Lonon mo 18:10 - Yálá laawoo hɛɓɛ (dc)

¹⁰ Ka di mįi yɛ kɔ̨nɔ̨n mąąhəɠɛɛ. Hinąą kəlee da pɛli da mįi, mąąnɛ̨ɛ̨ ə́ ɉɛnŋąąi tii kaa yɛ́ hɛn mąąhəɠɛɛɠaa.

Yálá laawoo hɛɓɛ

¹⁰ Ka di mįi yɛ kɔ̨nɔ̨n mąąhəɠɛɛ. Hinąą kəlee da pɛli da mįi, mąąnɛ̨ɛ̨ ə́ ɉɛnŋąąi tii kaa yɛ́ hɛn mąąhəɠɛɛɠaa.

Bible

¹⁰ Ka dímii gwaa maa waai ma. Sinâa nɔ́ ƃa pɔ̂ri dímîi. Zãai ŋí maa waâi.

Lonon mo 18:10 ပူးပေါင်းရင်းမြစ်များ

Izikiɛ 42:13

Ɉulɔnui tii yɛ mą́ą́: Bɛlɛ́ yiiɠaai ŋɛ̨i ɲələi pələ, da yiiɠaai ɉɛɠɛɛ pələ di ɲɛ̨i heɛ gwəli hɛ̨ą ɓa, di kaa a kɛnąą mąąhəɠɛɛ, mąąhɔlɔɓo, nąą ɓə ɉaláá laahəli nuąi ŋɛ̨i da lɛɠɛ Yai-Laa ɓa da ɉɛnŋaa mąąhəɠɛɛɠaa mįi laa. Nąą ɓə ɉɛnŋaai kpɔ di mąąhəɠɛɛ kɛnɛ̨, da di hee laa, diɛ ɓaa: Yálá kɔ́ hɛn, nɛ̨ŋɛ̨n mąąhvaalɛɛ haláá hɛn, ɛlɛɛ da nu pɔɔŋa pɛli haláá. Mąąhɔlɔɓo, kɛɛnąą mąąhəɠɛɛ li.

Levetekɔ 10:13

ka mįi kɛɛnąą mąąhəɠɛɛ ɓa, mąąhɔlɔɓo, kɔ̨nɔ̨n mąąnɛ̨ɛ̨i ə tɛɛ ka pɔ ka ə́ lonnii, diɛ gulɔ Yai-Laa nwɔ haláá kɔ̨nɔ̨n hu, yaa li. Mɛ̨nįi di dí la, yaa li.

Levetekɔ 10:17

«Lə ɓə kɛ yai ka hvo ɉaláá hɛn tii mįi li kɛɛnąą mąąhəɠɛɛ ɓa? Mąąhɔlɔɓo, hɛn mąąhəɠɛɛ ka tii. Di dɛɛ ka pɔ nɔi lonnii di wɔ nɛ̨ŋɛ̨n mąąhvaalɛɛ haláá kulɔ mɛ̨nį ɓa, a nu mąąhvaalɛɛ kólói ka gɛ ɉaláái tii mɛ̨i Yai-Laa lííla.

Levetekɔ 14:13

A mɛlaa lon nwun dee ɓɛi da kɛ nɛ̨ŋɛ̨n ɉaláá da ɉaláái da gələn nwɔ taatɛlɛɛ nwun deei laa, gɛɛnąą mąąhəɠɛɛ ɓa. Mąąhɔlɔɓo, nu pɔɔŋą pɛli haláá kulɔ pələ kaa lɔ yɛ nɛ̨ŋɛ̨n mąą hvaalɛɛ haláá. Yili kaa a hɛn mąąhəɠɛɛ, yii a lɛɛ ɉaláá laa həli mun ɲəi.

Levetekɔ 6:16

Hihɛn lɔpee haláá laa həli mun a Yálá kɔ́ la, mąąnɛ̨ɛ̨ di gələn gbɔ tɛ̨ɛ̨tɛ̨ɛ̨, di hva da mį́i.»

Levetekɔ 6:18

«Mo Aarɔn da nonnii diɛ: Nɛ̨ŋɛ̨n mąąhvaalɛɛ haláá kulɔ pələ ka: Da nɛ̨ŋɛ̨n mąąhvaalɛɛ taatɛlɛɛ paa, ɓɛi da daatɛlɛɛ kələn naa, Yai-Laa lííla. Gaa a hɛn yii mąąhəɠɛɛ.

Levetekɔ 7:6

Hinąą yiiɠaai di kaa ɉaláá kulɔ nuą yəi bɛlɛ́n, da pɛli di ɉuwɔi tii ta mį́i; da mįi kɛɛnąą mąąhəɠɛɛ ɓa. Yili kaa a hɛn mąąhəɠɛɛ kpɔ kpąą.

Lonon mo 18:11

Mɛ̨inɛ̨ɛ̨ yii lɔpee Israɛlə lonnii da paa la, da yii lɔpee da gulɔ ɉaláá hɛnŋąą hu a nwɔ́ɔ́i, ə́ wɔɔ li nwɔ̨nɔ̨, gáá di tɛɛi ə́ pɔ ka ə́ lon ɉinąą, da ə́ lonnii nɛ̨ąą, a mɛ̨nį hva pɛli ɉəɠəi mą. Nui lɔpee a kɛ ə́ yəi bɛlɛ́n mąąhəɠɛɛ tɔ́n ɲəi, a pɛli mą ə da mįi.

Lonon mo 18:9

Ɉaláá hɛn mąąhəɠɛɛ hu yii hva kələn, yɛ lɛɛ a ə́ wɔɔ ya ka: Mɛ̨inɛ̨ɛ̨ haláá kəlee. Yii gaa a lɛɠɛ hunwɔ̨, nɛ̨ŋɛ̨n mąąhvaalɛɛ haláá kəlee, nu pɔɔŋą pɛli haláái lɔpee da gulɔ mą́ą́, ɉaláá mąąhəɠɛɛɠaai tii kaa a ka wɔɔ, yɛ́ ka ə́ lonnii.