Lonon mo 14:45 - Yálá laawoo hɛɓɛ (dc)

⁴⁵ Amalɛkə nuą da Kanaan nuąi kɛ heeni ɲeeɠaa ɓa, di yɛɛ Israɛlə nuą mɛ̨i, di yee ə tɛɛ diɛ, di lɛɛ kpɔ di paai, di həli a diɛ Hɔrma.

Yálá laawoo hɛɓɛ

⁴⁵ Amalɛkə nuą da Kanaan nuąi kɛ heeni ɲeeɠaa ɓa, di yɛɛ Israɛlə nuą mɛ̨i, di yee ə tɛɛ diɛ, di lɛɛ kpɔ di paai, di həli a diɛ Hɔrma.

Bible

⁴⁵ Nya ƃe Amɛlɛka-ŋai da Keena-ŋai nyii-ŋai kɛ̀ ǹyée-lɔii sui, dí pà dí díyee mɛi ɣále, dí díkpɛ dí lí Ɔma.

Lonon mo 14:45 ပူးပေါင်းရင်းမြစ်များ

Mąątɛ̨nɛ̨ 89:43

Yáá ɲowoɠaa hvaŋą tɛ, nuąi da kɛ kɔ́ pɛlɛi mą, yáá di kwəinɛ̨ɛ̨;

Lɛɛ gbɔwɔ ɓa 17:16

Moisə yɛ diɛ: «Yii daa di muhəɠə Yai-Laa nwɔ tɔɔ kpəlin ma a kɔ́, gaa kɛa a kɔ́ Yai-Laa da Amalɛkə nuą di lɔwai a yələ kəlee mɛ̨nį.»

Lonon mo 13:29

Amalɛkə lonnii ɓə heeni ɉɛɠɛɛ pələ, Hɛtə nuą, Ɉebusə nuą da Amɔrə nuą di kaa heeni ɲee lɔi hu pələ. Kanaan nuą leeleeɠaa di kaa heeni gboloyá kwɛlɛ, da Ɉurdɛn ɲá ɓɛlaaŋąą pɔ.

Lonon mo 14:43

Amalɛkə nuą da Kanaan nuą di kaa laa ka tɔwɔ, di kaa lii ka paai, mąąhɔlɔɓo, kaa ka pulu tɔɔ Yai-Laa ɓa, ɛlɛɛ, Yai-Laa hvo kpɛli ka pɔ yili hu.»

Lonon mo 15:1

Yai-Laa ə mo nwɔ̨nɔ̨ Moisə ɓa, yɛ mą:

Lonon mo 21:3

Yai-Laa ə hvaa Israɛlə woo ɓa, ə di yee tɛɛ Kanaan nuą diɛ, Israɛlə ə di paa, ə di wɔ taaɠaai wolo. Di gɛɛnąąi tii laa hee a Hɔrma.

Dutɛrɔnome 1:44

Ya ɓə Amɔrə nuą tii heeni ɲee hu, di kulɔ, di ka laakwiɛn a kɔ́, di hvilɛn ka pulu. Yɛ kwɛ̨in gbulu, di ka paa lɔ poto-poto; ə həɠə Seirə ə həli la Hɔrma.

Dutɛrɔnome 32:30

Nu tɔ̨nɔ̨ gbən a pɛli kɔ́kuláá waa tɔ̨nɔ̨ kpɛ pələ kɛi ləi? Nu hveelɛ da kɔ́ kɔ́kuláá waa pow kpɛ pələ kɛ ləi? Akɛ ɲą́ą́i a Israɛlə mɛ̨i kaa kwɛni və́ vaŋą tɛɛ li di pɔ, Akɛ ɲą́ą́i Yai-Laa və́ di lɔ di yee ŋą.

Zasua 7:5

Ai nuą di nu pow haaɓa kɔ́w mɛ̨ida ɲɔ̨nwɔ̨mąn baa Israɛlə nuą lɔwai. Ai nuą di hvilɛn nu kpəliɠaa pulu diɛ di kpɛ, ə həɠə daa ɉįi la, ə həli Sevarimə; ɲee yɛɛi ɓə di di paa laa. Israɛlə nuą hvii ə kpɛɛ, ya ə laa di kɔ́lɔi.

Nwun mąąɓo 1:17

Ɉuda da niɛ Simeɔn, di tɛɛ diɛ li a di wɔ kɔ́ toɔ, di yee ə tɛɛ Kanaan nuą diɛ, diɛi kɛ heeni Sefatə. Di daai tii wolo kpɔ tɛ̨ɛ̨tɛ̨ɛ̨, di nąą laa hee a Hɔrma.

Samuɛlə dɔlɔɔ 27:8

Davidə da nwɔ nuą də li, di kɔ́ pɛlɛ Gesurə nuą diɛ, da Girze nuą da Amalɛkə nuą, nuąi tii ɓə kɛ heeni Surə ə lɛɛ ɉu ə həli Eziptə lɔi hu. Nu huwuɠaai tii ɓə heeni nɔi tii hu wɔlɔ kɛ ɓa.

Samuɛlə dɔlɔɔ 30:30

Ə da tɛɛ Hɔrma nuą diɛ, da Bɔrə-Asan nuą, Atakə nuą,

Samuɛlə dɔlɔɔ 4:2

Filisti nuą di tɔɔ Israɛlə nuą tɔwɔ, gɔ́ ə kpɔlu, Filisti nuą yee ə tɛɛ Israɛlə nuą diɛ, di nu waa nąąn ɲɔ̨nwɔ̨mąn baa ɲɛɛ kɔwɔ hu.