Lonon mo 13:33 - Yálá laawoo hɛɓɛ (dc)

³³ Ku nu yee muhəɠɛɛ kowolo kowoloɠaa kaa hɔlɔ laa, diɛ ɓo a Anakə lonnii. Diɛi kulɔ nu kwɛa hveelɛi tii hu. Ku kɛi ku kpɔɔ kaa di mu yɛ poninŋąą, ɛlɛɛ bələ kpɔlɔ ɓə di kɛi ku kaa la.»

Yálá laawoo hɛɓɛ

³³ Ku nu yee muhəɠɛɛ kowolo kowoloɠaa kaa hɔlɔ laa, diɛ ɓo a Anakə lonnii. Diɛi kulɔ nu kwɛa hveelɛi tii hu. Ku kɛi ku kpɔɔ kaa di mu yɛ poninŋąą, ɛlɛɛ bələ kpɔlɔ ɓə di kɛi ku kaa la.»

Bible

³³ Kú Nɛfiliŋ-ŋai kàa naa. Ǹûai ŋí díkaa a Ana ǹônii-sinaai. Kú kúkpîŋ kàa nɔ́ díŋɛi yɛ̂ɛ tonîŋ-na. Ǹyaŋ bere nɔ́ ƃé kú kɛ̀ la díŋɛi.”

Lonon mo 13:33 ပူးပေါင်းရင်းမြစ်များ

Zɛnɛse 6:4

Nąąlɔwai tii hu, nu kwɛa-kwɛa di kɛ lɔi mɛ̨i. Nuąi tii di hɔlɔɓo Yálá lonnii da lɔi mɛ̨i nɛ̨ąą di wɔ hilɛtaa yii hu. Nuąi tii ɓə wɔlɔ kɛ di laa tɛɛ lɔi mɛ̨i.

Kɔlɔnikɔ Maa-ŋuŋ 11:23

Yaa tii lɔ ɓə nwɔ̨nɔ̨ Eziptə mun da paa, yai kɛ a nu yee muhəɠɛɛ ta, kpala ə kɛ Eziptə mun tii yəi; nwɛi gbɔn mə kɛ ɲəi yɛ lɛɠɛ la Eziptə mun tii ɓa. Ə wolo mą, ə baa a gbɔwɔ kpalai tii kɛ ɲəi.

Azaya 40:22

Ɉɛn ŋɛ̨i pɛlɛ ni lɔi nwun mɛ̨i, yili mɛ̨i pələ ɓə gaa laa heeni, a nɔi ŋɛ̨i ɉu nuą kaa yɛ peeləɠaa. Ə yələkɔlɔn ɉɛlɛn yɛ həɠə ɓɛla, ə ɉu lɛan, nuą diɛ pɛlii di taa tɔɔi mu.

Lonon mo 13:22

Di tɛɛ nɛɠɛ lɔi hu pələ, di həli Hebrɔn, ɓɛi Ahiman, Sesai da Talmai di kɛ laa heeni, Nuąi tii di kɛ a Anakə lonnii. Di Hebrɔn taa tɔɔ, kwɛlan mɛ̨ihveelɛ tɛɛ pulu, di hvo teɠa Tanisə taa tɔɔ Eziptə lɔi hu.

Lonon mo 13:28

Kɛlaa nu huwui laa heeni, di huwalawalaai, daaɠaa mąą tinɛ̨n ŋąą a hįį kpɛa-kpɛa, ɛlɛɛ ku Anakə nu huwu taɠaa kaa kpɔ laa heeni.

Lonon mo 14:1

Israɛlə lonnii kəlee di tómą a wɔlɔ kɛnɛ̨, di yíi kpɔ wɔlɔi pili pili.

Dutɛrɔnome 1:28

Mįnɛ̨ pələ ɓə ku kaa tɛɛi la? Ku nąn nonnii daa gbɛa ku hviikpɛɛ, a kɛi di mo kuɔ: ‹Nuą tii kpɛa-kpɛai, di hvaŋą kɛnɛ̨ guɔ, di wɔ taaɠaa kpɛa-kpɛai, di mąą tinɛ̨n ŋąą a hįį mɛ̨i kwɛaɠaa kpɔ ləɠə ləɠə yɛ tɛ yələkɔlɔn ma, nu huwui ŋɛ̨i da kɛ diɛ Anakə nuą di kaa hɔlɔɔ mun laa.›»

Dutɛrɔnome 2:10

Emi nuą ɓə gbɛa kɛ heeni Seirə, di kɛ a nu kpulu kɛnɛ̨ di yee muhəɠɛɛ yɛ Anakə nuą.

Dutɛrɔnome 3:11

Basan tɔɔmun tii kɛ a Ogə, yaa tɔ̨nɔ̨ ɓə kɛ aa lɛɛ a Refaitə nuą kpəli. Nwɔ gbin ə kɛ a kwɛli gbin, gaa Raba Amɔn nuą di wɔ taaleei hu, gwɛa yee ə kɛ a yee laa mą mɛ̨inąą, ɲąą kɛnɛ̨ yee ə ɓo a yee laa mą nąąn; yɛ bələi da hɛnŋąą kɔ́ɔn na a bɔlɔ.

Dutɛrɔnome 9:2

Di kaa a Anakə nuą, di kaa a nu huwu kɛnɛ̨ di yee muhəɠɛɛ. Gbaɠala kaa kaa, kaa ta mɛ̨n, diɛ mo ŋɛ̨i Anakə nuą laa mɛ̨i, diɛ kɛ diɛ: «Gbɛɛ ɓə a pɛli tɔɔi Anakə nuą tɔwɔ?»

Zasua 11:21

Nąąlɔwai, Anakə nuąi kɛ heeni yeeɠaa ɓa, Ɉosue ə gəlee paa, diɛ kɛ a Hebrɔn nuą, Devirə da Anavə nuą, ə mą kɛ da yiiɠaai kɛ Ɉuda yeeɠaa ɓa, da Israɛlə yeeɠaa. Ɉosue ə gəlee nwun na pili da di wɔ taaɠaai.

Zasua 14:12

Ɲee ŋɛ̨i tɛɛ kɛa bɔ́, ya ɓə Yai-Laa ə vaa ɓo a volói tii. Kɛlɛi ə́ bələ mɛ̨n a yələ ta diɛ kɛ Anakə nu huwu kaa laa da taa kpɛa-kpɛa, di mąą tínɛ̨n ŋąą a hįi. Kɛlaa, Yai-Laa a tɔɔ búlu, gáá pai di kpɛi laa, gɛ́ hee laa, yɛ bələi Yai-Laa ə mo la.»

Zasua 15:14

Kalɛbə ə lɔi kulɔ Anakə lonnii haaɓai yəi, diɛ ɓaa: Sesai da Ahiman, da Talmai, diɛ ɓə kɛ a Anakə huwu.

Samuɛlə dɔlɔɔ 17:24

Nui tii kaai Israɛlə nuą di mo, di ɲɔw kpɔ kɛnɛ̨, diɛ pu dɔwɔ.

Samuɛlə dɔlɔɔ 17:42

Goliatə ɲɛ̨i heei ə mo, ə Davidə kaa, ɲɛ̨i tɛɠɛ ə ɓo ɉu, yɛ gaa lɔ a hulɔnon golo, nwɔ kɔ́lɔ kwələ mu kpɔluɔ, ɲɛ̨ilai lɛlɛɛ.