Lonon mo 16:11 - Yálá laawoo hɛɓɛ (dc)

¹¹ Yili mąą mɛ̨nį ɓə ka ə́ pulu nuą kəlee ka tɔɔ la Yai-Laa la. Aarɔn hvəi ka káá naa ɓoi.»

Yálá laawoo hɛɓɛ

¹¹ Yili mąą mɛ̨nį ɓə ka ə́ pulu nuą kəlee ka tɔɔ la Yai-Laa la. Aarɔn hvəi ka káá naa ɓoi.»

Bible

¹¹ Mɛni ma Yâwɛɛ ƃé ka ínûai kélee ká tɔ̀ɔ mà. Káfe tɔɔ ní Eelɔŋ ma.”

Lonon mo 16:11 ပူးပေါင်းရင်းမြစ်များ

Kɔlɔnikɔ Maa-ŋuŋ 26:19

Bələ ɓə Kore da Merari lonnii tii kɛ, a bɛlɛ́ laaləi mąąkpɛnuą, di heekpəlinna ə kɛ la.

Mąątɛ̨nɛ̨ 106:16

Di kɛɛ bələ pɔ, di tolo kulɔ a Moisə da Aarɔn, a nui tii Yai-Laa ə ɉəɠə ɉu, ə gɛ a nwɔɔi.

Lɛɛ gbɔwɔ ɓa 17:2

Nuą di hvaa pələ Moisə pɔ, diɛ kɛ mą: «Yá tɛɛ ku pɔ, ku ku kpələ la!» Moisə yɛ diɛ: «Ka káá hvaa pɛlɛi mą́ą́, lə mɛ̨nį ɓa? Lə mɛ̨nį ɓa, ka káá Yai-Laa hukɔɔn ɉii?»

Lonon mo 11:1

Yələ ta, Israɛlə lonnii di pɛlɛ diɛ di woolaa. Di woo tii ə too Yai-Laa wəli, hvo nɛ̨ɛ̨ mą. Di woo mɛ̨n Yai-Laa ə mo, ə níiholi kpɔ kɛnɛ̨. Yai-Laa nwɔ nwɔ̨n ə di wɔ ɓuwui bələ tɔ̨nɔ̨ kələn.

Lonon mo 16:12

Moisə ə Eliavə lonnii Datan da Abiramə di təli. Yiliɠaai diɛ mą: «Ku hvo lii.

Lonon mo 16:3

Di hvaa pɛlɛ Moisə da Aarɔn diɛ, diɛ kɛ diɛ: «Ka káá kɛa ka yee ɓɔi ɉu, nɔi lonnii kəlee mąąhəɠɛɛ ɓə, ɛlɛɛ, Yai-Laa kaa di lɔwai, lə laa hu ɓə ka káá ka nwun dɛi la Yai-Laa nwɔ nu kpului mɛ̨i?»

Lukə 10:16

Jesus ə mo nwɔ̨nɔ̨ nwɔ kalan nɛai diɛ, yɛ diɛ: «Akɛ nu ta a nwəli tɔɔ kaa, a kɛ tii, aa nwəli tɔɔ mą́ą́. Nui a lənə kaai, a kɛ tii, aa lənə mą́ą́. Yaan, nui a lənə mą́ą́, a kɛ tii, aa lənə nui dɛ́ɛ́ ma.»

Ɉaan 13:20

A tɛ̨ą kpɔ-kpɔ gáá moi kaa, ŋą́ nu tɔɔ, nu a ɲee hee mui, aa ɲee hee mú; nui a ɲee hee múi, aa ɲee hee nui dɔ́ɔ́ mu.»

Gɛlaɠaa 5:4

Gɛɛ hvo nɔi ti lɔwɔ́tɔɔ kɛi, ə kɛ a ə́ wɔ́ɔ́, nɔwɔtɔɔi nwɔ̨nɔ̨ ə́ mo, nwali ə kɛ a ə́ wɔ́ɔ́. Lə mɛ̨nį ɓa, ə́ giliŋąhiɛ yii ŋɛ̨i ɉuwu kɛ? Hvo kɛ lɛɛ kɛ li nuą diɛ, kɛlaa, Yálá ka ti ə́ lɛɛ kɛ mą.»

Lomaŋ 13:2

Yili ɓa, nui a gwɛli tee nwun nąmu ɓa, a kɛ ti aa gwɛli tee Yálá nwɔ tiɓo ɓa. Nui a gwɛli tee, a kɛ ti gaa gbɔwɔ kwɛli a kiti.

Korɛntə dɔlɔɔ 10:10

'Ká hvo hvaa ká nwun ɉu, yɛ bələi daɠaa di gɛ la; nwun na pilimun yɛ di nwun na pili.

Korɛntə dɔlɔɔ 3:5

Gbɛɛ ɓaa a Apɔlɔsə? Gbɛɛ ɓaa a Polə? Di kaa lɔ a tínuąi, diɛi pa a káá laa na la pələ mɛ̨i. Di tɛitɛi di di wɔɔ mąątí kɛ, yɛ bələ gu Nąmu ə mąąlaa tɛɛ la di pɔ.

Zûu 1:16

Nɛɛ kalan gɛ nuą tii, mɛ̨nį ta hva di kwəinɛ̨ɛ̨. Di kaa lɔ di woo laa hu, di kpɔwɔ nwɔ kiliŋąhiɛ lɔ ɓə da hiɛ la. Kpɔwɔ ɲąą kɛnɛ̨ wooɠaa kaa di la. Da kɛi nu ta tɔ̨nɔ̨ kulɔ ya lɔ ɓə da mąąwiɛ la.

Samuɛlə dɔlɔɔ 8:7

Yai-Laa yɛ Samuɛlə ɓa: «Ə́ wəli tɔɔ nɔi lonnii kəlee woo ɓa, yii lɔpee da mo yɛ́, gɛ. Yɛ́ hvəi di kaa ə́ pilii, di hvo kɛa bɔ və́ di ɲąąwooɓo.