Lonon mo 18:6 - Yálá laawoo hɛɓɛ (dc)

⁶ Kaa gaa, ɲą́ą́ gbinįi gáá ka nąn nonnii a Levi nu huwu di həɠəi Israɛlə lonnii lɔwai, ŋį́ di tɛɛ ka pɔ a ka wɔɔ. Di tɛɛ li kpɔ tɛ̨ɛ̨ tɛ̨ɛ̨ Yai-Laa pɔ. Diɛ gee kaa kələ mąą kólóɠaa kɛ.

Yálá laawoo hɛɓɛ

⁶ Kaa gaa, ɲą́ą́ gbinįi gáá ka nąn nonnii a Levi nu huwu di həɠəi Israɛlə lonnii lɔwai, ŋį́ di tɛɛ ka pɔ a ka wɔɔ. Di tɛɛ li kpɔ tɛ̨ɛ̨ tɛ̨ɛ̨ Yai-Laa pɔ. Diɛ gee kaa kələ mąą kólóɠaa kɛ.

Bible

⁶ Ka gáa, Livai-ŋai nyii-ŋai díkaa a kákayɔɔ-ŋai, ńyãa ƃé díkùla Eezuɛ-ŋai sáma. Díkaa a sama-sɛŋ kámɛni ma. Ŋa dílɛ a gɛɛ dí tíi kɛ́ ḿɛni ma zua kɔlɔ seɣe pɛrɛ maa waai mu.

Lonon mo 18:6 ပူးပေါင်းရင်းမြစ်များ

Zɛnɛse 6:17

Gáá pai yánwąną kulɔi lɔi mɛ̨i, ə nɔ̨ɔ̨-nɔ̨ɔ̨ hɛnŋaa kəlee nwun napili lɔi mɛ̨i.

Zɛnɛse 9:9

«Gáá nwóó kwɛlɛi kaa, ka ka huwuhu nuą,

Lɛɛ gbɔwɔ ɓa 14:17

Ɲą́ą́n, gáá pai Eziptə nuą kili walawalai, di lɛɛ ka pulu, nąą ɓə gáá pai nwɔ́ huwalawala mąąwiɛ lɛi laa Eziptə tɔɔmun, nwɔ kɔlaɠai da nwɔ wotoloɠaa diɛ, ə mą kɛ a nwɔ hoo mɛ̨i nuą kəlee.

Lɛɛ gbɔwɔ ɓa 31:6

Ŋą́ą́ Ahisamakə lon Oholiavə hvilɛn bɔ a mąąkpɔn mąą ɓomun; gaa a Dan huwuhu mun da. Ɛlɛɛ ŋą́ą́ mɛ̨nį hu kpɛ kili tɛɛ gilimąą nuą tii dɛitɛi pɔ; Mɛ̨nįɠaa kpɔ tii ŋį́ ə́ tí la, diɛ pɛli gəlee kɛi. Mɛ̨nįɠaa tii ɓaa:

Azaya 48:15

Ɲą́ą́, ɲą́ą́ ɓə hvaa; gaa tii, ɲą́ą́ ɓə ɲą́ą́ ɓə dəli, ɛlɛɛ, gɛ kóló hu kaa pai nɛ̨ɛ̨i!

Azaya 51:12

Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?

Izikiɛ 34:11

«Mąąhɔlɔɓo, mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ: Ɲą́ą́ gbį́nį ɓə pai lii nwɔ́ taatɛlɛɛ kpului kwɛlii, gɛ́ naa hɔn mo.

Izikiɛ 34:20

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Ɲą́ą́ gbínii, gáá pai mɛlaa haa yolaa, da mɛlaa haa kpalaa di lɔwai mɛ̨nį ɓoi.

Lonon mo 3:12

«Ɲą́ą́ gbinįi ɓə Levi lonnii həɠə Israɛlə lonnii lɔwai. Di kaa a Israɛlə lonnii lon ɉinąą dɔlɔɔɠaa mąąhvalin, nwɔ́ɔ́ ɓaa diɛ.

Lonon mo 3:13

Mąąhɔlɔɓo, lon dɔlɔɔ kəlee kaa a nwɔ́ɔ́; ə həɠə ɲələi ŋį́ Eziptə nuą lon ɉinąą dɔlɔɔɠaa paa la, Israɛlə lonnii hinąą dɔlɔɔ kəlee kaa a nwɔ́ɔ́, ə mą kɛ daatɛlɛɛ lonnii dɔlɔɔ da nu kan nonnii dɔlɔɔɠaa. Ɲą́ą́ ɓə gáá a Yai-Laa.»

Lonon mo 3:45

«Levi nu huwu həɠə a Israɛlə lon ɉinąą dɔlɔɔɠaa mąąhvalin. Ə́ Levi nu huwu nwɔ taatɛlɛɛɠaai həɠə, a Israɛlə taatɛlɛɛ lon dɔlɔɔɠaa mąąhvalin, Levi huwu kaa a nwɔ́ɔ́. Ɲą́ą́ ɓə gáá a Yai-Laa.

Lonon mo 3:6

«Levi lonnii lɛɠɛ ɓɛ, ə́ di tɛɛ Aarɔn pɔ, diɛ ɓə pai lɛɛi a bɔɔ tɔɔi.

Lonon mo 3:9

Yili ɓa, ə́ kaa pai Levi lonnii tɛɛi Aarɔn da nonnii pai lɛɛi di pɔ, Israɛlə lonnii kaa pai di tɛɛi, ɛlɛɛ ə kɛ kpɔ a di tɛɛ a neelee.