąą waa pələɠaa diɛ, dɔ́nŋaa tii di kɛ lɔ a ɲɛ̨i kɛ mąą, ə lɛɛ ɉu, ɲələ leelee yɛ həli mą.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

M̀ɛni-lɛɛi 22:11

Túwɔ́ pələ ɲɔ̨n gulɔmun, ə kɛ lɔ tuwɔ pələ ɲɔ̨n gulɔi, hvulumun, ə kɛ lɔ hvulu kɛi, mąąliɓimun ə kɛ lɔ mąąliɓi mɛ̨nį hu, kɛlɛɛ, tələnmomun ə kɛ lɔ nwɔ̨nɔ̨ tələnmo tuwɔ kɛi, ɛlɛɛ mąąhəɠəmun ə kɛ lɔ nwɔ̨nɔ̨ mąąhəɠə mɛ̨nį kɛi.»

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!