Lonon mo 18:21 - Yálá laawoo hɛɓɛ (dc)

²¹ «Levi lonnii di wɛi ka: Hɛn lɔpee pai hɔlɔɓoi Israɛlə lɔi hu, bow nąąi da gulɔ a Nįįhɔ̨nwɔ̨; yili ɓə gáá dɛɛi Levi lonnii pɔ a gee kaa kələ mąą kólóɠaai da gɛ mąą hvɛla.

Yálá laawoo hɛɓɛ

²¹ «Levi lonnii di wɛi ka: Hɛn lɔpee pai hɔlɔɓoi Israɛlə lɔi hu, bow nąąi da gulɔ a Nįįhɔ̨nwɔ̨; yili ɓə gáá dɛɛi Levi lonnii pɔ a gee kaa kələ mąą kólóɠaai da gɛ mąą hvɛla.

Bible

²¹ “Zama-sãai kélee Eezuɛ-ŋai dí dɛ̀ɛ ḿbɔi, ŋa buu-ɣelei tɛ̀ɛ Livai-ŋai pɔ́ a díkɔ̃liŋ dii-ŋai mɛni ma da gɛ̀ mî zua kɔlɔ seɣe pɛrɛ maa waai mui.

Lonon mo 18:21 ပူးပေါင်းရင်းမြစ်များ

Zɛnɛse 14:20

Mąąwiɛ ə kɛ Huwalawala Kəlee Nąmu Yálá ɓa, yai ə́ yowo nwɔ huwalawala too ə́ kɔ́wɔ mu!» Abramə ə nɛɛ mą, ɉɛn ə ɉɔlɔɓo laa, ə bow nąą tɛɛ Mɛlkisedɛkə pɔ.

Zɛnɛse 47:24

Ka pa mɔ̨nun deei, ka ɉeei kɛ lɔɔli, dɔ̨nɔ̨ ɓə gaa a tɔɔmun nwɔɔ, nąąn ə ɓo a díi kɛmun nwɛi. Yili ɓə díi huwu a kulɔ ɉu, ka yəi bɛlɛ́n nuą kəlee kɔ̨nɔ̨n ə kulɔ ɉu.»

Zɛnɛse 47:26

Ɉosɛfə ə yili hee Eziptə lɔi hu a tɔ́n, haa ɓa haa, Dɔ́n tii kaa ni mą; nu a tíi kɛ Eziptə lɔi hu, a ŋąąkwɛlɛ ɉu lɔɔli, ɉeei dɔ̨nɔ̨ kaa a tɔɔmun nwɔɔ, nąąn ə lɛɛ a díi kɛmun nwɔɔ. Ɉaláá laa həli nuą lɔ ɓə di wɔ lɔi kaa a di wɔɔ, hvo ɓaa tɔɔmun nwɔɔ.

Kɔlɔnikɔ Veerɛi 31:12

di ɉɛn bow nąąɠaa, da Yálá kɔ́ hɛnŋąąi, di paa la, di naa kpɔ a nɛlɛɛ. Di Levi lon Konaniahu kɛ a mɛ̨i kaamun, di ɉee gwɛlɛmun gɛ a gaayɔwɔ Simei.

Nehemi 10:29

Nɔi lonnii gbəliɠaai tii, ɉaláá laahəli nuą, Levi huwuhu nuą, bɛlɛ́ laaləi nuą, nwələ too nuą, da ɉaláá koló kɛ nuą, da nuąi kpɔ daa həɠə lɔi takpɛliɠaa hu nuą pulu, diɛ hvilɛn Yálá nwɔ tɔ́n nwooi pulu, di nɛ̨ąni, di lon ɉinąą da di lonnii nɛ̨ąą, nuąi kpɔ kɛ da pɛli mɛ̨nį kpaɠala kaai,

Nehemi 10:37

Ə mą kɛ ku lon ɉinąą dɔlɔɔɠaa, da ku wɔ taatɛlɛɛɠaa lonnii ɉilɛ tɔlɔɔɠaa, gbɛa-kpɛa mąn da bɛlɛɛ pɛlɛɛ mąn, mąąnɛ̨ɛ̨ ku pa a diɛ ku wɔ Yálái yəi bɛlɛ́n, ɉaláá laa həli nuąi tii ku wɔ Yálái yəi bɛlɛ́n, di pɔ yɛ pələi dɔ́n ɉɛɓɛ́ ə mo la.

Nehemi 10:38

Ku wɔ lɛɠɛ hunwɔ nɛlɛɛ mun, ku wɔ wulu ɓaɠaa, ku wɔ lɔɔ nįnɛ̨, da wulɔ, kwa pa a ɉɛnŋąąi tii ɉaláá laa həli nuą pɔ, ku wɔ Yálái yəi bɛlɛ́n. Ku wɔ lɔiɠaa kwa tíi kɛ mą, kwa pa a bow naa Levi huwuhu nuą pɔ. Levi huwuhu nuąi tii ɓə da tɛɛ, di ɉɛn bow nąąɠaai tii kəlee hon daaɠaai kpɔ kwa tíi kɛ ɉu naa kəlee.

Nehemi 12:44

Volói tii ɓə di nuą taɠaa yɛɠɛ la ɉu, ə gɛ, ɉihɛn nįnɛ̨ɠaa da ɉɛn bow nąąɠaai di pai kɛi gulɔi da bu mu, diɛ mɛ̨i kaa. Ɉɛnŋąąi tii da paa la diɛ həɠə la daaɠaa hu, nuąi tii ɓə da haláá laa həli nuą da Levi huwuhu nuą di wɛi kulɔ ɉu, pələi tɔ́n ə mo la. Ɉuda nɔi nuą kəlee kwəinɛ̨ɛ̨i kɛ ɉaláá laahəli nuą da Levi huwuhu nuą di kɛ koló hu.

Nehemi 12:47

Zorobabɛlə da Nehemi di wɔ lɔwai hu, Israɛlə nuą di kɛi hɛnŋąą tɛɛ nwələ too nuą da bɛlɛ́ laaləi nuą di pɔ a hvóló tɛitɛi kəlee. Yii kɛ naakwɛlanmoɔ Yálá ɓa, ə kɛi lɛɛ Levi huwuhu nuą yəi, yai kɛ a Aarɔn lonnii di wɛi, diɛ dɛɛ di pɔ.

Nehemi 13:12

Nąąlɔwai ɓə kɛa, Ɉuda nuą di kɛi paa la a di wɔ mɔ̨nun ɉeen bow nąą da nɔɔ nįnɛ̨, ə mą kɛ, nwulɔ nįnɛ̨; diɛ pa diɛ ɉee ɓɛi mąąnɛ̨ɛ̨ di ɉee laa.

Nehemi 13:5

Di pɛlɛ kɛnɛ̨ ta tɛɛ bɔ, ɓɛi mąąnɛ̨ɛ̨ kɛ di gɔɓo hɛnŋaa, lansan, bɛlɛ́n ɉɛnɲąŋąɠaa, ɉɛn bow naa yii kulɔ a mɔ̨nun, lɔɔ nįnɛ̨ da wulɔ nįnɛ̨, yai kɛ a Levi huwuhu nuą di wɔ da nwələ too nuą, ə mą kɛ bɛlɛ́ laaləi nuą da ɉaláá laa həli nuą di wɛi; bɛlɛi tii ɓə di kɛi ɉɛnŋąą tii hee mu.

Malasi 2:4

Nąąlɔwai, ka gbaɠala kaa, kaa diɛ: Mɛ̨nįi ŋą́ mo káá, yili ə kɛ tii, ɛlɛɛ, nwóói ŋą́ gwɛlɛ Levi da ɉuwu hu nuą diɛ, gaa ni mą. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Malasi 3:10

'Ká pa a ká hɔlɔɓo hɛnŋąą kəlee bow nąą ɉéé pɛlɛ́ mu, ə gɛ, kɔ̨nɔ̨n ə kɛ ɲə́i bɛlɛ́n. Ká yili kɛ tii, ka ɉúkɔɔn; ɲą́ą́ Yai-Laa Mɛ̨nį Kəlee ŋą Hééɓomun, akɛ vá yələkɔlɔn naa ɓo, və́ lúwɔ́ yɛɛ ka mɛ̨i a gbulu kɛnɛ̨.

Lonon mo 18:6

Kaa gaa, ɲą́ą́ gbinįi gáá ka nąn nonnii a Levi nu huwu di həɠəi Israɛlə lonnii lɔwai, ŋį́ di tɛɛ ka pɔ a ka wɔɔ. Di tɛɛ li kpɔ tɛ̨ɛ̨ tɛ̨ɛ̨ Yai-Laa pɔ. Diɛ gee kaa kələ mąą kólóɠaa kɛ.

Lonon mo 3:6

«Levi lonnii lɛɠɛ ɓɛ, ə́ di tɛɛ Aarɔn pɔ, diɛ ɓə pai lɛɛi a bɔɔ tɔɔi.

Lonon mo 31:28

Nuąi li gɔ́ ɓa, mąąnɛ̨ɛ̨ ə́ di wɛi ta həɠə ɉu, a Yai-Laa nwɔɔ. Nu nwun nɔɔli a lɛɛ nu yəi, mąąnɛ̨ɛ̨ ə nu tɔ̨nɔ̨ tɛɛ; a kɛ a taatɛlɛɛ nwun nɔɔli ə daatɛlɛɛ tɔ̨nɔ̨ tɛɛ a Yai-Laa nwɔɔ; ə kɛ a nįŋɛ̨, ə kɛ a hoohvaalən, ə kɛ a taatɛlɛɛ pɛlɛɛ.

Galatə 6:6

Nui di kaa mąąkwɛli Yálá laa woo ɓa, mąąnɛ̨ɛ̨i, ə kpɔnmąą tɛɛ mąąkwɛlimun bɔ a ɲəi hɛn nɛlɛɛmun.

Dutɛrɔnome 18:8

Da Levi yiiɠaa tii ə di kaa laa, di kɔ̨nɔ̨n a kɛ a bɛliɛ a gee. Kɛlaa, ɉɛnŋąą nui tii ə nɔwɔtɔɔ a nąn bulu hɛn, yili laa kulaa ɉu.

Hebreu 7:5

Ya pa, Levi nu huwui ɉaláá mɛ̨nį kaa di nwuɔ̨, yɛ bələi dɔn ə mąąlaa tɛɛ la di pɔ, diɛ ɉɛn bɔw nąą hon Israɛlə lonni yəi, a diɛi a di kaayɔwɔɠaa, di kəlee di kaa a Abrahamə lonnii.