Lonon mo 14:18 - Yálá laawoo hɛɓɛ (dc)

¹⁸ ‹Yɛ́ Yai-Laa, ə́ líiholi laa walaai, ɛlɛɛ, ə́ wɔ mɛ̨inɛ̨ɛ̨ hu kɛnɛ̨i, yɛ́ túwɔ́ pələ ɲɔ̨n da kɛɛ kalaa mąąhvaalɛɛ. Hva mɛ̨nį lɔpee ta gwələ kulɔ laa lɛɛ. Yɛ́i ya nu nąnni kɛ mɛ̨nį ɲɔ̨n gwələ kulɔ nonnii diɛ, ə həɠə kálaɓɔlɔ haaɓa ɓa ə həli la nąąn bɔ.›

Yálá laawoo hɛɓɛ

¹⁸ ‹Yɛ́ Yai-Laa, ə́ líiholi laa walaai, ɛlɛɛ, ə́ wɔ mɛ̨inɛ̨ɛ̨ hu kɛnɛ̨i, yɛ́ túwɔ́ pələ ɲɔ̨n da kɛɛ kalaa mąąhvaalɛɛ. Hva mɛ̨nį lɔpee ta gwələ kulɔ laa lɛɛ. Yɛ́i ya nu nąnni kɛ mɛ̨nį ɲɔ̨n gwələ kulɔ nonnii diɛ, ə həɠə kálaɓɔlɔ haaɓa ɓa ə həli la nąąn bɔ.›

Bible

¹⁸ ‘Ńyãai Yâwɛɛ Ɣâlai, ńii ŋwana-laa fé nɛ̃ɛ ní, wɛli-kɛ-maa támaa kɛ́ ƃò ńyêei. Ŋa sɔnyɔ̂ŋ su-mɛni lɛ̀ɛ da tɔɔ-mâ laa. Kɛ́lɛ ŋa pâi lóŋ-naŋ kélee dísɔnyɔ̂ŋ maa-tɔŋ kpɛ̀i dílônii dîa, ŋá gbɛ́ dílonii lônii dîa.’

Lonon mo 14:18 ပူးပေါင်းရင်းမြစ်များ

Nehemi 9:17

Di hvo gɛ di hvo di wəli tɔɔ, di hvo di kili lɛɛ gbalo mɛ̨nįɠaa ə́ gɛ diɛ ɉu, di di nwun ɉuwalawala, di di nwun dɛ ə́ pɔ, di naa di kwəi, diɛ kɛ di pənə də li di wɔ luwɔlaai hu. Kɛlaa, ə́ wɛi, nu mąą hvaalɛɛ Yálá ɓaa yɛ́, ə́ wɔ mɛ̨nį lɛlɛɛi, yɛ́ nu mąąwɛli kaa, hva ə́ líiholi ɉa. Ə́ kulaa ə́ woo ɓa, hvo ə́ yee kulɔ di mu.

Zôo 21:19

Kaa kɛ diɛ: «Yálá a lon gaa nuą di wɔ mɛ̨nį gwələ kulɔ, di lonnii diɛ.» Mąąnɛ̨ɛ̨ Yálá ə diɛ kpinįi di hu tɔɔ, ə lɛɛ di gbaɠala kaa.

Mąątɛ̨nɛ̨ 103:8

Yai-Laa liinɛ̨ɛ̨i gwəi, a nu mąąwɛli kaa; hva níiholi ɉa, gaa a wɛlikɛmąą.

Mąątɛ̨nɛ̨ 108:4

Yai-Laa, gáá ə́ hɛɠɛɛɓoi nu huwu kəlee ɲɛ̨i ɓa, gɛ́ ə́ laa too a wələ, nu huwu kəlee lɔwai.

Mąątɛ̨nɛ̨ 109:14

Di nąnni di wɔ nɛ̨ŋɛ̨n gili ə lɛɛ Yai-Laa ŋą, nee nwɔ nɛ̨ŋɛ̨n mąą hvaa hvo lɛɛ.

Mąątɛ̨nɛ̨ 145:8

Yai-Laa kili lɛlɛɛ gwəi, Níi nɛ̨ɛ̨ gwəi, hva nii holi ɉá, wɛlikɛmąą kili lɔ ɓə gwəi.

Mąątɛ̨nɛ̨ 78:38

Kɛlaa yaa ti nwɛi, a líinɛ̨ɛ̨ gwəi Yálá, hvo kɛi di hɔn ɉee gwəi, hvo di hukala, yaamun, ə kɛi di kɛ nɛ̨ŋɛ̨nŋaa hu pu; ɛlɛɛ, yɛ nwɔ liiholi huhon gbɔ kɛlɛ kɛlɛ di mąą mɛ̨nį ɓa, níilaai lɔ kɛ di pɔ,

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Lɛɛ gbɔwɔ ɓa 20:6

Kɛlaa, nuąi da nwɛ́lila kɛ diɛ lɛɛ nwɔ́ tɔ́n nwooɠaa pulu, ŋą́ mɛ̨inɛ̨ɛ̨ kɛ di lonnii diɛ, da di mąnįn bulu mąnįnŋąą diɛ gee mɛ̨i waa tamąą.

Ɉeremi 23:2

Yili mąą mɛ̨nį ɓa, Yai-Laa Israɛlə nwɔ Yálái kaa mɛ̨nįi ŋɛ̨i ɓoi, nwɔ taatɛlɛɛ ɲąąkɔn nuą diɛ, yɛ diɛ: «Kaa nwɔ́ ɓɛlaaɠaai lɛɛ laa diɛ taɠa taɠa, diɛ pili, ka hvo di mɛ̨i kaa li, nwɛ́i gáá pai ɲéé pɛlɛi kaa, ka túwɔ́ pələ ɲɔ̨nwɔ̨ɔ̨ɠaa mąą mɛ̨nį ɓa.» Yai-Laa woo li.

Ɉeremi 32:18

Yá nuą ɲɛ̨imąąwɛli kaa, gee mɛ̨i waa tamąą. Kɛlaa, yá lon gaa nuą di wɔ nɛ̨ŋɛ̨nŋaai kwələ kulɔ di lonnii diɛ. Yɛ́i a Yálá kɛnɛ̨, Kɔlaɠa Ną́mu, ə́ laa ɓaa: Yai-Laa Mɛ̨nį Kəlee ŋą Hééɓomun.

Woolaa 5:7

Ku nąnnii nɛ̨ŋɛ̨n ɉəɠə, daa haa; kuɔ ɓə kɛa ɉu mɔ̨nɔ̨ mįi.

Zôna 4:2

Ə mo Yai-Laa ɓa, yɛ mą: «Yaai-Laa Kɛlɛi mɛ̨nįi ŋį́ kɛi mo ɓɛlɔwai ŋį́ kɛ la bɔ́ lɔi ya ka ee! Mɛ̨nį ŋį́ ɲɔw mą, ŋį́ laa dɔwɔ, gɛ́ pu, gɛ́ li Tarsisə daai yaa li. Mąąhɔlɔɓo ŋį́ gɔlɔn gɛ́ diɛ: ə́ kaa a Yálá yii a mɛ̨inɛ̨ɛ̨ kɛ, ɲɛ̨imąąwɛli kaa yɛ ɓo ɲəi kɛnɛ̨, hva níiholi ɉa, naahvɛɛi a wɛlikɛmąą hvo bɔ hvo mɛ̨nį nwąnąą laa nu ɓa.

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Lonon mo 14:17

Ee kə Yai-Laa! Hvó gɛ tii! Nwɔ́ mɛ̨nį nąmu! Bələi tii ə́ mo la kuɔ, lɛɛ tii ə́ woo pulu; yɛ́ ɓə kɛ diɛ:

Lonon mo 23:21

Və́ mɛ̨nį ɲąąnwąnąą kaai Ɉakɔbə pɔɔli. Və́ mɔ̨nɔ̨ kaai Israɛlə nwɔ lɔi hu. Yai-Laa yai a nwɔ Yálá, gaa bulu, di kaa di yee lɔwai mą yɛ tɔɔmun.

Lomaŋ 5:21

Ya ɓə gɛ, yɛ bələi nɛ̨ŋɛ̨n ə hee la gu mɛ̨i a haa, bələ lɔ ɓə Yálá nwɔ mɛ̨inɛ̨ɛ̨ a tɔɔlaa kɛ la tələnmolaa háálai, ə gɛ, ə li a guɔ yɛnɛ̨ɛ̨ hva kpɛɛ hu, gu Ną́mu Jesus Kristə háálai.

Dutɛrɔnome 5:10

Kɛlaa, nuąi da nwɛ́lilakɛ, diɛ di yee kanąn nwɔ́ tíɓoɠaai diɛ, Ŋą́ di wɛlilakɛ, ə həli la di wɔ mąnįn bulu mąnįn waa tamąą ɓa.

Dutɛrɔnome 5:9

«Ka hvo kwɛli hvilɛn ɉɛnŋąąi tii ta ɓa, ka hvo tí diɛ; mąąhɔlɔɓo Ɲą́ą́ Yai-Laa ka wɔ Yálái, gáá a Yálá tolɔɔ, nuąi da kɛ wɛli kpɛɛ mąą laa kulɔi a ɲą́ą́, ŋą́ di wɔ nɛ̨ŋɛ̨nŋąą pɔɔ kulɔ di lonnii diɛ, ə mą kɛ mąnįn bulu mąnįnɠaa diɛ.

Dutɛrɔnome 7:10

Kɛlaa, nui Yai-Laa wɛli hvo mą, a mąą nu hutɔɔ, nui a yowolaa kulɔ a Yálá, Yálá a mąą nu nwun na pili a ɉu kpuwaa.

Dutɛrɔnome 7:9

Mąąnɛ̨ɛ̨ ka kili ə pu ɉu kaa diɛ, Yai-Laa ka wɔ Yálái ɓə gaa a Yálá kpɔ-kpɔɔ. A Yálái a kulɔ nwoo ɓa. Nuąi da nwɛlilakɛ, diɛ nwɔ tíɓoɠaa kɛ, a lɛɛ nwɔ mįnɛ̨i pulu di mąą mɛ̨nį ɓa; yɛ di wɛli la kɛ kwɛlan nwaa tamąą yee mu.