Lonon mo 11:17 - Yálá laawoo hɛɓɛ (dc)

¹⁷ Gáá pai yɛɛi, ŋą́ mɛ̨nį ɓo yɛ́. Gilii tii ə́ yəi, gáá pai da wolo həɠəi, ŋį́ dɛɛ di pɔ, ka diɛni ɓə pai kɛi nuą ŋɛ̨i lɔwai mɛ̨nį hutɔɔi, yɛ́ tɔ̨nɔ̨ hvəi kɛa di kaa pai lɛɛi ə́ nwuɔ̨.

Yálá laawoo hɛɓɛ

¹⁷ Gáá pai yɛɛi, ŋą́ mɛ̨nį ɓo yɛ́. Gilii tii ə́ yəi, gáá pai da wolo həɠəi, ŋį́ dɛɛ di pɔ, ka diɛni ɓə pai kɛi nuą ŋɛ̨i lɔwai mɛ̨nį hutɔɔi, yɛ́ tɔ̨nɔ̨ hvəi kɛa di kaa pai lɛɛi ə́ nwuɔ̨.

Bible

¹⁷ Ŋa pâi pâi ŋá lóno naa ípɔ. Mɔ̂leŋ gáa íponôi ŋa pâi da pûi díkponôi a gɛɛ ǹûai maa mɛni é kɛ́ kâa ka dîa-ni, vé kɛ̀ nɔ́ yá tɔnɔ yâ.

Lonon mo 11:17 ပူးပေါင်းရင်းမြစ်များ

Zɛnɛse 11:5

Yaan, Yai-Laa ə yɛɛ, ə gɛ, ə daai tii mąąkpɛɛ, ɛlɛɛ bɛlɛ́i ŋɛ̨i nuą kaa dɔɔi, ə gaa.

Zɛnɛse 17:22

Ɓɛlɔwai Yálá ə kpɛɛ la a mɛ̨nįɠaa ɓoɔ Abrahamə ɓa, da yaa di di ɓɛlaɓo.

Zɛnɛse 17:3

Abramə ə nɛɛmą, ə pɛlɛ nɔi ɓa, Yálá yɛ mą:

Zɛnɛse 18:33

Ɓɛlɔwai Yai-Laa ə kpɛɛ la a nwooɠaai tii ɓoɔ Abrahamə ɓa, di di ɓɛlaɓo, Abrahamə yɛ pa ɲəi bɛlɛ́ laaləi.

Tɔɔɓɛlaa veelɛ 2:15

Yálá kwəi mɛ̨nį hukulɔ nuą di wɔ kalan nɛa ŋɛ̨i kɛ Ɉeriko, yii kɛa di gaa tii, diɛ di kee ɓa: «Yálá nwɔ Kilii ŋɛ̨i kɛ Eli yəi, yɛ Yálá kwəi mɛ̨nį ɓo la, aa lɔ Elise hu.» Di nɛɛ mą, di pa, di Elise laakwiɛn, di pɛlɛ nɔi ɓa di kwɛli hvilɛn mą;

Tɔɔɓɛlaa veelɛ 2:9

Yii kɛa di ɲá teen, Eli yɛ Elise ɓa: «Yii ə́ kaa bɔ ŋį́ gɛ yɛ́, vɛli mą́ą́, ŋį́ dɛɛ ə́ pɔ, gɛɛ və́ kɛ pai tɛi yələi, mąą yɛ kwɛa yɛ́?» Elise yɛ Eli ɓa: «Gilii tii ə́ yəi, yɛ́ Yálá mąą mɛ̨nį kɛ la, ɉeei hveelɛ ɓə gáá bɔ ə́ dɛɛ bɔ́.»

Nehemi 9:20

Ə́ kili lɛlɛɛ tɛɛ di pɔ, diɛ pɛli mɛ̨nį kulɔ ɉu kɛi, hvo manə kulɔ di la, ə́ ya tɛɛ di pɔ diɛ gbələ.

Lɛɛ gbɔwɔ ɓa 18:18

Ə́ hvii kaa pai kpɛɛi, ə mą kɛ nuą ŋɛ̨i ə́ pɔi. Góló kɛnɛ̨i dɛɛ yɛ́, yɛ́ tɔ̨nɔ̨ hva pɛli mu.

Lɛɛ gbɔwɔ ɓa 18:22

Diɛ ɓə pai kɛi nuą kiti teei a yələ kəlee. Yii a kɛ a mɛ̨nį walawala, di paa la ə́ lííla. Kɛlaa, mɛ̨nį pɛlɛɛ pɛlɛɛɠaa di wɛi, nuą tii ɓə da yili ɲɛ̨i kulɔ diɛ kpinįi. Gɛ tii, ə gɛ, diɲɛ ta ə kulɔ mą ə́ yəi, ka diɛni ka kpɔnmą.

Lɛɛ gbɔwɔ ɓa 19:11

Di kɛ pələ ə kɛ a bɛliɛ a voló haaɓa yələ, mąąhɔlɔɓo, voló haaɓa yələ ɓə Yai-Laa kaa pai yɛɛi la Sinai yee nwuɔ̨, nɔi lonnii kəlee ɲɛ̨i ɓa.

Lɛɛ gbɔwɔ ɓa 19:20

Yai-Laa ə lɛɛ Sinai yee tɔ́n na, Ə Moisə təli, Moisə ə tɛ.

Lɛɛ gbɔwɔ ɓa 34:5

Yai-Laa ə yɛɛ tulɔ kpinįn ɉu, ə tɔɔ laa, Moisə, ə dəli a naa yɛ mą: «Yai-Laa.»

Azaya 44:3

Mąąhɔlɔɓo, nuąi kpələ wɛli kaa diɛ, gáá pai yálee laai di pɔɔli, gɛ́ yá pɛlɛɛ laa lɔi hu kpalaa hu, gɛ́ nwɔ́ Kilii yɛɛ ə́ huwu mɛ̨i, gɛ́ lúwɔ́ too ə́ lonnii diɛ.

Azaya 63:11

Nwɔ nuą di di kiliŋąhiɛ kɛa, Moisə nwɔɔ hvolóɠaai diɛ, «Nui nwɔ taatɛlɛɛ pulunuą, kulɔ gboloyá yəi gaa mįnɛ̨? Nu kpɔ ə wɔɔ? A yai nwɔ Nįį-Mąąhəɠɛɛi tɛɛ bɔi?

Lonon mo 11:25

Yai-Laa ə yɛɛ da Moisə di lono kɛ. Yili pulu, ə Moisə nwɔ kilii tawolo həɠə, ə dɛɛ nu pow mɛ̨ihveelɛi tii pɔ. Yii kɛa ə dɛɛ tii di pɔ, di hvo kɛa kɛ di kpɔɔ yee kɔ́nma, diɛ kɛa Yálá kwəi mɛ̨nį ɓo; kɛlaa, di hvo lamun ɉu.

Lonon mo 12:5

Yai-Laa ə yɛɛ tulɔ kpinįn ɉu, ə tɔɔ gee kaa kələ laaləi. Ə Aarɔn da Miriamə di təli, di nu hveelɛi di lɛɠɛ laa.

Lonon mo 12:8

Ŋą́ kɛ gáá mɛ̨nį ɓoi mą ŋą́ mo mą a ɉu pɔ̨nɔ̨ɔ̨, yɛ kwa kɛi ku kee ɲɛ̨ilai kaa. Ɛlɛɛ, a Yai-Laa koloon ɉu kaa. Ka tɔɔ pələ kɛ ləi, kaa nwɔ́ tímun Moisə laa pələ ɓo?»

Lonon mo 27:18

Yai-Laa ə Moisə woo pulu pənə yɛ mą: «Nun lon Ɉosue həɠə, gaa a nui nwɔ́ Kilii kaa ɲəi. 'Lí, ə́ ə́ yee laa mɛ̨i,

Lonon mo 7:89

Moisə ə lɔ kɛa gee kaa kələ mu, əgɛ da Yai-Laa di lono kɛ. Moisə ə kɛi nwoo mɛ̨n gəhi laa kalan mɛ̨i, mąąkpɛ malaka hveelɛ lɔwai. Gəhi laa kalan ə kɛ mįnɛ̨ kəhi mɛ̨i, ɛlɛɛ, Yai-Laa yɛ pələ ɓo Moisə ɓa.

Ɉaan 3:13

Mąąhɔlɔɓo, nu ta hvo ta tɛ li yələi, hvo kɛ li lɔ Nu Lon yii həɠə yələkɔlɔn ɉu.

Ɉaan 7:39

Nuąi da laa Jesus la Yálá nwɔ Kilii da ɉɔlɔɓo, mąą mɛ̨nį ka tii ə kɛi ɉanwon ɉɔɔ diɛ. Gilii ti hvo nii kɛ pa li nąąlɔwai, mąąhɔlɔɓo, Jesus mąąɲįnɛ̨n hvo nii kɛ too li pono ŋą.

Lomaŋ 8:9

Kɛlaa, ka wɛi, ka hvo nu kili yeekɔnma, kɛlaa, Kili-Mąąhəɠɛɛ ɓə; gbala ə tɔɔ, Yálá ŋą Kilii kaa ka hu, nui Kristə nwɔ Kilii hvo ɉu, Kristə nwɔ nu hvə li.

Korɛntə dɔlɔɔ 2:12

Gu wɛi, gu hvo kɛ yɛnɛ̨ɛ̨ kili hɔlɔɓo li, kɛlaa, kilii a həɠə Yálá pɔ; ə gɛ, gu pɛli Yálá nwɔ nɛ̨ɛ̨laa yəi mɛ̨inɛ̨ɛ̨ɠaa kɔlɔn ɉii.

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Zûu 1:19

Nuą tii Yálá nwɔ Kilii hvo di yəi, diɛ ɓə da kɛ ɓɛlaɓo tooi nuą lɔwai. Yii Yálá kaa bɔ, da yili lɛɛ laa, di kpɔwɔ liiɓa ɓə ɲee tɛɛ diɛ.

Samuɛlə dɔlɔɔ 10:6

Nąąlɔwai Yai-Laa nwɔ Kilii kaa pai tɛɛi ə́ pɔ, yɛ́ mɛ̨nįɠaa kɛ ka diɛni, Gilii tii kaa pai ə́ kɛ pələ mąąhvalin ɉii.