Lonon mo 13:17 - Yálá laawoo hɛɓɛ (dc)

¹⁷ Moisə ə di tɔɔ, diɛ li Kanaan lɔi mąą kpɛɛi, yɛ diɛ: «'Ka tɛɛ a nɛ̨ŋɛ̨ lɔi hu pələ, ka lɔ ɲee lɔi hu.

Yálá laawoo hɛɓɛ

¹⁷ Moisə ə di tɔɔ, diɛ li Kanaan lɔi mąą kpɛɛi, yɛ diɛ: «'Ka tɛɛ a nɛ̨ŋɛ̨ lɔi hu pələ, ka lɔ ɲee lɔi hu.

Bible

¹⁷ Mose è dítɛɛ a gɛɛ dí Keena lɔii su màa kpɛ́ɛ ǹyɛɛ diai, “Ka tɛɛ a vɛ̃ɛ-kpâlaŋ su-pere ǹɔii kwára-pere ká lí ǹyée kwaa-ŋai mâ.

Lonon mo 13:17 ပူးပေါင်းရင်းမြစ်များ

Zɛnɛse 12:9

Yili pulu, Abramə ə kɛi tɛɛ ɲɛa kɔ́ɔɠaa hu, yɛ li Negɛvə pələ.

Zɛnɛse 13:1

Abramə ə həɠə Eziptə lɔi hu, yaa, da nɛ̨ą, da di yəi hɛnŋąą kəlee, di pənə di pa Negɛvə lɔi hu Lɔtə yɛ ɓo di pɔ.

Zɛnɛse 13:17

Li, ə́ hiɛ nɔi nąą kəlee, ə tɛ la, ə́ yɛɛ la, mąąhɔlɔɓo, yɛ́ ɓə gáá pai nɔi tii tɛɛi ə́ pɔ.»

Zɛnɛse 13:3

Ə həɠə Negɛvə lɔi hu yɛ li sɛ-sɛ, Betɛlə daai pələ, ɓɛi ə kɛ laa kɛ heeni a bɔlɔ, Betɛlə taa da Ai taa di lɔwai.

Zɛnɛse 14:10

Ləɠi-pɔlɔ kulɔ lɔwa kpɛa kpɛa tamąą di kɛ Sidimə nɛ̨ŋɛ̨ lɔi hu. Sodomə da Gomorə tɔɔɓɛlaa di pu, di daɠaa paa, yiiɠaai lɛɛ də li, di di mąąkilɛ ɲeeɠaa ɓa.

Lonon mo 13:18

Ka nɔi kaa, pələi gaa la, ka mąąkpɛɛ. Nuąi di kaa heeni laa, ka di mąąkpɛɛ, akɛ di walaai a wala kɛ tii di hviŋąąi; a kɛ di kpulu kɛnɛ̨i, awala kɛ tii di kaa ɠɛlɛɛ-ɠɛlɛɛ.

Lonon mo 13:29

Amalɛkə lonnii ɓə heeni ɉɛɠɛɛ pələ, Hɛtə nuą, Ɉebusə nuą da Amɔrə nuą di kaa heeni ɲee lɔi hu pələ. Kanaan nuą leeleeɠaa di kaa heeni gboloyá kwɛlɛ, da Ɉurdɛn ɲá ɓɛlaaŋąą pɔ.

Lonon mo 14:40

Yili pulu yələ laaɓoɔ, yələwala piinɛ̨ɛ̨, di hvilɛn bələ ɓa diɛ li ɲee lɔi hu pələ, diɛ kɛ diɛ: «Ku kaa a hɔn mąą nuą tɛ̨ą li, kɛlaa, ɓɛi ŋɛ̨i Yai-Laa ə naa hvaa ɓo, ku kaa kɛa lii laa.»

Dutɛrɔnome 1:44

Ya ɓə Amɔrə nuą tii heeni ɲee hu, di kulɔ, di ka laakwiɛn a kɔ́, di hvilɛn ka pulu. Yɛ kwɛ̨in gbulu, di ka paa lɔ poto-poto; ə həɠə Seirə ə həli la Hɔrma.

Zasua 10:40

Ɉosue yee ə tɛɛ ɲee hu lɔi kəlee ɓa, nɛ̨ŋɛ̨ lɔi da ɲá kwɛlɛ lɔi, da di wɔ tɔɔɓɛlaa kəlee, hvo da lɛɛ a vulú; hɛn nɔpee nɔ̨ɔ̨ kaa ɉu, ə gəlee kulɔ a haláá Yálá ɓa. Yɛ bələi Yai-Laa Israɛlə nwɔ Yálá ə mo la.

Zasua 15:3

yɛ li ɉɛɠɛɛ pələ Ɲɔ̨n-gaalə Yee pɔ, yɛ tɛɛ Sin; yili pulu, yɛ ɉaŋą Kadɛsə-Barnea kɔ́wɔ mu pələ, yɛ tɛɛ Hɛsrɔn, yɛ tɛ Adarə pələ, yɛ ɉaŋą Karkaa pələ,

Zasua 2:1

Di lɛɛ Sitimə lɔi hu, Nun lon ɉulɔnu Ɉosue, ə nu hveelɛ tɔɔ, diɛ li kɔ́ nɛ̨lɛ̨ɛ̨n naa kɛi; yɛ diɛ: «Ka li, ka Ɉeriko lɔi hu kaa.» Di li di lɔ wɛlikɛ nɛ̨ɛ̨nu ta yəi bɛlɛ́n, yii di kɛi kɛ naa ɓaa Rahabə, di lɛɛ laa.

Nwun mąąɓo 1:15

Aksa yɛ nąn ma: «Mɛ̨inɛ̨ɛ̨ kɛ mą́ą́, mąąhɔlɔɓo, nɔi ŋɛ̨i ə́ dɛɛ bɔ́ ɉɛɠɛɛ lɔi hu pələ, yá nwun gulɔi hvo ɉu. Yá nwun gulɔiɠaa tɛɛ bɔ́.» Kalɛbə ə nɛɛmą, ɲá kwɛlɛ lɔiɠaa kɛ ɲələi pələ, da yiiɠaai kɛ ɉɛɠɛɛ pələ, ə di tɛɛ bɔ.

Nwun mąąɓo 1:19

Yai-Laa ə kɛ Ɉuda pɔ, Ɉuda ə ɲee ɓa lɔi hon, kɛlaa, di hvo pɛli nɛ̨ŋɛ̨ lɔi hu nuą kpɛi, mąąhɔlɔɓo, kwɛli wotoloɠaa di kɛ yiliɠaai yəi.

Nwun mąąɓo 1:9

Yili pulu, Ɉuda nu huwu di yɛɛ, di kɔ́ pɛlɛ Kanaan nuąi tii kɛ ɲee ɓa diɛ, diɛ ɓaa: ɉɛɠɛɛ pələ lɔi da nɛ̨ŋɛ̨ lɔi hu.