Lonon mo 13:29 - Yálá laawoo hɛɓɛ (dc)

²⁹ Amalɛkə lonnii ɓə heeni ɉɛɠɛɛ pələ, Hɛtə nuą, Ɉebusə nuą da Amɔrə nuą di kaa heeni ɲee lɔi hu pələ. Kanaan nuą leeleeɠaa di kaa heeni gboloyá kwɛlɛ, da Ɉurdɛn ɲá ɓɛlaaŋąą pɔ.

Yálá laawoo hɛɓɛ

²⁹ Amalɛkə lonnii ɓə heeni ɉɛɠɛɛ pələ, Hɛtə nuą, Ɉebusə nuą da Amɔrə nuą di kaa heeni ɲee lɔi hu pələ. Kanaan nuą leeleeɠaa di kaa heeni gboloyá kwɛlɛ, da Ɉurdɛn ɲá ɓɛlaaŋąą pɔ.

Bible

²⁹ Amɛlɛkai-ŋai díkaa vɛ̃ɛ-kpâlaŋ su ǹɔii kwára-pere, Ita-ŋai, Zɛbusai-ŋai da Amɔrai-ŋai díkɛ ƃò ǹyee kwaai ma-pere. Keena-ŋai díkaa máŋ Mɛditɛrenia Yuoi da Zɔdiŋ Ya-leei ma pere.”

Lonon mo 13:29 ပူးပေါင်းရင်းမြစ်များ

Zɛnɛse 14:7

Yili pulu, di pənə di pa Ein-Mispatə, naa takpɛli ɓaa: Kadɛsə. Di Amalɛkə nuą pɔɔli kala, di Amɔrə nuą kɛlɛ, diɛi di kaa heeni kɛ Hasasɔn-Tamarə lɔi hu.

Nehemi 9:8

Ə́ gaa yɛ́ Abrahamə lii kanąn ŋąąi yɛ́, ka yaa ka mįnɛ̨ həɠə, ə́ Kanaan nuą, Hɛtə nuą, Amɔrə nuą, Perizi nuą, Ɉebusə nuą, da Girgasə nuą, tɛɛ bɔ yaa tii bɔ, ə mą kɛ ɉuwu hu nuą. Ə́ kulɔ ə́ woo ɓa, mąąhɔlɔɓo, ə́ tələnmoɔi.

Mąątɛ̨nɛ̨ 83:7

Edɔmə nuą, Ismaɛlə lonnii, Moabə nuą da Hagarə lonnii,

Lɛɛ gbɔwɔ ɓa 3:17

Ya ɓə, Ŋą́ kɛ Gáá ka kulɔi mɔ̨nɔ̨i tii hu, Ŋą́ li a káá Kanaan lɔi hu, ɓɛi Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa laa, ɓɛi tii hɛn gəlee da lɛlɛ laa.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Lonon mo 13:17

Moisə ə di tɔɔ, diɛ li Kanaan lɔi mąą kpɛɛi, yɛ diɛ: «'Ka tɛɛ a nɛ̨ŋɛ̨ lɔi hu pələ, ka lɔ ɲee lɔi hu.

Lonon mo 13:30

Nu kpului tii kɛ tɔɔni Moisə kwɛlɛ, Kalɛbə ə di laa pilɛ, yɛ diɛ: «'Ka gwəli, gu kɔ́ pɛlɛ diɛ, gu di hon! Gu yee kaa lii tɛɛi diɛ hɛa hvo ɉu.»

Lonon mo 14:25

Amalɛkə nuą, da Kanaan nuą di kaa heeni nɛ̨ŋɛ̨ lɔi hu. Tínąą, ka pənə ka pulu, ka li nɔi pun ɉu pələ, ka ɉaŋą a Veen gbɔ̨nɔ̨ gboloyá tənən ma pələ.»

Lonon mo 14:43

Amalɛkə nuą da Kanaan nuą di kaa laa ka tɔwɔ, di kaa lii ka paai, mąąhɔlɔɓo, kaa ka pulu tɔɔ Yai-Laa ɓa, ɛlɛɛ, Yai-Laa hvo kpɛli ka pɔ yili hu.»

Lonon mo 14:45

Amalɛkə nuą da Kanaan nuąi kɛ heeni ɲeeɠaa ɓa, di yɛɛ Israɛlə nuą mɛ̨i, di yee ə tɛɛ diɛ, di lɛɛ kpɔ di paai, di həli a diɛ Hɔrma.

Lonon mo 24:20

Yili pulu, Balaamə ə Amalɛkə kaa, ə mɛ̨nįi ŋɛ̨i ɓo, yɛ həɠə Yálá yəi, yɛ mą: «Amalɛkə kaa lɔi kəlee ɲɛ̨i tɔwɔ, Kɛlaa, mɛ̨nįi ɉeɛ dɔwɔ ya ɓaa ɉukala mɛ̨nį.»

Dutɛrɔnome 20:17

Yiiɠaai a Hɛtə nuą, Amɔrə nuą, Kanaan nuą, Perizi nuą, Hivi nuą, da Ɉebusə nuą, ka gəlee paa kpɔɔ tɛ̨ɛ̨tɛ̨ɛ̨; yɛ bələi Yai-Laa ka wɔ Yálái kaa ka tí la.

Dutɛrɔnome 7:1

Ɲələi Yai-Laa ka wɔ Yálái kaa pai ka lɔi la nɔi ŋɛ̨i ka káá pai ɉɔlɔɓoi a ka wɔ ɉui; yɛ nu huwu tamąą kpɛ ka ɲɛ̨i tɔwɔ, diɛi a: Hɛtə nuą, Girgasə nuą, Amɔrə nuą, Kanaan nuą, Perizi nuą, Hivi nuą, ɛlɛɛ da Ɉebusə nuą; nu huwu mɛ̨ihveelɛi tii di tamąąi, di hvaŋą kɛnɛ̨ di tɛɛ kaa,

Zasua 10:5

Amɔrə tɔɔɓɛlaa lɔɔlii tii diɛi a Ɉerusalɛmə tɔɔmun, Hebrɔn tɔɔmun, Yarmutə tɔɔmun, Lakisə tɔɔmun da Ɛglɔn tɔɔmun, di di ɲąąkpɔn, diɛ li da di wɔ kɔ́kulááɠaai kəlee, di Gabaɔn mąą tínɛ̨n a kɔ́, di kɔ́ pɛlɛ mą.

Zasua 10:6

Gabaɔn nuą di nuą tɔɔ Ɉosue pɔɔli Gilgalə daai, diɛ kɛ mą: «Hvo kulɔ ə́ wɔ luwɔɠaai pulu, di hvo pa too, pa ɉa-ɉa ku pɔ, ə́ ku ɓalo ə́ ku mąą kɔ̨nwɔ̨ Amɔrə tɔɔɓɛlaai tii ɲee lɔiɠaa hu, daa di ɲąąkpɔn diɛ pa woloi kuɔ, di yəi.»

Zasua 3:10

Yili pulu, Ɉosue yɛ diɛ: «Ka káá pai gɔlɔn ɉii kaa diɛ, Yálá húlu kaa ka lɔwai. Ɛlɛɛ, Kanaan nuąi a: Hɛtə nuą, Hivi nuą, Perizi nuą, Girgasə nuą, Amɔrə da Ɉebusə nuą, gaa pai di kpɛi ka tɔwɔ.

Zasua 5:1

Ɓɛlɔwai Amɔrə tɔɔɓɛlaai Ɉurdɛn pulu, voló tooi pələ, ə lɛɛ Kanaan tɔɔɓɛlaai heeni gboloyá kwɛlɛ di bələ mɛ̨n na, diɛ Yai-Laa ə Ɉurdɛn yá kpala Israɛlə lonnii tɔwɔ ə gɛ di ɲá teen, hvaŋą hvo kɛa lɛɛ di yəi, ɛlɛɛ di lii hvo kɛa kpələ tɔɔi Israɛlə lonnii tɔwɔ.

Zasua 9:1

Nąąlɔwai, tɔɔɓɛlaa kpɔ kɛ Ɉurdɛn yá pulu pələ ɲee lɔi hu, da nɛ̨ŋɛ̨ lɔi hu, di mɛ̨nįɠaa tii bələ mɛ̨n, gəlee ə mą kɛ, nuąi kpɔ kɛ gboloyá kwɛlɛ, Liban lɔi lííla, diɛ ɓaa: Hɛtə nuą, Amɔrə nuą, Kanaan nuą, Perizi nuą, Hivi nuą, da Ɉebusə nuą,

Nwun mąąɓo 3:5

Israɛlə lonnii di kɛ heeni Kanaan nuą lɔwai, da Hɛtə nuą, da Amɔrə nuą, Perizi nuą, Hivi nuą da Ɉebusə nuą lɔwai.

Nwun mąąɓo 6:3

Ɓɛlɔwai Israɛlə nuą da di wɔ tíiɠaai hin na, Madian nuą da Amalɛkə nuą, da nuąi ɲɛ̨i kɛi həɠə voló kulɔi pələ, diɛ pa toonwunma ɓa, di kɛi too Israɛlə nuą mɛ̨i,

Samuɛlə dɔlɔɔ 14:48

Saulə ə vaŋa kɛnɛ̨ pələ lɛ a Amalɛkə hvo ə mo kɔ́ hu, ə Israɛlə kulɔ naa nɔ̨nwɔ̨ ɓomun ɲəi.

Samuɛlə dɔlɔɔ 27:8

Davidə da nwɔ nuą də li, di kɔ́ pɛlɛ Gesurə nuą diɛ, da Girze nuą da Amalɛkə nuą, nuąi tii ɓə kɛ heeni Surə ə lɛɛ ɉu ə həli Eziptə lɔi hu. Nu huwuɠaai tii ɓə heeni nɔi tii hu wɔlɔ kɛ ɓa.

Samuɛlə dɔlɔɔ 30:1

Kɛlaa voló haaɓa yələ, lii Davidə da nwɔ nuąi di mo Siklagə, Amalɛkə nuą daa kɛ pa toomɛ̨i kɛ Siklagə da Negɛvə. Daa kɛ Siklagə hɛnŋaa kəlee həɠə, ɛlɛɛ daa daa gələn.

Samuɛlə dɔlɔɔ 7:14

Daaɠaai wɔlɔ Filisti nuą di gulɔ Israɛlə yəi, di pənə di lɛɛ Israɛlə yəi, ə həɠə Ɛkrɔn ə həli Gatə. Israɛlə ə Filisti nuą di wɔ lɔi ta kulɔ di yəi nwɔ̨nɔ̨. Liilaa ə kɛ Israɛlə da Amɔrə nua di lɔwai.