Lonon mo 16:5 - Yálá laawoo hɛɓɛ (dc)

⁵ Yili pulu, yɛ Kore da bulu nuą kəlee diɛ: «Tínąą yələ wala pɔ, nui gaa a Yai-Laa nwɔ nu, yai mąąhəɠɛɛ yɛ pɛli lɛɠɛi mą, Yai-Laa a tinąą nɛ. Nui a nɛɛ laa yɛ lɛɠɛ mą, mąą nu ɓə a niiɓamun.

Yálá laawoo hɛɓɛ

⁵ Yili pulu, yɛ Kore da bulu nuą kəlee diɛ: «Tínąą yələ wala pɔ, nui gaa a Yai-Laa nwɔ nu, yai mąąhəɠɛɛ yɛ pɛli lɛɠɛi mą, Yai-Laa a tinąą nɛ. Nui a nɛɛ la yɛ lɛɠɛ mą, mąą nu ɓə a niiɓamun.

Bible

⁵ È mò Koa da ǹûai kélee dîa ǹyɛɛi, “Yâwɛɛ a pâi ǹúui lɛ̂i a tínaa ɣele-wâla nyii gáa a bɔ́ɔi. A pâi ǹúui lɛ̂i nyii maa waâi a pɔ̂ri lɛɣɛ̂i lai. Ǹûui a pâi nɛ̂i ǹyaa ƃé a pâi nɛɛ̂i naa é lɛ́ɣɛ là.

Lonon mo 16:5 ပူးပေါင်းရင်းမြစ်များ

Mąątɛ̨nɛ̨ 105:26

Ə nwɔ tímun Moisə tɔɔ, da nui ə ɉəɠə ɉu a Aarɔn.

Mąątɛ̨nɛ̨ 115:10

Aarɔn yəi bɛlɛ́n nuą! 'Ka ka kilitɔɔ Yai-Laa ɓa, Yaa ɓə a di mąąkpɔmąą ɓomun da di mąą kpɛ kpanąn.

Mąątɛ̨nɛ̨ 65:4

Ku hɔnŋaa kpɛa-kpɛai ku kpįnįle ɓa, Kɛlaa, ə́ wɛi, yá ku wɔ nɛ̨ŋɛ̨nŋaa mąąhvaa lɛɛ.

Lɛɛ gbɔwɔ ɓa 28:1

«Ə́ liɛ Aarɔn lɛɠɛ yɛ́, da nonnii, Israɛlə lonnii lɔwai di kɛ a nwɔ́ haláá laa həli nuą, diɛ ɓaa: Aarɔn, Nadavə da Avihu, Eleazarə, da Itamarə.

Lɛɛ gbɔwɔ ɓa 28:41

Ə́ ɉəɠəɠaa tii kɛ ə́ liɛ Aarɔn da lonnii diɛ, ə́ nwulɔ mąą həɠɛɛ hiɛ diɛ, ə́ ɉaláá kulaa mąą laa tɛɛ di pɔ, ə́ di hee a nwɔ́ haláá laa həli nuą.

Lɛɛ gbɔwɔ ɓa 28:43

Aarɔn da nonnii da bu diɛ, ɓɛlɔwai da kɛi lɔ la gɛɛnąą mąąhəɠɛɛ ɓa a wala kɛ ti da kɛi lɛɠɛ ɉaláá kulɔ taɓali ɓa, haláá kulɔ mɛ̨nį ɓa, mįnɛ̨ pɛlɛ́ lon mu. Di hvo pa nɛ̨nŋɛ̨n ɉəɠə, di hvo haa. Yələ kəlee tɔ́n ga tii Aarɔn da ɉuwuɠaa kəlee di mąą mɛ̨nį ɓa.

Ɉeremi 30:21

Nɔi lon da ɓə a kɛ a nwɔ tɔɔmun, ɲąąwooɓomun a kulɔ di lɔwai. Gáá hvaai ma yɛ mąą lɛɠɛ mą́ą́. Gbɛɛ kpɔ ɓə nii a pɛli kpələi yɛ mąą lɛɠɛ mą́ą́? Yai-Laa woo li.

Ɉeremi 49:19

Bələi lɔ yala a kulɔ la Ɉurdɛn kpomói, yɛ tɛ la taatɛlɛɛ kwənąnŋaa hu, diɛi di laa hvɛɛ a yələ kəlee, bələ lɔ ɓə gáá pai di kulɔi la mą́ą́ tɔ̨nɔ̨, di tɛɠii pələ. Gɛ́ laŋa kɔ́kulááɠaa ɲąątɔɔ diɛ. Mąąhɔlɔɓo, gbɛɛ ɓə gaa yɛ ɲą́ą́? Gbɛɛ ɓə a pɛli də́lii kiti haɠa ɓa? Taatɛlɛɛ ɲɛ̨itɔwɔ mun nɛlɛ ɓə a pɛli tɔɔi ná?»

Ɉeremi 50:44

«Bələi lɔ yala a kulɔ la Ɉurdɛn kpomó hu, yɛ tɛ taatɛlɛɛ kwənąnŋaa hu, ɓɛi taatɛlɛɛ kaa laa a yələ kəlee, bələ lɔ ɓə gáá pai kulɔi la Babilonə nuą tɛɠii, gɛ́ laŋą kɔ́kulááɠaa ɲąątɔɔ diɛ, Mąąhɔlɔɓo, gbɛɛ ɓə gaa yɛ Ɲą́ą́? Gbɛɛ ɓə a pɛli də́lii kiti haɠa ɓa? Taatɛlɛɛ mɛ̨i kaa mun nɛlɛ ɓə a pɛli tɔɔi ná?.»

Izikiɛ 40:46

Bɛlɛ́i tii ɲɛ̨i heɛ ɲələi pələ, ɉaláá kulɔ nuąi di yee kaa ɉaláá kulɔ koló ɓa, di wɛi li, a diɛi tii Sadɔkə lonnii da Levi lonnii di lɔwai. Diɛ ɓə da lɛɠɛ Yai-Laa ɓa diɛ nwɔ kólói kɛ.

Izikiɛ 43:19

Yai-Laa woo ka, yɛ: nįŋɛ̨ hilɛ gbɔn dɛɛ ɉaláá laa həli nuą, Levi lonnii pɔ, nɛ̨ŋɛ̨n mąąhvaalɛ haláá kulɔ mɛ̨nį ɓa; diɛi di kaa Sadɔkə huwu hu, diɛ kóló kɛ mą́ą́.

Izikiɛ 45:4

Gɛɛnąąi tii a kɛ a kɛɛnąą mąąhəɠɛɛ nɔi hu, a ɉaláá laahəli nuą di wɔɔ; diɛi da kɛ kóló kɛi gɛɛnąą mąąhəɠɛɛ ɓa, diɛ lɛɠɛ Yai-Laa ɓa, diɛ nwɔ kólói kɛi. Di wɔ pɛlɛ́ɠaai tɔɔi li, da Yálá hee pɛlɛ́.

Levetekɔ 10:3

Moisə yɛ Aarɔn ɓa: «Yai-Laa ə mo kpɔ, yɛ: Bələi Mą́ą́həɠɛɛ la, mąąnɛ̨ɛ̨ nwɔ́ kóló kɛ nuą di yili kɔ́lɔn, ɛlɛɛ di mą́ą́wiɛ nɔi nuą kəlee ɲɛ̨i ɓa». Aarɔn ə tɔɔ lɔ tin.

Levetekɔ 8:2

«Aarɔn həɠə da nonnii, ə́ ɉəɠəɠaa da nwulɔ mąąhəɠɛɛ həɠə, ə́ nɛ̨ŋɛ̨n ɉaláá nįŋɛ̨ hilɛ lon da mɛlaa hilɛ hveelɛi həɠə, ɛlɛɛ, ə́ gbɔlɔi tii nɛɠɛi hvo tɛ li gaa ɉu, ə́ ɉəɠə.

Malasi 3:18

Nąąlɔwai tii hu, ka gaa, bələi ɓɛla ɓo kaa la nu haŋąą da nwąnąlɔ mun di lɔwai a nįnɛ̨. Ɓɛla ɓoi gaa, nuąi da tí Yálá ɓa, da nuąi di hva tí mą di lɔwai.

Lonon mo 16:3

Di hvaa pɛlɛ Moisə da Aarɔn diɛ, diɛ kɛ diɛ: «Ka káá kɛa ka yee ɓɔi ɉu, nɔi lonnii kəlee mąąhəɠɛɛ ɓə, ɛlɛɛ, Yai-Laa kaa di lɔwai, lə laa hu ɓə ka káá ka nwun dɛi la Yai-Laa nwɔ nu kpului mɛ̨i?»

Lonon mo 16:6

Yii mąąnɛ̨ɛ̨ ka gɛ, ya ka: Kore ka ə́ pulu nuą ka ka wɔ lansan kələn ɉɛnŋąąi həɠə,

Lonon mo 17:5

Mɛ̨nį kili too hɛn ni Israɛlə lonnii ŋą, yɛ diɛ nu takpɛli yii hvo a Aarɔn huwu, mąą hvo nɛ̨ɛ̨li hvo tɔɔ yɛ kɛ gaa lansan kələn ɉii Yai-Laa lííla. Mɛ̨nįi laa Kore da bulu nuą diɛ, da hvo pa nee laa mąą nu ɓa. Yai-Laa ə bu Moisə la, yili yɛ ɉukulɔ Aarɔn ɓa.

Lonon mo 17:8

Moisə da Aarɔn di li gee kaa kələ laaləi.

Ɉaan 15:16

Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Gɛlaɠaa 1:2

ə mą kɛ, ə lɛɛ ɉu ə həli la ɲələi ə tɛ la yələkɔlɔn ɉu mą, yili kəlee ɓə ŋį́ bɛ̨ɛ̨. Gɛɛ hvo kɛ tɛi yələi, Kili-Mąąhəɠɛɛ ŋą huwalawala háálai, nuą ŋɛ̨i ə di həɠə ɉu ə di kɛ a nwɔ kɛlaɠaa, ə di kili ɲą pono, ə di tɔɔ.

Gɛlaɠaa 1:24

Yili pulu, nuą kəlee di bɛlɛ gee ɓa di Yálá hvɛli, diɛ kɛ mą: «Ną́mu Yálá, yɛ́i ə nu lii hu mɛ̨nį kɔ́lɔn, nu hveelɛi ŋɛ̨i, dɔ̨nɔ̨ həɠə ɉu,

Gɛlaɠaa 13:2

Yələ ta, ɓɛlɔwai di kɛi kwɛli hvilɛn na Yálá ɓa, diɛ hin nɔ, Kili-Mąąhəɠɛɛ ə di kilaa pono yɛ diɛ: «'Ká Barnabasə da Solə di tɛɛ bɔ́, gáá di tɔɔi kólo ta ɓa.»

Gɛlaɠaa 15:7

Di ɉuyala kpɔ di kee lɔwai a nwalawalaa, yili ɓə gɛ, Piɛrə ə bələ həɠə yɛ diɛ: «Nąn nonnii, ka kili kaa ɉu káá kɛ, Yálá ə ɉə́ɠə́ ɉu ka lɔwai a gɔwɔ tɔɔ yələ, ə gɛ, huwu takpɛliɠaa diɛ pɛli nwəlɛɛ lɛlɛɛ mɛ̨n ɉii ná, ɛlɛɛ, diɛ gaa a tɛ̨ą.

Gɛlaɠaa 22:14

Yɛ nwɔ̨nɔ̨ mą́ą́: ‹Gu nąnni di wɔ Yálá ə gbɛa ə́ həɠə ɉu, ə ə́ kɛ a niiɓa kɔ́lɔn mun; ə́ dələnmomun ti kaa, ə́ nwoo mɛ̨n.

Ifisiɛŋ 2:13

Kɛlaa yiihu kɛa, Jesus Kristə hu, káái wɔlɔ kɛ, ká mąąkwɛaa Yálá ɓa, Kristə ɲąmą aa ká mąąkpuɔ mą.

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»

Hebreu 12:14

'Ká tɔɔ a ká nwąnąi, liilaa ə kɛ ká nu kəlee ká lɔwai, ɛlɛɛ, ká mąąhəɠəlaa kwɛli, yai ə kulɔ bulu, nu hva pɛli Yálá ɲɛ̨ilaai kaai.

M̀ɛni-lɛɛi 1:6

ə gu kɛ a tɔɔ nu huwu, a haláá laa həli nuą kpɛa-kpɛaa a Nąn Yálá nwɔɔ, yai mąąwiɛlaa, da huwalawalalaa di kaa ɲəi a kwɛlan gəlee, ɲɛ̨n deei hvo mą. Mįiną!

Samuɛlə dɔlɔɔ 2:28

ŋą́ ə́ nąn ɉəɠə Israɛlə nu huwuɠaa kəlee lɔwai, gɛ́ gɛ a nwɔ́ haláá laa həli mun, yɛ tɔɔ nwɔ́ haláá kulɔi kɛɛnąąi ɓa, yɛ lansan kələn, yɛ ɉaláá kulɔ həɠə too ɲɛ̨i ɓa, hɛn lɔpee Israɛlə lonnii di kɛi gɔ́ la, ŋą́ kɛi gəlee tɛɛ ə́ nąn nwɔ pɛlɛ́i pɔ.