Lonon mo 14:21 - Yálá laawoo hɛɓɛ (dc)

²¹ Kɛlaa, akɛ kpɔ gáá a vúlú, akɛ nwɔ mąąwiɛ aa lɔi mɛ̨i kəlee laa hvɛɛ,

Yálá laawoo hɛɓɛ

²¹ Kɛlaa, akɛ kpɔ gáá a vúlú, akɛ nwɔ mąąwiɛ aa lɔi mɛ̨i kəlee laa hvɛɛ,

Bible

²¹ Kɛ́lɛ tɔ̃yâ ma, tãi nɔ́ ŋ́gaa la ɣele mai da tãi nɔ́ ǹɔii láa fɛ̂ɛi la a ŋáfolo-laai,

Lonon mo 14:21 ပူးပေါင်းရင်းမြစ်များ

Mąątɛ̨nɛ̨ 57:6

Yálá! 'Hąŋa 'ə́ tɔɔ yələ kɔ́lɔn mɛ̨i! Ə́ wɔ mąąwiɛ ə hee lɔi kəlee mɛ̨i.

Mąątɛ̨nɛ̨ 72:19

Lúwɔ́ ə kɛ naa mąąwiai ɓa a yələ kəlee; lɔi kəlee laa ə hvɛɛ a nwɔ mąąwiɛ, kɛi a mo tii Yálá ə kɛ! Mįiną!

Lɛɛ gbɔwɔ ɓa 9:16

Kɛlaa, ŋą́ ə́ lɛɛ a ə́ hvulú, ŋą́ nwɔ́ huwalawala laa lɛ yɛ́, əgɛ Náá ə tɛ lɔi mɛ̨i nąą kəlee.

Azaya 49:18

Ə́ ɲɛ̨i laa ə́ kwɛlɛ nąą kəlee, ə́ kɛɛ kaa: Di kəlee, di kaa di ɲąąkpɔn ɉii, diɛ pa ə́ pɔ, Yai-Laa aa gwɛla, yɛ diɛ: Yii kpɔ gáá a vúlú, Yai-Laa woo li. Ə́ kaa pai gəlee kɛi a ə́ mąą yili hɛn, yɛ́ di kɛ a ə́ hąą yili kɔ́lɔ, yɛ nɛ̨ɛ̨nui di kaa lííla nwɔ wɛli pɔ.

Azaya 6:3

Di kɛi pələ pili di kee ɓa, diɛ kɛ mą: «Yai-Laa Mɛ̨nį Kəlee ŋą Hééɓomun, ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, ə́ wɔ mąąwiɛ aa lɔi mɛ̨i nąą kəlee laahvɛɛ!»

Ɉeremi 22:24

Yii kpɔ gáá a vúlú, Yai-Laa woo li; «Ə mą kɛ Yoyakimə lon Koniahu Ɉuda tɔɔmun gaa ɲéé ɓa, gɛ́ gɔ́lɔ́n bɔɔ lɛɛ la gɛ́ mɛ̨nįɠaa kəlee hu, gáá pai gulɔi ɲéé ɓa.

Izikiɛ 18:3

«Akɛ kpɔ gáá a vúlú, ka hvo kɛa pai pənəi ka hvo ɉanwon tii hɔɔ Israɛlə lɔi hu.

Izikiɛ 20:36

Yɛ bələi ŋą́ ka nąnni ɲąąwooɓo la nɔi pun ɉu, Eziptə lɔi hu, bələ ɓə gáá pai gɛi la a káá, Mɛ̨nį kəlee ŋą Hééɓomun Yálá woo li.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Izikiɛ 33:27

'Kɛ diɛ, Mɛ̨nį kəlee ŋą Hééɓomun Yálá woo ka: Yii kpɔ gáá a vúlu, nuąi tii daa kpoloon ɉu, di kaa pai haai a ɓɔwa kwɛa laa pɔɔ; nui a kɛ yɛɛ kɔwɔ hu, ŋą́ dɛɛ lɔwɔ huwɔɠaa pɔ a di kɔ̨nɔ̨n; nuąi kwɛni woloɠaa hu, lɔwaɠaa hu, lɔi mu, di kaa pai haai a ɲɔ̨n.

Izikiɛ 5:11

Yai-Laa gu wɔ Yálái woo ka, yɛ: A kɛ kpɔ gáá a vúlúmaa, yii kpɔ ə́ ŋą́ pɛlɛ́ mąąhəɠɛɛi mąąluwu a yɛ́ kɛɛ kala mɛ̨nįɠaai, da yɛ́ tuwɔ pələ ɲɔ̨nŋąąi ti, ɲą́ą́n gbɛlimąn gáá pai kpəŋą həɠəi; və́ pai nu ɲɛ̨imąąwɛli kaai; və́ pai nu mąąhvaalɛɛi.

Habakukə 2:14

A tɛ̨ą, Yai-Laa, nwɔ mąąwiɛ kɔ́lɔn ŋąą a lɔi mɛ̨i kəlee laahvɛɛ, yɛ pələi yaɠaa da gboloyá hu hvɛɛ la.

Sofoni 2:9

Yili ɓə gaa mą, Ɲą́ą́ Yai-Laa Mɛ̨nį Kəlee ŋą Hééɓomun, Israɛlə nwɔ Yálá, nwóó li, yii kpɔ gáá a vúlú, Moabə lɔi kaa kɛi yɛ bələi Sodomə ə kɛ la, ɛlɛɛ, Amɔn lonnii di kɛ yɛ bələi Gomorə ə kɛ la. Nąą ə kɛ a ɲąąlən gbɔlɔ, da kpolo kulɔi, a lɔi pun a yələ kəlee mɛ̨nį. Nwɔ́ nu huwui kpəlii a lɛɛ, a di mąąkpoloon. Nwɔ́ nuąi kulɔ gɔ hu da kwɛlin ɲąąkwɛlɛ.

Lonon mo 14:28

Ka mo diɛ, kaa diɛ: ‹Ɲą́ą́ Yai-Laa nwóó li, Ŋą́ą́ gwɛ́la a gbɔ́ɔ́, gɛ́ diɛ; nwoo tii kulɔ ka la yɛ too nwə́lii, bələ kpɔlɔɔ ɓə gáá gɛi la a kaa.

Maafîu 6:10

Ə́ wɔ tɔɔlaa ə pa. Ə́ liiɓa ə kɛ lɔi mɛ̨i yɛ bələi gaa kɛi la yələkɔlɔn ɉu.

Dutɛrɔnome 32:40

Ŋą́ą́ ɲéé tɛ, gɛ́ gwɛ́la a yələkɔlɔn gɛ́ diɛ: ‹Akɛ kpɔ gáá a vúlu a yələ kəlee!›