Lonon mo 18:5 - Yálá laawoo hɛɓɛ (dc)

⁵ Kaa ɓə pai kɛi gɛɛnąą mąąhəɠɛɛ da ɉaláá kulɔ kəhi mąą mɛ̨nį ɲɛ̨i kulɔi. A kɛ tii, nwɔ́ liiholi hvo pai kɛa ɓɛlai Israɛlə lonnii mɛ̨i.

Yálá laawoo hɛɓɛ

⁵ Kaa ɓə pai kɛi gɛɛnąą mąąhəɠɛɛ da ɉaláá kulɔ kəhi mąą mɛ̨nį ɲɛ̨i kulɔi. A kɛ tii, nwɔ́ liiholi hvo pai kɛa ɓɛlai Israɛlə lonnii mɛ̨i.

Bible

⁵ Ílônii nɔ́ ƃé ka dîa-ni ká zua kɔlɔ seɣe pɛrɛ maa waai mu-tii-ŋai kɛ́ é pɛ́lɛ ŋ̀âla-teƃelei maa-tii-ŋai dîa a gɛɛ ńii fé ŋɔ́nɔ ŋwàna Eezuɛ-ŋai dîa.

Lonon mo 18:5 ပူးပေါင်းရင်းမြစ်များ

Kɔlɔnikɔ Maa-ŋuŋ 23:24

Bələ ɓə Levi huwu ə kɛ la, da bɛlɛ́ɠaa laa; da bɛlɛ nąmįną laa, yɛ bələi di di lonon na tɛitɛi. Diɛi tii ɓə di yee ə kɛ Yai-Laa nwɔ pɛlɛ́i mu tíɓoɠaa diɛ, ə həɠə di kaa kwɛlan a kɛ pow hveelɛ ɓa, da ə laa mɛ̨i.

Kɔlɔnikɔ Maa-ŋuŋ 23:32

Diɛ ɓəgee kaa kələ mąą mɛ̨nį hɛlɛn ŋąą kɛ diɛ, diɛ ɲɛ̨i kulɔ, ə pɛlɛ la di kaayɔwɔɠaai kɛ a Aarɔn lonnii da kólo kɛ Yai-Laa nwɔ pɛlɛ́i mu, di mąą mɛ̨nį, da ɉɛnŋąąi naakwɛlanmoɔ Yálá ɓa.

Kɔlɔnikɔ Maa-ŋuŋ 24:5

Nuą tii hee mɛ̨nį, di gbɛɛn bili, əgɛ, di di hee kpəlin na kɛ di kɛ kóloɠaa hu Yálá nwɔ pɛlɛ́i mu. Mąąhɔlɔɓo, bələi lɔ Yálá ŋą nu kpɛa-kpɛaɠaa di kɛ la Eleazarə lonnii lɔwai, bələ lɔ ɓə ə kɛ la Itamarə lonnii lɔwai.

Kɔlɔnikɔ Maa-ŋuŋ 9:19

Salumə Kore lon, Ɛviasafə lon, Kore lon, da di kaayɔwɔɠaai kɛ a pɛlɛ́ tɔ̨nɔ̨ mu nuą. Kore nuąi tii ɓə kɛ a ɉəɠə pɛlɛ́ gbon galan ɉu mɛ̨ikaa nuą; di nąnni ɓə wɔlɔ kɛ a Yai-Laa ŋą ɓuwui laaləi mɛ̨ikaa nuą.

Kɔlɔnikɔ Maa-ŋuŋ 9:23

Diɛ da di lonnii ɓə kɛi Yai-Laa nwɔ pɛlɛ́i laaləi mąąkpɛ, yai kɛ a ɉəɠə pɛlɛ́.

Kɔlɔnikɔ Maa-ŋuŋ 9:33

Levi lonnii kɛ nwələ too nuą pɔ, diɛ ɓo a pɛlɛ́ nąmįną, di kɛ di wɔɔ pɛlɛ́ɠaai mu, koló takpɛli hvó kɛ diɛ, ə kulɔ lɔ yii kɛ gbɔw laa di nwuɔ̨, diɛ gɛ a hvóló pɛlɛɛ kpįnį ɓa.

Lɛɛ gbɔwɔ ɓa 27:21

Ɓɛi gu kaa pai kɛi gu kee kaai laa, ɉəɠə ɓɛla ŋɛ̨i hɛlɛn ni mįnɛ̨ kəhi lííla, mo Aarɔn da nonnii diɛ, di nwulɔ nwɔ̨n ɉee nííla yɛ lən, a yələwulii da yələwala, Yai-Laa lííla. Yili ɓə pai kɛi a Israɛlə lonnii di wɔ kóló, mąą hva hvalin, yɛ ɓo a yələ kəlee mɛ̨nį.

Ɉeremi 23:15

Yili mąą mɛ̨nį ɓa, yii Yai-Laa Mɛ̨nį Kəlee ŋą Hééɓomun kaa moi, Yálá kwəi mɛ̨nį hukulɔ nuą tii mąą mɛ̨nį hu, ya ka, yɛ diɛ: «Gáá pai di paa hali tɔɔi di la, gaa a pili mąą ya, gáá pai dɛɛi di pɔ di gbələ. Mąąhɔlɔɓo, Yálá kwəi mɛ̨nį hukulɔ nuąi Ɉerusalɛmə daai, diɛ ɓə nɔi kala mɛ̨nį aa həɠə di pɔ pələ, yɛ hiɛ nɔi nąą kəlee.»

Izikiɛ 44:15

«Ɉaláá laa həli nuą, diɛi a Levi huwu, a Sadɔkə lonnii, diɛi tii kɛi nwɔ́ kɛɛnąą mąąhəɠɛɛi mąą kólóɠaa kɛ, ɓɛlɔwai Israɛlə lonnii di lan na, diɛ di mąą kwɛa mą́ą́, diɛ ɓə pai kɛi di mąą lɛɠɛi mą́ą́, diɛ mą́ą́ mɛ̨nįɠaa ɲɛ̨i kulɔ. Di kaa pai kɛi tɔɔni nííla; di ɉuwɔ wulɔ da ɲąmą di laa həli mą́ą́. Mɛ̨nį kəlee ŋą Hééɓomun Yálá woo li.

Izikiɛ 44:16

Diɛ ɓə pai kɛi lɔi nwɔ́ kɛɛnąą maahəɠɛi ɓa, diɛ lɛɠɛ nwɔ́ haláá kulɔi ɓa; diɛ mą́ą́ mɛ̨nį ɲɛ̨i kulɔ; diɛ nwɔ́ tɔ́nŋaai maa yɛlɛ kɛ.

Levetekɔ 10:6

Moisə yɛ Aarɔn da nonnii hinąą hveelɛi, Eleazarə da Itamarə diɛ: «Ka hvə ka nwuɔ̨ kɛ yɔhɔ-yɔhɔ, ka hvo ka mąąhəɠə huɓɛla; ə gɛ ka hvo pa haa, Yai-Laa hvo pa niiɲąnwąną nɔi nuą kəlee diɛ. Ka nɛ̨ɛ̨ laa ka kaayɔwɔɠaa Israɛlə nuą kəlee di nuąi Yai-Laa ə di paa a nwɔ̨n, di haa wɔlɔ ɓo.

Levetekɔ 24:3

Ɉəɠə ɓɛla lííla, mįnɛ̨ kəhi ŋɛ̨i gee kaa kələ mu ɲɛ̨i tɔwɔ ɓə Aarɔn kaa pai nwɔ̨n ɉeei laa yɛ lən Yai-Laa lííla yələwului da yələwala, Ka wɔ yɛnɛ̨ɛ̨ mąą tɔ́n da li a yələ kəlee, hva ɉəɠə mą, kaa gɛ a kwɛlan gəlee.

Zakari 10:3

Mɛlaa pulu nuą ɓə, ŋį́ nííholi di pɔ, molu hilɛɠaa ɓə gáá pai heei di hu. Mąąhɔlɔɓo, Yai-Laa Mɛ̨nį Kəlee ŋą Hééɓomun, kaa pai nwɔ taatɛlɛɛ kpului mɛ̨i kaai, yai a Ɉuda nwɔ pɛlɛ́i. Gaa pai gɛi a nwɔ kɔ́nwɔ̨-hvoo, gɔ́ mɛ̨i.

Lonon mo 1:50

Gee kaa kələ mąą mɛ̨nį lɛɛ Levi lonnii nwuɔ̨, da mu hɛnŋąą diɛ ɓə mąąnɛ̨ɛ̨ diɛ gbəŋəi, da mu hɛnŋąą kəlee, diɛ kóló kɛ mu; ɛlɛɛ, di di wɔɔ həɠə pɛlɛ́ɠaa tɔɔ gwɛlɛ, di mąątínɛ̨n na.

Lonon mo 1:53

Levi lonnii di wɛi, da di wɔɔ kələɠaai tɔɔ, di gee kaa kələ mąątínɛ̨n na, yili ɓə a gɛ, Yai-Laa nwɔ liiholi hva pɛli həlii Israɛlə lonnii diɛ. Levi lonnii diɛ kóló kɛ gee kaa kələ mu.»

Lonon mo 18:4

Di kaa pai kɛi ə́ mąą kpɔnmąą ɓoi, diɛ gee kaa kələ mąą mɛ̨nį ɲɛ̨i kulɔ, a gələ́ mąą mɛ̨nįɠaa kəlee, nu takpɛli hva pɛlɛ kaa.

Lonon mo 4:18

«Ka hvo gɛ di hvo pa Kehatə nwɔ kwəlii hu nuą laa kulɔ Levi nu huwu lɔwai.

Lonon mo 8:19

Gɛ́ di tɛɛ Aarɔn da nonnii di pɔ Israɛlə lonnii lɔwai, Levi lonnii kaa di yee kɔ́nma, diɛ Israɛlə lonnii di wɔ haláá laa həli gee kaa kələ mu, diɛ nɛ̨ŋɛ̨n mąąhvaalɛɛ kóló kɛ diɛ, a kɛ tii, ɲɔ̨n ɲɔ̨nwɔ̨ɔ̨ hva kɛa pɛlɛ Israɛlə lonnii diɛ, a kɛ da lɛɠɛ gɛɛnąą mąąhəɠɛɛ ɓa.»

Lonon mo 8:2

«'Mo Aarɔn ɓa, yɛ́ mą: Yá kɛi pa nwɔ̨n ɉee hɛnŋąą heei, di hee pələ ka: Nwɔ̨n ɉee hɛn mɛ̨ihveelɛi mąąnɛ̨ɛ̨ diɛ lən, di lən yɛ di tɔwɔ pɔ̨nɔ̨.»

Timote dɔlɔɔ 1:18

Nón Timote, mɛ̨nįi gáá ə́ mąąkwɛlii mąi, bɛliɛi Yálá kwəi mɛ̨nįɠaai di mo ə́ mąą mɛ̨nį hu, mą; ə gɛ, nwooɠaa tii di ə́ hvaŋąlɔ, yɛ pɛli kɔ́ lɛlɛɛ kɔ́i,

Timote dɔlɔɔ 3:15

Kɛlaa, ə mą kɛ və́ pa li ɉa, bələi mąąnɛ̨ɛ̨ ə́ túwɔ́ la Yálá ŋą pɛlɛ́i mu, yáá bələ kɔlɔn, yai a Yálá hvúlúmąą ŋą kpɔn, a tɛ̨ą hąątíliin da tɔɔbulu.

Timote dɔlɔɔ 5:21

Mɛ̨nįi gáá ə́ tíi la a nwą́nąi Yálá ɲɛ̨i ɓa, Jesus Kristə ɲɛ̨i ɓa, da malakaɠaa, ya ɓaa: 'Ə́ kili lɛɛ niɛwooɠaa tii hu a nwalawala laa, 'hvó huyɛɠɛɓo kɛ, hvo da kulɔ ɉu, nu ta mąą mɛ̨nį ɓa.

Timote dɔlɔɔ 6:20

Nwɛ́li kɛ mąą lon Timote, mɛ̨nįi galihvaɓoɔ yɛ́, ə́ yee kąnąn mą kpąą, 'hvó ə́ laa lɔ hɛa kpɛli-kpɛli toɔ hu, yii nwun və mą, mɛ̨nį kɔ́lɔnŋąąi hvo hvilɛn ni Yálá kɔ́lɔn bələ ɓa, 'hvó ə́ laa lɔ ɉu.