Lonon mo 14:19 - Yálá laawoo hɛɓɛ (dc)

¹⁹ Yili ɓa tii, nuą ŋɛ̨i ɲɛ̨imąąwɛli kaa, yɛ bələi Ə́ wɔ lii nɛ̨ɛ̨ kwəi laa hu kɛnɛ̨ɛ̨ la, yɛ bələi Yáá ə́ yee lɛɛ la diɛ, ə həɠə Eziptə lɔi hu ə pa ɓɛ.»

Yálá laawoo hɛɓɛ

¹⁹ Yili ɓa tii, nuą ŋɛ̨i ɲɛ̨imąąwɛli kaa, yɛ bələi Ə́ wɔ lii nɛ̨ɛ̨ gwəi laa hu kɛnɛ̨ɛ̨ la, yɛ bələi Yáá ə́ yee lɛɛ la diɛ, ə həɠə Eziptə lɔi hu ə pa ɓɛ.»

Bible

¹⁹ Yâwɛɛ, ŋa íkpera fêi a gɛɛ í ǹûai ŋí dísɔnyɔ̂ŋ su-mɛni lɛɛ yɛ̂ɛ berei íwɛli-kɛ-maai kɛ̂tɛi la da berei í dísɔnyɔ̂ŋ su-mɛni lɛ̀ɛ la é kúla Ize lɔii su é seri sâa mai.”

Lonon mo 14:19 ပူးပေါင်းရင်းမြစ်များ

Tɔɔɓɛlaa dɔlɔɔ 8:34

Ee kə Yai-Laa, lɛɛ yələkɔlɔn ɉu ə́ ə́ wəli tɔɔ, ə́ ə́ wɔ nu huwui nwɔ nɛ̨ŋɛ̨nŋąą mąąhvaalɛɛ, ɛlɛɛ, ə́ pənə ə́ pa a diɛ nɔi ŋɛ̨i hu ɓɛ, yai ta, ə́ dɛɛ ku nąnni pɔi.

Mąątɛ̨nɛ̨ 106:45

Mįnɛ̨i da diɛ ni di ɉəɠə, ə giliŋąhiɛ mą, nwɔ wɛlikɛmąąlaa kɛnɛ̨ hu, ə nwoo yali bulu.

Mąątɛ̨nɛ̨ 78:38

Kɛlaa yaa ti nwɛi, a líinɛ̨ɛ̨ gwəi Yálá, hvo kɛi di hɔn ɉee gwəi, hvo di hukala, yaamun, ə kɛi di kɛ nɛ̨ŋɛ̨nŋaa hu pu; ɛlɛɛ, yɛ nwɔ liiholi huhon gbɔ kɛlɛ kɛlɛ di mąą mɛ̨nį ɓa, níilaai lɔ kɛ di pɔ,

Mąątɛ̨nɛ̨ 85:2

Yai-Laa, bələi ə́ wɔ lɔi wɛli kaa la yɛ́, yáá yili lɛ; yáá pənə yaa pa a Ɉakɔbə lonnii kɛ luwɔlaa hui;

Lɛɛ gbɔwɔ ɓa 32:32

Kɛlaa, akɛ yá hvaa mą, ə́ di wɔ nɛ̨ŋɛ̨ŋąą mąą hvaalɛɛ, a wala kɛ ti, ɉɛɓɛ́i ŋɛ̨i Ə́ náá pɛ̨ɛ̨ ɉu nwaa.»

Lɛɛ gbɔwɔ ɓa 33:17

Yai-Laa yɛ Moisə ɓa: «Mɛ̨nįi ŋɛ̨i ə́ mo, gáá pai gɛi ti, mąąhɔlɔɓo, yáá níí hon, ɛlɛɛ, Ŋą́ ə́ kɔ́lɔn a ə́ laa.»

Lɛɛ gbɔwɔ ɓa 34:9

Yɛ mą: «Yai-Laa nwɔ́ mɛ̨nį Nąmu, akɛ kpɔ ŋą́ą́ ə́ líí hon, Yɛ́ ɓo ku lɔwai, kwa nu huwu nwun nwalawalaa ŋɛ̨i, kɛlaa, ku wɔ túwɔ́ pələ ɲɔ̨n da ku wɔ nɛ̨ŋɛ̨n mąąhvaalɛɛ, ɛlɛɛ, ə́ ku kɛ kɛa a ə́ kwɛlin.»

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Danîa 9:19

Ną́mu Yálá, ə́ wəli tɔɔ kuɔ! Ną́mu Yálá, ku mąąhvaalɛɛ! Ną́mu Yálá, ə́ kiliŋąhiɛ kuɔ! Ə́ laa mąą mɛ̨nį ɓa, Ną́mu Yálá, daai ŋɛ̨i da ɉu nuą, diɛi di kaa a ə́ wɔɔ, ə́ wɔ naa kɛ di mąą mɛ̨nį hu, hvo ɉu kwɛa.»

Amɔsə 7:2

Ɓɛlɔwai beeleɠaa tii di gala tiliin gəlee mįi la nɔi mɛ̨i, ŋį́ mo Yálá ɓa, gɛ́ mą: «Ną́mu Yálá! Nɛ̨ɛ̨ yɛ́, ə́ wɔ nuąi mąąhvaalɛɛ. Akɛti Ɉakɔbə huwuhu nuą ŋɛ̨i di hvo tamą li, di kɛɛ lɔ pai lɛɛi yɛnɛ̨ɛ̨ lɔ li?»

Amɔsə 7:5

Ŋą́ mo Yálá ɓa, gɛ́ mą: «Ną́mu Yálá! Ŋą́ą́ ə́ hu hon, nɛɛ yɛ́, akɛ ya wala gɛ, ə́ wɔ nu kpulu logoloi ŋɛ̨i hvo pai lɛɛi yɛnɛ̨ɛ̨.»

Zôna 3:10

Yálá ə Ninivə nuą túwɔ́ pələi tii kaa, daa di pulu tɔɔ di túwɔ́ pələ ɲɔ̨nŋąą diɛ; Yálá ə di ɲɛ̨imąąwɛli kaa, ə nwɔ liiɲąnwąną həɠə di mɛ̨i hvo gɛ yɛ pələi ə giliŋąhiɛ la.

Zôna 4:2

Ə mo Yai-Laa ɓa, yɛ mą: «Yaai-Laa Kɛlɛi mɛ̨nįi ŋį́ kɛi mo ɓɛlɔwai ŋį́ kɛ la bɔ́ lɔi ya ka ee! Mɛ̨nį ŋį́ ɲɔw mą, ŋį́ laa dɔwɔ, gɛ́ pu, gɛ́ li Tarsisə daai yaa li. Mąąhɔlɔɓo ŋį́ gɔlɔn gɛ́ diɛ: ə́ kaa a Yálá yii a mɛ̨inɛ̨ɛ̨ kɛ, ɲɛ̨imąąwɛli kaa yɛ ɓo ɲəi kɛnɛ̨, hva níiholi ɉa, naahvɛɛi a wɛlikɛmąą hvo bɔ hvo mɛ̨nį nwąnąą laa nu ɓa.

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Habakukə 3:2

Éé Yai-Laa! Ŋą́ą́ ə́ kɛ mɛ̨nįɠaa mąą pələ mɛ̨n ŋą́ą́ ɲɔw. Yai-Laa ə́ kɛ mɛ̨nįɠaa kɛ yiihu. Yɛ bələi wɔlɔ ə́ kɛi gɛ la. Ə́ kɛ mɛ̨nį kɔlɔŋąą lɛ a kwɛlan gəlee. Ə mą kɛ kwaa ə́ liiholi mɛ̨nį kɛ, ə́ wɔ ɲɛ̨i mąą wɛli kaa lɛ kuɔ.

Lonon mo 23:21

Və́ mɛ̨nį ɲąąnwąnąą kaai Ɉakɔbə pɔɔli. Və́ mɔ̨nɔ̨ kaai Israɛlə nwɔ lɔi hu. Yai-Laa yai a nwɔ Yálá, gaa bulu, di kaa di yee lɔwai mą yɛ tɔɔmun.

Zĩi 5:15

Laa na laa hvɛli woo a ɲɔ̨n gɛ mun gɔlɔi pono; ɛlɛɛ, gu Nąmu a ɉaŋąn ə ɉee, ə mą kɛ aa nɛ̨ŋɛ̨n ɉəɠə, a nwɔ nɛ̨ŋɛ̨n mąą hvaalɛɛ.