Lonon mo 16:22 - Yálá laawoo hɛɓɛ (dc)

²² Moisə da Aarɔn di too nɔi ɓa, diɛ Yai-Laa ɓa: «Ee kə Yálá, yɛ́i pɛli hɛn gəlee nɔ̨ɔ̨ kaa ə́ yee kɔ́nma, nu tɔ̨nɔ̨ lɔ ɓə nɛ̨ŋɛ̨n ɉəɠə, ya ɓə ə́ kaa ə́ liiholii nu kpulu kəlee pɔ.»

Yálá laawoo hɛɓɛ

²² Moisə da Aarɔn di too nɔi ɓa, diɛ Yai-Laa ɓa: «Ee kə Yálá, yɛ́i pɛli hɛn gəlee nɔ̨ɔ̨ kaa ə́ yee kɔ́nma, nu tɔ̨nɔ̨ lɔ ɓə nɛ̨ŋɛ̨n ɉəɠə, ya ɓə ə́ kaa ə́ liiholii nu kpulu kəlee pɔ.»

Bible

²² Mose da Eelɔŋ dí díŋuŋ pìlaŋ ǹɔii ma díyɛɛ mai, “Óo Ɣâla, ƃíai íkaa a fúlu-laa kpɛtɛ Ɣâlai, ƃa pâi ílii ŋwanâi ǹúui kélee ma núu tɔnɔ ŋɔsɔnyɔ̂ŋ mɛni ma?”

Lonon mo 16:22 ပူးပေါင်းရင်းမြစ်များ

Zɛnɛse 18:32

Nąąlɔwai, Abrahamə yɛ mą: «Ną́mu, nɛ̨ɛ̨mąą ɓə gáá vəi yɛ́, hvó ə́ liiŋąnwąną mą́ą́, yii gɛ́ ŋį́ mo, gbəli ɓaa yii. Akɛ yá nu haŋąą pow kaa daai tii hu, yá gɛ ləi?» Yálá yɛ mą: «Ŋą́ nu haŋąą pow kaa daai tii hu, ŋą́ daai mąąhvaalɛɛ.»

Samia Veerɛi 24:1

Yai-Laa lii ə holi Israɛlə nuą pɔ nwɔ̨nɔ̨, ə Davidə lii muhəɠə di pɔ ə gɛ, yili ə Israɛlə nuą da Ɉuda nuą di lonon.

Samia Veerɛi 24:17

Malakai ŋɛ̨i gɛɛ kala nɔi, gaai Davidə ə mo, ə mo Yai-Laa ɓa, yɛ mą: «Ɲą́ą́ ɓə nɛ̨ŋɛ̨n ɉəɠə, ɲą́ą́ ɓə túwɔ́ pələ ɲɔ̨n gulɔ; kɛlaa, mąąwɛli nuą ŋɛ̨i, di wɔ nąą ɓaa lə? Ɲą́ą́ kwa nwɔ́ pɛlɛ́i mu nuą ɓə mąąnɛ̨ɛ̨ ə́ ə́ ɲɛ̨i ɲɔ̨nwɔ̨ɔ̨ hee kuɔ.»

Zôo 12:10

Ya ɓə hɛn gəlee nɔ̨ɔ̨ kaa ɲəi, ə mą kɛ nu kanŋaa nɔw ɓə.

Mąątɛ̨nɛ̨ 99:6

Moisə da Aarɔn di kɛ nwɔ haláái kulɔ nuą lɔwai, ɛlɛɛ Samuɛlə ə ɓo nuąi kɛi naa təli di pɔ, di kəlee di kɛi wɔlɔ Yai-Laa ɓa, yɛ di woo mu hon.

Ikilisiati 12:7

Gɛɛ pɔlɔ hvo pu pɔlɔ ɓa ɓɛi ə həɠə laa, nɔ̨ɔ̨ ə tɛ Yálá pɔ yaai doo ɉu.

Azaya 57:16

Mąąhɔlɔɓo, və́ pai hvaa pɛlɛi kaa a yələ kəlee mɛ̨nį, və́ pai kąną ɉii ŋą́ lii hvolii ɓa, ŋą́ gɛ nəi tii, nuąi ŋį́ di pɛli, di nɔ̨ɔ̨ da di nį́į́ a nəi kulɔ di hu.

Ɉeremi 32:27

«Ɲą́ą́ Yai-Laa, ɲą́ą́ ɓə hɛn gəlee pɛli, mɛ̨nį ta kaa mɔ̨ɔ̨ laa yii vá pɛli gɛi?

Ɉeremi 38:16

Tɔɔmun Sedesiasə ə nwoo kwɛlɛ kpɔ a nwalawalaa, loo pələi Ɉeremi ɓa, yɛ mą: «Yii kpɔ Yai-Laa kaa vulú, yai ɲɛnɛ̨ɛ̨ ŋɛ̨i tɛɛ ku pɔ, vá ə́ paa. Vá nwɔ̨nɔ̨ ə́ tɛɛ nuąi di hvilɛn ŋąą ə́ pulu, di pɔ.»

Izikiɛ 18:4

A tɛ̨ą, ɉɛnŋaai kpɔ da nɔ̨ɔ̨, bɔ́ɔ́ ɓaa gəlee. Lon gaa nąn da non di wɔ yɛnɛ̨ɛ̨; gəlee hveelɛi kaa a bɔ́ɔ́. Nui a nɛ̨ŋɛ̨n ɉəɠə, ya ɓə a ɉu haa ɓo.

Levetekɔ 10:6

Moisə yɛ Aarɔn da nonnii hinąą hveelɛi, Eleazarə da Itamarə diɛ: «Ka hvə ka nwuɔ̨ kɛ yɔhɔ-yɔhɔ, ka hvo ka mąąhəɠə huɓɛla; ə gɛ ka hvo pa haa, Yai-Laa hvo pa niiɲąnwąną nɔi nuą kəlee diɛ. Ka nɛ̨ɛ̨ laa ka kaayɔwɔɠaa Israɛlə nuą kəlee di nuąi Yai-Laa ə di paa a nwɔ̨n, di haa wɔlɔ ɓo.

Levetekɔ 4:3

«Akɛ ɉaláá laa həli mun di ɉee diɛ nwulɔ mąąhəɠɛɛ lɔ mą ya ɓə nɛ̨ŋɛ̨n ɉəɠə, ə nɔi nuą kəlee kɛ la tii a nɛ̨ŋɛ̨n ɉəɠə nuą. Mąąnɛ̨ɛ̨ ə pa a nįŋɛ̨ hilɛ lon kpɛɠii hvo mą Yai-Laa pɔ, a nɛ̨ŋɛ̨n tii ə ɉəɠə mąąhvaalɛɛ haláá.

Zakari 12:1

Mɛ̨nįi Yai-Laa ə mo Israɛlə ɓa, 'mo a lolo. Yai-Laa woo ka; yai yələ kɔ́lɔn bɛli, ə lɔi laa, ə kili tɛɛ nu pɔ; yɛ:

Lonon mo 14:5

Israɛlə lonnii kəlee ɲąąkpɔn ŋąą kɛ, Moisə da Aarɔn di pɛlɛ di kɔ́wɔ mu.

Lonon mo 16:23

Yai-Laa yɛ Moisə ɓa:

Lonon mo 16:4

Nwooɠaai tii mɛ̨n Moisə ə mo, ə pɛlɛ niiɓa nɔi ɓa.

Lonon mo 27:16

«Yai-Laa, yɛ́i ə́ kaa a Yálái pɛli hɛn gəlee nɔ̨ɔ̨ kaa ɲee kɔ́nma, gɛ́ ə́ nu ta lɛ, yai pai lɛɛi nuą nwun na.

Lomaŋ 5:18

Yili ɓa, bələi lɔ Adamə yaa tɔ̨nɔ̨ gbən ɉɔn ə nu kəlee nwun na pili la, bələ lɔ ɓə, Jesus Kristə nwɔ tələnmo túwɔ́, aa nu kəlee ɓalo Yálá nwɔ kitii ɓa, ɛlɛɛ, yɛ ɓalo hva kpɛɛ tɛɛ di pɔ.

Korɛntə dɔlɔɔ 13:7

Wɛlikɛmąąlaa a hɔn kəlee mąąhvaalɛɛ, a laa mɛ̨nį kəlee la, a gilitɔɔ mɛ̨nį kəlee ɓa, a niikpələ mɛ̨nį kəlee mu.

Hebreu 12:9

Gu nąnnii kɛ ɓɛ lɔi mɛ̨i, di kɛli gu hutɔɔ, yili ə ɓo guɔ a mɛ̨nį lɛlɛɛ, gu hvo mun kɛ gu Nąn yələi, a tɛ̨ą, mąąnɛ̨ɛ̨i, 'ká gu lɛɛ nwoo mu, əgɛ, gu yɛnɛ̨ɛ̨ hɔlɔɓo.

Zasua 22:18

Ya ɓə kaa ŋɛ̨i ka káá həɠəi Yai-La nwɔ pələi mɛ̨i, kaa ka kwɛli tee Yai-Laa ɓa, yɛ pa nwɔ̨nɔ̨ tínąą niiholii Israɛlə nu kpulu kəlee pɔ.