Lonon mo 19:11 - Yálá laawoo hɛɓɛ (dc)

¹¹ «Nui a tunwɔ̨n powa ɓa, ə kɛ a powa huwui lɔpee, tɔ́n gaa mą hvóló mɛ̨ihveelɛ yee mu.

Yálá laawoo hɛɓɛ

¹¹ «Nui a tunwɔ̨n powa ɓa, ə kɛ a powa huwui lɔpee, tɔ́n gaa mą hvóló mɛ̨ihveelɛ yee mu.

Bible

¹¹ “Ǹúui a ǹyée pɛ̀lɛ poma mai, maa-nuui maa fé waa ní a fólo lɔ́ɔlu mɛi feerɛ.

Lonon mo 19:11 ပူးပေါင်းရင်းမြစ်များ

Azaya 52:11

'Ka li, 'ka li, 'ka kulɔ laa, 'ka hvo tunwɔ̨ hɛn gɔhɔɓoɔ ta ɓa. 'Ka kulɔ di lɔwai, 'ka ka mąąhəɠə, kaai Yai-Laa mąąwiɛ hɛn ɲąŋąɠaa kaa ka yəi.

Woolaa 4:14

Di kɛi hiɛ yɛ ɲɛ̨ipu nuą, gwəliɠaa lɔwai, ɲąmą a di ɲɛ̨i kɛ hɔwɔ-hɔwɔ. Nu hva pɛli kɛ lɛɠɛi di mąą həɠə ɓa.

Izikiɛ 39:12

Ɲąnin mɛ̨ihveelɛ ɓə Israɛlə nwɔ pɛlɛ́i mu nuą kaa pai gɛi di loo mɛ̨nį hu, da nɔi mąąhəɠə mɛ̨nį hu.

Izikiɛ 44:26

Mąą nu a mąąhəɠə, da hvóló mɛ̨ihveelɛ tɛɛ bɔ.

Levetekɔ 11:31

Huwɔ yiiɠaai da tala, yiiɠaai tɔ́n gaa diɛ, diɛ ka tii, nui a tunwɔ̨n da powa ɓa, aa gbɔwɔ mąąliɓi a volói tii, ə lɛɛ ɉu yələ ə wulu.

Levetekɔ 21:1

Yai-Laa yɛ Moisə ɓa: «'Mo Aarɔn lonnii a ɉaláá laa həli nuą diɛ, yɛ́ diɛ: Mąą hvo nɛ̨ɛ̨li haláá laa həli mun da hvo tɔ́n bɛlɛ gbɔwɔ ɓa a gaayɔwɔɠaa ta powa mąą mɛ̨nį.

Levetekɔ 21:11

hvo tunwɔ̨n powai lɔpee ta ɓa, hvo tɔ́n bɛlɛ gbɔwɔ ɓa, nąn ə mą kɛ nee mąą mɛ̨nį hu.

Levetekɔ 22:4

Aarɔn kwəilon lɔpee hvólóɲɔ̨n a kɛ mą, a wala kɛ tii lə́ŋąn, hva pɛli ɉaláá hɛn mąąhəɠɛɛ ta mįi, hvo kɛli a gbɛa dɔ́n tii kulɔ gbɔwɔ ɓa, ə mąąhəɠə. Bələ lɔ ɓə gaa la, nui a tunwɔ̨n hɛn mąąliɓiɛ ta ɓa, ə kɛ a powa, ə kɛ a nui mąąkalayá kaa pui;

Levetekɔ 5:2

«Awala kɛ tii, hɛn tɔ́n gaa mą nuą tɔwɔ, nu ta a tunwɔ̨n mą dɛɠii; yɛi kɛ a lɔwɔ huwɔ yii aa haa gbɔwɔ ɓa bowa, yii mąą hvo nɛ̨ɛ̨li nu hvo tunwɔ̨n mą, yɛ ə kɛ a taatɛlɛɛi haa gbɔwɔ ɓa bowa, yɛ ə kɛ a tala huwɔ ta powa; mąą nu aa gbɔwɔ mąąliɓi, aa ɉɔn gɛ.

Egaa 2:13

Aze ə pənə nwɔ̨nɔ̨ ə di mąąnikɛ, yɛ diɛ: «Akɛ kɛa nu ta a ɲee pɛlɛ powa ɓa, mąą nu ə kɔ́hɔɓo, a li a ɲee pɛlɛ kɔ̨nɔ̨n da ɓa, gɔ̨nɔ̨n tii a kɔ́hɔɓo?» Ɉaláá laa həli nuą diɛ mą: «Ee!»

Lonon mo 19:16

Nui lɔpee a kalin a nui daa baa a ɓɔwa kwɛa kpomói, a wala kɛ tii nui aa haa gbɔwɔ ɓa, a wala kɛ tii nu kɔ́wɠaa, a wala kɛ tii kámą, tɔ́n gaa mąą nu ɓa hvóló mɛ̨ihveelɛ yee mu.

Lonon mo 31:19

Ɛlɛɛ, kaa kpinįi ka lɛɛ daa kpala hvóló mɛ̨ihveelɛ yee mu; kaai kpɔ tii nu paa, a wala kɛ tii kaai tunwɔ̨n nu powa ɓa, mąąnɛ̨ɛ̨ ka ka mąąhəɠə a voló ɉaaɓa yələ da voló mɛ̨ihveelɛ yələ. Kaa kpinįi, da ka wɔ luwɔ nɛ̨ąąi.

Lonon mo 5:2

«'Mo Israɛlə nuą diɛ, yɛ́ diɛ: «Hvoló ɲɔ̨n gɛ nuą, nuąi nu mąą kala yá ɲɔ̨n gaa diɛ, nuąi daa di mąąliɓi a di yee pɛlɛɛ powa ɓa; ka nuą tii kəlee kulɔ daa pulu pələ.

Lonon mo 6:6

«Volóɠaai tii gaa la a Yai-Laa nwɔɔ, mąą hvo nɛ̨ɛ̨li hvo li nu powa kɛɛnąą.

Lonon mo 9:10

«'Li ə́ mo Israɛlə lonnii diɛ yɛ diɛ: Akɛ tɔ́n a kɛ nu ɓa, mąąhɔlɔɓo aa tunwɔ̨n powa ɓa, a wala kɛ tii ə kɛ hiɛ ɓa kwɛa la, mɛ̨nįi ŋɛ̨i gáá nɛi kaa, gaa a ka wɔɔ ka ka lonnii, ya ɓaa: Mąą nu a pɛli mą ə pakə hɛli pu Yai-Laa laa hu.

Lonon mo 9:6

Kɛlaa, tɔ́n ə kɛ nu taɠaa diɛ a volói tii, mąąhɔlɔɓo daa kɛ tunwɔ̨n powa ɓa. Di hva pɛli kɛ pakə hɛli pui a volói tii. Di mo Moisə da Aarɔn diɛ a volói tii lɔ,

Gɛlaɠaa 21:26

Mąą yələ laa ɓoɔ, Polə ə nu nąąn ti həɠə, ə li a diɛ, di di waa kɔwɔ tɔɔ da diɛni yɛ bələi di huwu la mɛ̨nį kaa la. Polə ə li Yálá hee pɛlɛ́ mu, volói mąąnɛ̨ɛ̨ di paa la a nu tɛitɛi nwɔ Yálá kɔ́ hɛn, di mąąhəɠə haláá kulaa pulu, ə guu hee.

Gɛlaɠaa 21:27

Voló mɛ̨ihveelɛ laa kɛɛ pai kulɔi, Ɉuifəɠaai ŋɛ̨i kɛ Asi lɔi hu, di Polə kaa Yálá hee pɛlɛ́ mu. Di nu kpulu kɛnɛ̨ɛ̨ ɲąątɔɔ mą, di ɉon.

Lomaŋ 5:12

Yɛ bələi gaa la, nu laa pɔɔ ɓə nɛ̨ŋɛ̨n nɔ yɛnɛ̨ɛ̨, mąą nui ɓaa Adamə, nɛ̨ŋɛ̨n ɲaan, ə pa a haa; yili ɓə gɛ haa yɛ həli nu kəlee ɓa, mąąhɔlɔɓo, nu Kɛlaa daa nɛ̨ŋɛ̨n ɉəɠə.

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

Ifisiɛŋ 2:1

Tɔlɔɔ, ka wɔɔ nɛ̨ŋɛ̨nŋaa da ká hɔnŋaa mąą mɛ̨nį ɓa, ka haai kɛ.

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,