Lonon mo 18:11 - Yálá laawoo hɛɓɛ (dc)

¹¹ Mɛ̨inɛ̨ɛ̨ yii lɔpee Israɛlə lonnii da paa la, da yii lɔpee da gulɔ ɉaláá hɛnŋąą hu a nwɔ́ɔ́i, ə́ wɔɔ li nwɔ̨nɔ̨, gáá di tɛɛi ə́ pɔ ka ə́ lon ɉinąą, da ə́ lonnii nɛ̨ąą, a mɛ̨nį hva pɛli ɉəɠəi mą. Nui lɔpee a kɛ ə́ yəi bɛlɛ́n mąąhəɠɛɛ tɔ́n ɲəi, a pɛli mą ə da mįi.

Yálá laawoo hɛɓɛ

¹¹ Mɛ̨inɛ̨ɛ̨ yii lɔpee Israɛlə lonnii da paa la, da yii lɔpee da gulɔ ɉaláá hɛnŋąą hu a nwɔ́ɔ́i, ə́ wɔɔ li nwɔ̨nɔ̨, gáá di tɛɛi ə́ pɔ ka ə́ lon ɉinąą, da ə́ lonnii nɛ̨ąą, a mɛ̨nįi hva pɛli ɉəɠəi mą. Nui lɔpee a kɛ ə́ yəi bɛlɛ́n mąąhəɠɛɛ tɔ́n ɲəi, a pɛli mą ə da mįi.

Bible

¹¹ “Ǹíi-see sala-sãai Eezuɛ-ŋai da dítɛ̀ɛ ḿbɔi, díkaa máŋ a kápɔɔ ka ílônii-sinaai da ílônii-nɛyãai wɔlɔ-wɔlɔ da wɔlɔ-wɔlɔ. Ísuui su-ƃelai nyii-ŋai kélee dímaa waâi, da pɔ̂ri da miî.

Lonon mo 18:11 ပူးပေါင်းရင်းမြစ်များ

Levetekɔ 10:14

Ɉuwɔ kəŋən tii di naa həli da ɉuwɔɠaai tii di gulɔ ɉu, ka gəlee mįi kɛɛnąą mąąhəɠɛɛ ɓa ka ə́ lonnii hinąą da nɛ̨ąą. Mąąhɔlɔɓo, Israɛlə lonnii di wɔ liilaa halááɠaai hu, ka wɛi mąąnɛ̨ɛ̨ ə kulɔ ɉu ə tɛɛ ka ə́ lonnii ka pɔ, yaa li.

Levetekɔ 7:14

Dá nwɔmįi tɛitɛi laa həli a ɉuwu tɛitɛi, di yili həɠə ɉu a Yai-Laa nwɔɔ; ɛlɛɛ ɉaláá laa həli mun tii níílaa taatɛlɛɛ ɲąmą taɠa ɉaláá kulɔi ɓai, nwɔɔ li.

Lonon mo 18:1

Yai-Laa yɛ Aarɔn ɓa: «Yɛ́, ə́ lonnii, ka Levi nu huwu, ka nwuɔ̨ tiɛ̨ ɓaa nɛ̨ŋɛ̨ŋąą da ɉəɠə gɛɛnąą mąąhəɠɛɛ ɓa, mąą pɔnnaa pu mɛ̨nį. Ɛlɛɛ, nɛ̨ŋɛ̨nŋąąi da ɉəɠə ɉaláá kulɔ kóló hu, yɛ́ ka ə́ lonnii ɓə yili nwulu kaa ka nwuɔ̨.

Lonon mo 18:10

Ka di mįi yɛ kɔ̨nɔ̨n mąąhəɠɛɛ. Hinąą kəlee da pɛli da mįi, mąąnɛ̨ɛ̨ ə́ ɉɛnŋąąi tii kaa yɛ́ hɛn mąąhəɠɛɛɠaa.

Lonon mo 18:19

«Ka yíi pələ li, hva ɉəɠə mą, yɛ́ ə́ lon ɉinąą da ə́ nonnii nɛ̨ąą. Hɛn lɔpee Israɛlə lonnii da gulɔ haláá hɛn ɉu a Yai-Laa nwɔɔ, gáá di tɛɛi ka pɔ. Mįnɛ̨ ka tii ɲilɛɛ a kpolo a yələ kəlee mɛ̨nį, Yai-Laa ɲɛ̨i ɓa, yɛ́ ka ə́ huwu ka mąą mɛ̨nį ɓa.»

Lonon mo 18:8

Yai-Laa yɛ Aarɔn ɓa: «Ə́ wəli tɔɔ, Nįįhɔ̨nwɔ̨i da gulɔ mą́ą́, gáá ə́ heei nwun na. Hɛn lɔpee Israɛlə lonnii da gulɔ di hɔlɔɓo hɛnŋąą hu, diɛ gɛ a nwɔ́ɔ́. Gáá nɛɛi ə́ yee kɔ́nma, yɛ́ ka ə́ lonnii, a mɛ̨nįi mąą hva pɛli hvalin ɉii.

Dutɛrɔnome 18:3

Hɛn pai kɛi a di wɔɔ, ya ɓaa pai kɛi a: Nįŋɛ̨ɠaa da mɛlaaɠaai Israɛlə lonnii da paa la a kɔ́ɓo hɛn, da da paai, ɲee, naakpaɠa, da gwəi hɛnŋąą; yili ɓə a di wɛi.