Lonon mo 18:8 - Yálá laawoo hɛɓɛ (dc)

⁸ Yai-Laa yɛ Aarɔn ɓa: «Ə́ wəli tɔɔ, Nįįhɔ̨nwɔ̨i da gulɔ mą́ą́, gáá ə́ heei nwun na. Hɛn lɔpee Israɛlə lonnii da gulɔ di hɔlɔɓo hɛnŋąą hu, diɛ gɛ a nwɔ́ɔ́. Gáá nɛɛi ə́ yee kɔ́nma, yɛ́ ka ə́ lonnii, a mɛ̨nįi mąą hva pɛli hvalin ɉii.

Yálá laawoo hɛɓɛ

⁸ Yai-Laa yɛ Aarɔn ɓa: «Ə́ wəli tɔɔ, Nįįhɔ̨nwɔ̨i da gulɔ mą́ą́, gáá ə́ heei nwun na. Hɛn lɔpee Israɛlə lonnii da gulɔ di hɔlɔɓo hɛnŋąą hu, diɛ gɛ a nwɔ́ɔ́. Gáá nɛɛi ə́ yee kɔ́nma, yɛ́ ka ə́ lonnii, a mɛ̨nįi mąą hva pɛli hvalin ɉii.

Bible

⁸ Yâwɛɛ è mò Eelɔŋ ma ǹyɛɛi, “Zama-sãai Eezuɛ-ŋai dí dɛ̀ɛ ḿbɔi, nyii-ŋai kélee dífe kɛ́ ní a kéreŋ-salai, ŋa dítɛɛ kápɔ a káwɔ̂i ka ílônii wɔlɔ-wɔlɔ da wɔlɔ-wɔlɔ.

Lonon mo 18:8 ပူးပေါင်းရင်းမြစ်များ

Tɔɔɓɛlaa veelɛ 12:16

Nuąi di kɛi nwaliɠaa tɛɛ di pɔ, góló kɛ nuą hvɛla kulɔ mɛ̨nį ɓa, di hvo kɛi di mąąni kɛ nwali mɛ̨nį hu, mąąhɔlɔɓo, di kɛi ɉon a nɛlɛɛ.

Kɔlɔnikɔ Veerɛi 31:4

Tɔɔmun ə mo Ɉerusalɛmə nuą diɛ, yɛ diɛ: Hɛn mąąnɛ̨ɛ̨ ka dɛɛ ɉaláá laa həli nuą da lévi lonnii pɔ, 'ka dɛɛ di pɔ, əgɛ, di di hvaŋąlɔ Yai-Laa ŋą tɔ́n mąą mɛ̨nį hu.

Kɔlɔnikɔ Veerɛi 31:5

Mɛ̨nįɠaa tii noloɓoɔ pulu, Israɛlə lonnii di pa kpɔ a di hɔlɔɓo hɛnŋąą dɔlɔɔɠaa, kpɔ kɛnɛ̨; di pa a mɔ̨nun, a lɔɔ, a wulɔ, a kwɛ̨nwulɔ, da kɔ̨nɔ̨n ɉuwui lɔpee gəlee; di bɛlɛ di hɔɔɓo hɛnŋąą kəlee bow nąą ɓa kpɔ kɛnɛ̨.

Lɛɛ gbɔwɔ ɓa 28:43

Aarɔn da nonnii da bu diɛ, ɓɛlɔwai da kɛi lɔ la gɛɛnąą mąąhəɠɛɛ ɓa a wala kɛ ti da kɛi lɛɠɛ ɉaláá kulɔ taɓali ɓa, haláá kulɔ mɛ̨nį ɓa, mįnɛ̨ pɛlɛ́ lon mu. Di hvo pa nɛ̨nŋɛ̨n ɉəɠə, di hvo haa. Yələ kəlee tɔ́n ga tii Aarɔn da ɉuwuɠaa kəlee di mąą mɛ̨nį ɓa.

Lɛɛ gbɔwɔ ɓa 29:21

Ɲąmąi ti a lɛɛ ɉaláá taɓali mɛ̨i, ə da həɠə, da nwulɔ mąą həɠɛɛ, ə da taɠa Aarɔn da mąą həɠəɠaa diɛ, ə mą kɛ da nonnii da di mąą həɠəɠaa, a kɛ ti, di mąą a həɠə, Aarɔn da mąą həɠəɠaa, nonnii da di mąą həɠəɠaa.

Lɛɛ gbɔwɔ ɓa 29:28

A kɛ a Aarɔn da nonnii di wɔɔ, yili kaa a tɔ́n yii hva ɉəɠə mą a yələ kəlee, da ɉɔlɔɓo ti Israɛlə lonnii yəi, yili ɓə gaa a di wɔɔ, ɉaláá kulɔ pələ tɛitɛi kəlee hu. Aarɔn da nonnii di tɔɔi li, niilaa haláái da kɛ gulɔi Yai-Laa ɓa ɉu.

Lɛɛ gbɔwɔ ɓa 29:29

«Aarɔn nwɔ haláá kulɔ həɠəɠaai da lɛɛ nonnii yəi bulu, yiliɠaai diɛ doo di kwąną a volói ŋɛ̨i da di mąąti la, diɛ di hee.

Lɛɛ gbɔwɔ ɓa 40:13

Ə́ ɉaláá kulɔ həɠəɠaa too Aarɔn kwąną, ə́ nwulɔ ta hiɛ mą, ə́ naakwɛlanmo, ə kɛ nwɔ́ kólói ɓa.

Lɛɛ gbɔwɔ ɓa 40:15

Ə́ di mąątí yɛ bələi ə́ gɛ la a di nąn, ə gɛ, diɛ pɛli nwɔ́ haláái kulɔi, a kɛ ti, nwulɔi ti ya ɉiɛ diɛ, yili ɓə a ɉaláá kulaa mąą laa tɛɛ di pɔ a kwɛlan gəlee mɛ̨nį.»

Azaya 10:27

Mąą yələi tii, tiɛ̨i kɛ ə́ kalan ŋą da ɉəɠə ə́ kalan ŋą, di diɛ̨ həɠə ə́ nwuɔ̨, diɛ̨i tii a həɠə laa, hɛn gɔw yɛ laa laa;

Levetekɔ 21:10

«Ɉaláá laa həli mun gɛnɛ̨mun nąn nonnii ɲɛ̨i tɔwɔi, yai tii di nwulɔ mąąhəɠɛɛ pu nwuɔ̨, diɛ ɉee, yɛ ɉəɠəɠaa too gwąną, mąą hvo nɛ̨ɛ̨li hvo nwuɔ̨ kɛ yai-yai, hvo mąąhəɠəɠaa huɓɛla,

Levetekɔ 23:20

Ɉaláá laa həli mun a mɛlaa lonnii hveelɛi tii laa həli Yai-Laa ɓa a naa həli pələ, ə bɛlɛ mɔ̨nun dɔlɔɔ lɛɠɛ mɔ̨n ŋąą tii ɓa. Di kaa a hɛn mąąhəɠɛɛɠaa, a Yai-Laa nwɔɔ, ɉɛnŋąą tii da lɛɛ ɉaláá laa həli mun ɲəi.

Levetekɔ 6:16

Hihɛn lɔpee haláá laa həli mun a Yálá kɔ́ la, mąąnɛ̨ɛ̨ di gələn gbɔ tɛ̨ɛ̨tɛ̨ɛ̨, di hva da mį́i.»

Levetekɔ 6:18

«Mo Aarɔn da nonnii diɛ: Nɛ̨ŋɛ̨n mąąhvaalɛɛ haláá kulɔ pələ ka: Da nɛ̨ŋɛ̨n mąąhvaalɛɛ taatɛlɛɛ paa, ɓɛi da daatɛlɛɛ kələn naa, Yai-Laa lííla. Gaa a hɛn yii mąąhəɠɛɛ.

Levetekɔ 6:20

Hɛn lɔpee a tunwɔ̨n ɉuwɔ ta ɓa, gaa a Yálá nwɔɔ. Ɲąmą ta a taɠa həɠə ta ɓa, ɓɛi tii ɲąmą ə taɠa laa, mąąnɛ̨ɛ̨ di nąą waa kɛɛnąą mąąhəɠɛɛ ɓa.

Levetekɔ 7:14

Dá nwɔmįi tɛitɛi laa həli a ɉuwu tɛitɛi, di yili həɠə ɉu a Yai-Laa nwɔɔ; ɛlɛɛ ɉaláá laa həli mun tii níílaa taatɛlɛɛ ɲąmą taɠa ɉaláá kulɔi ɓai, nwɔɔ li.

Levetekɔ 7:28

Yai-Laa yɛ Moisə ɓa:

Levetekɔ 7:6

Hinąą yiiɠaai di kaa ɉaláá kulɔ nuą yəi bɛlɛ́n, da pɛli di ɉuwɔi tii ta mį́i; da mįi kɛɛnąą mąąhəɠɛɛ ɓa. Yili kaa a hɛn mąąhəɠɛɛ kpɔ kpąą.

Levetekɔ 8:30

Moisə ə nwulɔ mąąhəɠɛɛ ta həɠə, da ɲąmąi tii ɉaláá kulɔi, ə da taɠa Aarɔn ɓa da mąą həɠə, ə gɛ lɔ tii a nonnii diɛ kpɛli; bələ ɓə di Aarɔn da nonnii, da di mąą həɠəɠaa laakwɛlanmo la Yálá nwɔ kólói ɓa.

Lonon mo 18:9

Ɉaláá hɛn mąąhəɠɛɛ hu yii hva kələn, yɛ lɛɛ a ə́ wɔɔ ya ka: Mɛ̨inɛ̨ɛ̨ haláá kəlee. Yii gaa a lɛɠɛ hunwɔ̨, nɛ̨ŋɛ̨n mąąhvaalɛɛ haláá kəlee, nu pɔɔŋą pɛli haláái lɔpee da gulɔ mą́ą́, ɉaláá mąąhəɠɛɛɠaai tii kaa a ka wɔɔ, yɛ́ ka ə́ lonnii.

Lonon mo 5:9

Ɉɛnŋąąi kpɔ Israɛlə lonnii da gulɔ ɉalááɠaa hu, ɉɛn mąąhəɠɛɛɠaai kpɔ da paa la ɉaláá laa həli mun bɔ, yili nwɔɔ li.

Korɛntə dɔlɔɔ 9:13

Ka hvo gɔlɔn kaa nuąi da tiɓo kɛ Yálá hee pɛlɛ́ mu, naa lɔ ɓə da di kɔ̨nɔ̨n ɉɔlɔɓo laa? Nuąi da kɛ haláá kulɔi Yálá nwɔ haláá kulɔ kəhi mɛ̨i, nąą ɓə da di kɔ̨nɔ̨n ɉɔlɔɓo laa?

Dutɛrɔnome 12:11

Akɛ ti gɛɛnąąi Yai-Laa ka wɔ Yálái kaa pai ɲee kpuwɔ lɛi mą, yɛ naa hee nąą ɓa, nąą ɓə ka káá pai kɛi lii laa a ka wɔ Yálá kɔ́ haláá yii da gəlee kələn, nɛ̨ɛ̨yɔwɔ laa haláá, a ka wɔ hihɛnŋąą má bow nąą, ɉɛnŋąą ka káá pai lɛɛi ka kpɔwɔ ɓa kaa Yálá kɔ́ la; ɉɛnŋąą ka káá pai kɛi di laakwɛlanmoi Yai-Laa ɓa.

Dutɛrɔnome 12:6

Nąą ɓə ka káá pai kɛi lii laa a ka wɔ haláá hɛnŋąąi da gəlee kələn, da ka wɔ nɛ̨ɛ̨yɔwɔ laa haláá, ə mą kɛ, ka wɔ hihɛnŋąą má bow nąą, ə mą kɛ, ɉɛnŋąąi ka káá pai kɛi lɛɛi ka kpɔɔ ɓa, kaa Yálá kɔ́ la, ə mą kɛ, yiiɠaai ka káá pai kɛi di laakwɛlanmoi, yɛ bələi: ka wɔ nįŋɛ̨ lonnii dɔlɔɔɠaa kaa la, da mɛlaa lonnii dɔlɔɔɠaa.

Dutɛrɔnome 18:1

Ɉaláá laa həli nuą ŋɛ̨i a Levi huwu hu nuą, da di nąn nonnii, diɛi a Levi huwu hu nuą, di hvo pai lɔi hɔlɔɓoi yɛ bələi di kaayɔwɔɠaa Israɛlə lonnii di ɉɔlɔɓo la. Ɉɛn di pai kɛi mįi a di kɔ̨nɔ̨n ya ɓaa: haláá hɛn da gwɛlan mo Yai-Laa ɓa, da hɛn gaa a Yai-Laa kɔ́ hɛn, yili ɓə a di wɔɔ.

Dutɛrɔnome 26:13

nąąlɔwai ka mo kɛa Yai-Laa ka wɔ Yálái lííla, kaa mą: Yii kɛ a ə kɔ́ hɛn Yai-Laa, kwa gulɔ bɛlɛ́n, kwa dɛɛ Levi lonnii pɔ, da nwɛ̨ą, da galaninŋąą, ə mą kɛ təliɠaa. Yɛ bələi ə́ dí la, ŋį́ gəlee kɛ, və́ da lɔpee mąą kala li, və́ lɛ̨ą li da ɓa.

Hebreu 1:9

Ə́ Tələnmolaa wɛli la kɛ, Ə́ mɛ̨nį ɲɔ̨n nwɛli kpɛɛ yɛ́, Yili ɓə gɛ, oo Yálá, ə́ wɔɔ Yálái ə́ ə́ mąątí a dɔɔ wulɔ, a kwəinɛ̨ɛ̨ wulɔ, ə ə́ həɠə ɉu ə́ ɓɛlaa lɔwai.»

Zɔ̂ŋ Maa-ŋuŋ 2:20

Yii ɓaa ká wɛi, daa ká mąątí, Mąąhəɠəmun ɓə ká mąątí, ɛlɛɛ, ká kəlee ká kili kaa tii ɉu.

Zɔ̂ŋ Maa-ŋuŋ 2:27

Ká wɛi, ká mąątíi ŋɛ̨i Ə moi, gaa ká hu, ɛlɛɛ, ə mą kpɛli kɛ, di hvo ká mąąkwɛli yili ɓa; kɛlaa, yɛ bələi nwɔ wulɔi a ká mąąkwɛli la a mɛ̨nį kəlee, ɛlɛɛ, yɛ ɓo a tɛ̨ą, ɛlɛɛ, hva lɛɛ kɛ, yii kani aa ká mąąkwɛlii, 'káán ká kąnąn gani mą.