Lonon mo 14:30 - Yálá laawoo hɛɓɛ (dc)

³⁰ Ŋą́ą́ gwɛ́la gɛ́ diɛ, nɔi tii ŋį́ naakwɛlanmo kaa, ka hva kɛa lɔ nɔi kpɔ ɉu. Hvo kɛ li lɔ Yefunɛ lon Kalɛbə da Nun lon Ɉosue, diɛ lɔ ɓə lɔi laa.

Yálá laawoo hɛɓɛ

³⁰ Ŋą́ą́ gwɛ́la gɛ́ diɛ, nɔi tii ŋį́ naakwɛlanmo kaa, ka hva kɛa lɔ nɔi kpɔ ɉu. Hvo kɛ li lɔ Yefunɛ lon Kalɛbə da Nun lon Ɉosue, diɛ lɔ ɓə lɔi laa.

Bible

³⁰ Ǹɔii ŋá ŋ́gono tèe la káyêei a gɛɛ ká sée mai, kátɔnɔ kpîŋ fé pâi sêei naa fɛ̂ɛ Zefunɛ ǹóŋ Kelɛ da Nuŋ ǹóŋ Zasua.

Lonon mo 14:30 ပူးပေါင်းရင်းမြစ်များ

Zɛnɛse 14:22

Abramə ə nwoo ŋąąpənə yɛ mą: «Ŋą́ą́ ɲee tɛ Huwalawala Kəlee Nąmu Yálá ɓa, yai yələkɔlɔn da lɔi di pɛli,

Mąątɛ̨nɛ̨ 95:11

Ya ɓə, níiholi pələ, ŋį́ gwɛ́la, gɛ́ diɛ: «A tɛ̨ą, di hvo pai lɔi nwɔ́ hviitɔɔi hu!»

Lɛɛ gbɔwɔ ɓa 6:8

Gáá lii a kaa nɔi ŋɛ̨i ŋą́ naakwɛlanmo Abrahamə, Isaakə da Ɉakɔbə ni diɛ ɉu. Gáá nąą tɛɛi ka pɔ a ka wɔɔ. Ɲą́ą́ Yai-Laa ɲą́ą́ ɓə mo.»

Izikiɛ 20:15

Ŋą́ pənə nwɔ̨nɔ̨ ŋą́ gwɛ́la diɛ nɔi pun ɉu, ɲéé tɛɛ yələi; gɛ́ diɛ, və́ pai ka lɔi nɔi tii ŋą́ dɛɛ ka pɔ, ɉu. A nɔi tii ɓɛi hɛn gəlee da lɛlɛ laa, nɛlɛ yee tɛɛ lɔi kəlee diɛ.

Izikiɛ 20:38

Nuąi di kwɛli tee, diɛ kulɔ nwóó mui, ŋą́ di kulɔ ka lɔwai; ɓɛi dəli di mąą kilɛi laa, ŋą́ di kulɔ laa, kɛlaa di hva lɔ Israɛlə lɔi hu, bələ ɓə ka gili kɔ́lɔn na kaa kɛ ɲą́ą́ ɓə gáá a Yai-Laa.

Lonon mo 13:6

Ɉuda huwu hu nuą, Yefunɛ lon Kalɛbə ɓə di gulɔ.

Lonon mo 14:24

Kɛlaa, nwɔ́ tímun Kalɛbə nwɛi, yii kpɔ kili takpɛli ɓə too gwəi, ə nwóó hon, nɔi tii ə li mɛ̨i kaai, gaa lɔi ɉu, ɉuwu hu nuą di da hɔlɔɓo.

Lonon mo 14:38

Nɔi hu hiɛ nuą tii lɔwai, Nun lon Ɉosue, da Yefunɛ lon Kalɛbə, diɛ lɔ ɓə kulɔ ɉu, di lɛɛ a di hvulú.

Lonon mo 26:65

Mąąhɔlɔɓo, Yai-Laa ə mo yɛ di kaa pai haai nɔi pun ɉu. Ɛlɛɛ yaan, di ta lɔpee hvo kɛa kɛ yɛnɛ̨ɛ̨, ə kulɔ Yefunɛ lon Kalɛbə da Nun lon Ɉosue di pulu.

Lonon mo 32:12

Nuąi lɔ di laa hvo ɉu diɛ ɓaa Yefunɛ lon Kalɛbə Kenizi mun da Nun lon Ɉosue. Hvo gaai di wɛi di hvilɛn Yai-Laa pulu, ɲinɛ̨ ɲinɛ̨n və kɛ di hu.

M̀ɛni-lɛɛi 10:6

ə gwɛla, a Nui gaa a húlu ɲɛ̨n deei hvo mą, naa, yai yələkɔlɔn da ɉu hɛnŋaa pɛli, lɔi da ɉu hɛnŋaa, gboloyá da ɉu hɛnŋaa; yɛ diɛ: guu hvo kɛa mą.