Lonon mo 15:30 - Yálá laawoo hɛɓɛ (dc)

³⁰ «Kɛlɛɛ, nui a gili a gɛ, ə kɛ a nɔi lon da, ə kɛ a nwɛ̨ąi gaa heeni ka kɔ́wɔ mɛ̨i, yili kaa a Yai-Laa lalan ŋąą. Mąąnɛ̨ɛ̨ di mąą nu lɛɛ dɔ̨nɔ̨ kon ɉu.

Yálá laawoo hɛɓɛ

³⁰ «Kɛlɛɛ, nui a gili a gɛ, ə kɛ a nɔi lon da, ə kɛ a nwɛ̨ąi gaa heeni ka kɔ́wɔ mɛ̨i, yili kaa a Yai-Laa lalan ŋąą. Mąąnɛ̨ɛ̨ di mąą nu lɛɛ dɔ̨nɔ̨ kon ɉu.

Bible

³⁰ “Kɛ́lɛ ǹúui a giri é sɔnyɔ̂ŋ kɛ́i, a nɛ̃ɛ ma é kɛ́ a Eezuɛ-nuu, kpaa máŋ ŋɔ̃ya, gɛ̀ ní a tɛ-ŋɛi kɛ́ a Yâwɛɛ. Ǹyaŋ fɛ̂ɛ dí maa-nuui tí kúla ŋɔnûai sáma.

Lonon mo 15:30 ပူးပေါင်းရင်းမြစ်များ

Zɛnɛse 17:14

Hulɔnui lɔpee hvo hee li kɛ́nɛ̨ ɓa, da gulɔ nuą lɔwai, mąąhɔlɔɓo, hvo kɛ nwɔ́ mįnɛ̨i mąąwiɛ li.»

Zôo 38:15

Kɛlaa, mɛ̨nį ɲɔ̨n gɛ nuą di wɔ kɛɛ pɔ̨nɔ̨ a pili di yəi, di yeei di kɛi dɛ yələi, ɉu a yali.

Mąątɛ̨nɛ̨ 19:13

Gbɛɛ ɓə gili a pu nwɔ lan dúwɔ́ɠaa hu? Dɛ́ɠii nɛ̨ŋɛ̨ŋaa lɛɛ mą́ą́ a kpɛli.

Mąątɛ̨nɛ̨ 69:9

Ɛlɛɛ, ŋą́ą́ kɛ la ną́n nonnii lɔwai a nwɛ̨ą, a nui nee lonnii di hvo gɔlɔn.

Mąątɛ̨nɛ̨ 74:18

Yai-Laa, mąąnɛ̨ɛ̨ ə́ kili ə pu ɉu yɛ́ diɛ, ə́ yowo kaa ə́ ɓɛlɛ too woo ɓoi; nwun gbɛɛ ɉu nu huwu aa ɓɛlɛkpɛɛ ə́ laa ɓa.

Mąątɛ̨nɛ̨ 74:22

Yálá! 'Ə́ muhəɠə, ə́ kpɔwɔ mɛ̨nį mąąkɔ̨nwɔ̨, ə́ kiliŋąhiɛ mowo nuąi ŋɛ̨i di wɔ lalan da kɛ bilii mą.

Mąątɛ̨nɛ̨ 79:12

Mɔ̨nɔi ku kwɛlɛ nuą daa naa kuɔ, yili gwələ kulɔ diɛ geemɛ̨i mɛ̨ihveelɛ, ə yali di lii ɓa.

Mąątɛ̨nɛ̨ 89:51

Nwɔ́ mɛ̨nį Nąmu, ə́ wɔ tí nuąi di wɔ laanɔ̨nwɔ̨ hu, ə́ kili lɛɛ di hu, ə pɛlɛ la nu kpului ŋɛ̨i kəlee di mąą mɛ̨nį hɛlɛn ŋąą mą́ą́i, diɛ.

Lɛɛ gbɔwɔ ɓa 21:14

Kɛlaa, nu a hvilɛn nu pulu, yɛ kɛ ə baa a gbąnąlaa, ə mą kɛ aa li nwɔ́ haláá kulɔi ta ɓa, yá gulɔ laa, di baa.

Lɛɛ gbɔwɔ ɓa 30:33

Akɛ nu ta a nwulɔi tii ɲɔ̨nwɔ̨mąn bɛli, yɛ ɉiɛ nu ta ɓa, mąąnɛ̨ɛ̨ di gulɔ Israɛlə lonnii lɔwai.›»

Hanwon 14:31

Nui a hee mąąwɛlimun mɛ̨i, gaa mąąwɛlimun tii pɛli Yálá lalan ɉii. Kɛlaa, nui a mąąwɛli nuą mąąwɛli kaa, a Yálá mąąwiɛ.

Izikiɛ 20:27

«Yili mąą mɛ̨nį ɓa hulɔnu lon, mɛ̨nį ɓo Israɛlə nwɔ pɛlɛ́i mu nuą diɛ; 'kɛ diɛ: Mɛ̨nį kəlee ŋą Hééɓomun Yálá woo ka: Ka nąnni di kɛi tuwɔ nɛ̨ŋɛ̨n ɉəɠəi mą́ą́, a di woo lɛɛi di kɛi mo,

Levetekɔ 20:10

«Nui a laa a mɛlan nɛ̨ą, da nu hveelɛi tii paa.

Levetekɔ 20:3

Ɲą́ą́n, ŋą́ ɲɛ̨i ɲɔ̨nwɔ̨ɔ̨ hee mąą nu ɓa, ŋį́ gulɔ nɔi nuą lɔwai; mąąhɔlɔɓo, aa non da tɛɛ Molɛkə pɔ, yɛ nwɔ́ pɛ́lɛ́i mąąliɓi la tii, ɛlɛɛ yɛ náá ɓɛlɛkpɛɛ mą.

Levetekɔ 20:6

«Nui lɔpee a li ɲąmuątaa tɔlukpɛmun da pɔɔli mąą tɔlukpɛ mɛ̨nį ɓa, yɛ gbɔwɔ mąąiɓi la tii, ŋą́ hee mąą nu hu, ŋį́ gulɔ nɔi nuą lɔwai.

Lonon mo 15:29

Ə kɛ a Israɛlə lon da, awala kɛ tii nwɛ̨ąi gaa ka kɔ́wɔ mɛ̨i, a nɛ̨ŋɛ̨n daaləi tii ta həɠə, mąą tɔɔ ɓo pələ kaa lɔ tanɔ̨n.

Lonon mo 9:13

Kɛlaa, akɛ tɔ́n a wala kɛ nu ta ɓa a mɛ̨nį ta mąą mɛ̨nį, hvo nwɔ̨nɔ̨ hiɛ ɓa, a pakə hɛli mąą mɛ̨nį viikpɛɛ kulɔ, mąą nui tii, ɓə da gulɔ nwɔ nuą lɔwai, pai tii hvo mo li a nwɔ kɔ́ɓo hɛn Yai-Laa pɔ a guui tii di dɔɔi. Mąą nu nwɔ nɛ̨ŋɛ̨n nwulu a lɛɛ gbɔwɔ nwuɔ̨.

Maafîu 12:32

Akɛ nu a woo ɲɔ̨n mo Nu Lon ɓa, mąąhvaa a lɛɛ. Kɛlaa, nui a woo ɲɔ̨n mo Kili-Mąąhəɠɛɛ ɓa, mąąhvaa hva lɛɛ háákələi ə mą kɛ tinąą.»

Dutɛrɔnome 1:43

Ŋą́ mo kaa, kɛlaa ka hvo ka wəli tɔɔ, ka ka nwun gulɔ Yai-Laa woo mu. Ka ka kilitɔɔ ka kɔ́wɔ ɓa kaa tɛ ɲee ɓa.

Dutɛrɔnome 32:27

Ə li kɛ və́ gíliŋąhiɛi di yowoɠaa woo ɓa, gɛ́ kɛ di hvo pa ləi yɛlɛ kulɔ ɉú; diɛ di kpɔɔ ɓowo diɛ kɛ diɛ: ‹Kuɔ yee walawala laa kpɔ ɓə mɛ̨nįɠaa tii laa diɛ, Yai-Laa hvo mɛ̨nį ta kɛ li ɉu.›

Hebreu 10:26

Mąąhɔlɔɓo, guɔi gwaa tɛ̨ą leelee kɔ́lɔn, gwa gili, gwa nɛ̨ŋɛ̨n ɉəɠə, nɛ̨ŋɛ̨n mąą hvaalɛɛ haláá kulaa takpɛli hvo kɛa laa.

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Piɛrə veelɛ 2:10

Nuąi Yálá kaa pai di tooi gaho ŋą, diɛ ɓaa: Nuąi di hvilɛn ŋąą i di kpɔɔ liiɓa pili diɛ gɛ, diɛ Yálá nwɔ kɛnɛ̨ laa ɓɛlɛkpɛɛ ma. Nɛɛ kalan gɛ nuą ŋɛ̨i ŋį́ di mąą mɛ̨nį ɓo kaa, di laai di kpɔɔ la, di hva ɲɔw Yálá nwɔ pɛli hɛnŋąa mąąwiaɠaai di kaa yələkɔlɔn ɉu diɛ, diɛ nwɔ̨nɔ̨ di lalan.

Zɔ̂ŋ Maa-ŋuŋ 5:16

Nu ta a nąn non ɲee kaa nɛ̨ŋɛ̨n ɉui, a nɛ̨ŋɛ̨n yii hva nɔ haa hui, ə hvɛliɓo kɛ mą, ɛlɛɛ, Yálá ə yɛnɛ̨ɛ̨ tɛɛ bɔ, Akɛ gaa kpɔ a nɛ̨ŋɛ̨n, nu a ɉəɠə hva nɔ haa hu. Nɛ̨ŋɛ̨n da kaa laa, yɛ nu lɔ haa hu; yili hvəə gáá kɛi mą, di hvɛliɓo kɛ ɉəɠəmun ma;

Samuɛlə dɔlɔɔ 2:25

Nu a nɛ̨ŋɛ̨n ɉəɠə nu ɓa, Yálá a dɛ̨ą ɓo, kɛlaa nu a nɛ̨ŋɛ̨n ɉəɠə Yai-Laa ɓa, gbɛɛ ɓə pai giti teei?» Di hvo di wəli tɔɔ Yai-Laa woo ɓa, mąąhɔlɔɓo, Yai-Laa ə kɛ bɔ ə di paa.

Samuɛlə dɔlɔɔ 3:14

Yili mąą mɛ̨nį ɓə ŋą́ gwɛla la Eli nwɔ pɛlɛ́i ɓa, hɛn lɔpee ta hvo pai pɛlii Eli nwɔ nuą di wɔ nɛ̨ŋɛ̨n hu pui; ə kɛ a haláá, ə kɛ a mɛ̨inɛ̨ɛ̨ kpɛli-kpɛli.»