Lonon mo 18:12 - Yálá laawoo hɛɓɛ (dc)

¹² Wulɔ nįnɛ̨, da lɔɔ nįnɛ̨, da mɔ̨nun ə mą kɛ hɛn dɔlɔɔɠaai da Yai-Laa kɔ́ la, gáá di tɛɛi ə́ pɔ.

Yálá laawoo hɛɓɛ

¹² Wulɔ nįnɛ̨, da lɔɔ nįnɛ̨, da mɔ̨nun ə mą kɛ hɛn dɔlɔɔɠaai da Yai-Laa kɔ́ la, gáá di tɛɛi ə́ pɔ.

Bible

¹² “Eezuɛ-ŋai dísi-ŋai m̀á maa-ŋuŋ-ŋai da dɛ̀ɛ ḿbɔ a kóraŋ kélee, ŋa dítɛɛ kápɔi dia ka ŋí. Wúlɔ, ŋwãai da ísi-sãai ǹɛ̂lɛɛ-ŋai.

Lonon mo 18:12 ပူးပေါင်းရင်းမြစ်များ

Zɛnɛse 27:28

«Gɛ́ Yálá ə luwuluwu tulɔ pu yɛ́. Ə lɔi hɛn gɔw tɛɛ ə́ pɔ, ə́ mɔ̨nun ɉɔlɔɓo kɛnɛ̨, da lɔɔ nįnɛ̨.

Tɔɔɓɛlaa veelɛ 4:42

Hulɔnu ta ə həɠə Baalə-Salisa yɛ pa, nɛɠɛ ŋɛ̨i da naakwɛlanmo Yálá ɓa a hɛn dɔlɔɔ, ə ɓo ɲəi. Ə kɛ a kpai lɛɠɛ mɔ̨n ŋąą pow hveelɛ, da mɔ̨nun nįnɛ̨, ə kɛ ɲəi ɓíi hu. Elise yɛ mą: «Ŋąąkwɛlɛ nuą diɛ, di mįi.»

Kɔlɔnikɔ Veerɛi 31:5

Mɛ̨nįɠaa tii noloɓoɔ pulu, Israɛlə lonnii di pa kpɔ a di hɔlɔɓo hɛnŋąą dɔlɔɔɠaa, kpɔ kɛnɛ̨; di pa a mɔ̨nun, a lɔɔ, a wulɔ, a kwɛ̨nwulɔ, da kɔ̨nɔ̨n ɉuwui lɔpee gəlee; di bɛlɛ di hɔɔɓo hɛnŋąą kəlee bow nąą ɓa kpɔ kɛnɛ̨.

Mąątɛ̨nɛ̨ 147:14

Ya ɓə liilaa yɛnɛ̨ɛ̨ tɛɛ ə́ wɔ lɔi pɔ, yɛ ə́ pilɛ a mɔ̨nun nįnɛ̨.

Mąątɛ̨nɛ̨ 81:16

Nuąi Yai-Laa wɛli kpɛɛ diɛ, yiliɠaai də li kɛ di nɛ̨ɛ̨ kwɛlii di hu, dəli lɔ kɛa kɛ yili hu a yələ kəlee.

Lɛɛ gbɔwɔ ɓa 22:29

«‹Bələ lɔ ɓə yá gɛ la a ə́ wɔ nįŋɛ̨ da ə́ wɔ ɓɛlaaɠaa, a lɛɛ nee pɔ hvóló mɛ̨ihveelɛ yee mu, voló mɛ̨ihaaɓa yələ, ə́ dɛɛ bɔ́.

Lɛɛ gbɔwɔ ɓa 23:19

Ka pa a ka wɔ hihɛn má dɔlɔɔ-tɔlɔɔɠaa Yai-Laa ka wɔ Yálái yəi bɛlɛ́n. Ka hvo ɓolu lon ɲili nee ɲįnįya hu.

Lɛɛ gbɔwɔ ɓa 34:26

«Mąąnɛ̨ɛ̨ ka pa a ka wɔ lɔi hu wulu ɓá dɔlɔɔ Yai-Laa ka wɔ Yálá yəi bɛlɛ́n. Ka hvo ɓolu lon ɲili nee ŋįnįya hu.»

Izikiɛ 44:30

Hihɛn gəlee má tɔlɔɔ, hɛn lɔpee ka ɉəɠə taatɛlɛɛɠaa hu, ka kɛ kólóɠaa hu, ə kɛ a haláá hɛn lɔpee, ka dɛɛ ɉaláá laa həli mun bɔ; lúwɔ́ ə pɛli yɛɛi ə́ wɔ pɛlɛ́i mɛ̨i.

Levetekɔ 2:12

Ka pɛli mą ka Yai-Laa kɔ́ a hɛn dɔlɔɔ, kɛlaa ka naa həli a hɛn mąą kun nɛ̨ɛ̨ haláá kulɔi.

Levetekɔ 2:14

«Ya kɛi pa Yai-Laa kɔ́i a ə́ yəi ɲɛa hihɛn mɛ̨ikɔw, a kɛ a hɛn gbaɠa ɓa, 'nɛ nwɔ̨n ma ə pola, ə́ vunwɔ̨ yɛ́ tɛɠa paa la.

Levetekɔ 23:17

Ɓɛi lɔpee ka kɛ laa heeni, ka pa a lɛɠɛ mɔnŋąą hveelɛ, dɛitɛi kəlee pɛliɛ a gəgən ɉu haaɓa lɛɠɛ hunwɔ̨, dɛ hɛn yɛ ɓo ɉu. Ka wɔ hihɛnŋąą mɛ̨ikɔw li, a Yai-Laa nwɔɔ.

Levetekɔ 23:20

Ɉaláá laa həli mun a mɛlaa lonnii hveelɛi tii laa həli Yai-Laa ɓa a naa həli pələ, ə bɛlɛ mɔ̨nun dɔlɔɔ lɛɠɛ mɔ̨n ŋąą tii ɓa. Di kaa a hɛn mąąhəɠɛɛɠaa, a Yai-Laa nwɔɔ, ɉɛnŋąą tii da lɛɛ ɉaláá laa həli mun ɲəi.

Dutɛrɔnome 18:3

Hɛn pai kɛi a di wɔɔ, ya ɓaa pai kɛi a: Nįŋɛ̨ɠaa da mɛlaaɠaai Israɛlə lonnii da paa la a kɔ́ɓo hɛn, da da paai, ɲee, naakpaɠa, da gwəi hɛnŋąą; yili ɓə a di wɛi.

Dutɛrɔnome 18:4

Hɛn nwɔ̨nɔ̨ ka dɛɛ di pɔ, ya ɓaa: ka wɔ hihɛn dɔlɔɔɠaa, yɛ bələi, mɔ̨nun gaa la, da ka wɔ lɔɔ nįnɛ̨, ka wɔ wulɔ nįnɛ̨, ə mą kɛ, ka wɔ ɓɛlaaɠaa, nəɠa dɔlɔɔɠaa ka mɛ̨i tee, ka nəɠa tɛɛ di pɔ.

Dutɛrɔnome 26:2

ka wɔ hihɛnŋąą má dɔlɔɔ-tɔlɔɔɠaa ka ɉɔlɔɓo nɔi tii hu, yai Yai-Laa ka wɔ Yálái ə dɛɛ ka pɔ, ka da həɠə ɉu ka gbili kɛ; ɓɛi Yai-Laa ka wɔ Yálái kaa pai ɲeekpiɛ lɛi laa, yɛ naa hee mą; ka li la laa.

Dutɛrɔnome 32:14

Nįŋɛ̨ da ɓɛlaa ɲįnįya ɓə a dɛɛ di pɔ, Basan ɓɛlaa lon, molu hilɛ, ə mą kɛ, ɓɛlaa wulɔɠaa, yɛ dɛɛ di pɔ, Yɛ viɲə yá kpɔluɔ gbələtətə tɛɛ di pɔ diɛ gbələ.