Lonon mo 1:50 - Yálá laawoo hɛɓɛ (dc)

⁵⁰ Gee kaa kələ mąą mɛ̨nį lɛɛ Levi lonnii nwuɔ̨, da mu hɛnŋąą diɛ ɓə mąąnɛ̨ɛ̨ diɛ gbəŋəi, da mu hɛnŋąą kəlee, diɛ kóló kɛ mu; ɛlɛɛ, di di wɔɔ həɠə pɛlɛ́ɠaa tɔɔ gwɛlɛ, di mąątínɛ̨n na.

Yálá laawoo hɛɓɛ

⁵⁰ Gee kaa kələ mąą mɛ̨nį lɛɛ Levi lonnii nwuɔ̨, da mu hɛnŋąą diɛ ɓə mąąnɛ̨ɛ̨ diɛ gbəŋəi, da mu hɛnŋąą kəlee, diɛ kóló kɛ mu; ɛlɛɛ, di di wɔɔ həɠə pɛlɛ́ɠaa tɔɔ gwɛlɛ, di mąątínɛ̨n na.

Bible

⁵⁰ Kɛ́lɛ Livai-ŋai kɛ́ ŋásua kɔlɔ seɣe pɛrɛ maa waai mɛi da maa-sãa kélee. Dia nɔ́ ƃa pɔ̂ri liî a maa sãa kélee. Ƃɛ́i kélee da lî naai dí bîlaŋ, dí díƃûui tɔ́o dí dínaŋ ma. Dia nɔ́ ƃa pɔ̂ri tíi kɛ̂i mu.

Lonon mo 1:50 ပူးပေါင်းရင်းမြစ်များ

Kɔlɔnikɔ Veerɛi 24:6

Tɔɔmun ə nɛɛmą ə ɉaláá laa hɛlimun gɛnɛ̨ Yehoyada təli, yɛ mą: «Lə mɛ̨nį ɓa yaai, hvó mo li Levi lonnii diɛ a ə́ nwąnąi, di hvo, nįįhɔ̨nwɔ̨i Yálá ŋą tímun Moisə ə vaaɓo, di hvo ɉon Ɉuda nuą yəi da Ɉerusalɛmə nuą, ɛlɛɛ, da Israɛlə lonnii kəlee yəi, Yai-Laa ŋą mįnɛ̨ pɛlɛ lon mąą mɛ̨nį ɓa?

Nehemi 12:22

Ɛliasivə, Yoyada, da Yadua di wɔ yələi, di Levi huwuhu nuą kɛ a pɛlɛ́ nąmįną, di ɉaláá la həli nuą laa pɛ̨ɛ̨, ə lɛɛ ɉu ə həli la Pɛrsə tɔɔmun Dariusə nwɔ tɔɔlaai ɓa.

Nehemi 12:47

Zorobabɛlə da Nehemi di wɔ lɔwai hu, Israɛlə nuą di kɛi hɛnŋąą tɛɛ nwələ too nuą da bɛlɛ́ laaləi nuą di pɔ a hvóló tɛitɛi kəlee. Yii kɛ naakwɛlanmoɔ Yálá ɓa, ə kɛi lɛɛ Levi huwuhu nuą yəi, yai kɛ a Aarɔn lonnii di wɛi, diɛ dɛɛ di pɔ.

Nehemi 12:8

Levi huwuhu nuą ɓaa: Yesua, Binui, Kadmiɛlə, Serevia, Yehuda, Matania, yaa, da gaayɔwɔɠaa diɛi nwələ toɔ mąą laa tɛɛ kɛ di pɔ.

Nehemi 13:22

Yili pulu, ŋį́ mo Levi huwuhu nuą diɛ, gɛ́ diɛ, di di mąąhəɠə, ə gɛ, di pa, di di ɲɛ̨i kɛ Yálá nwɔ pɛ́lɛ́i laaləi, di túwɔ́ lɔwɔ mąąhəɠə. «Yili mąą mɛ̨nį ɓa, nwɔ́ Yálá, ə́ wɔ tələnmolaa hu, ə́ kili lɛɛ ɉú, ə́ ɲɛ̨́i mąąwɛli kaa.»

Nehemi 13:5

Di pɛlɛ kɛnɛ̨ ta tɛɛ bɔ, ɓɛi mąąnɛ̨ɛ̨ kɛ di gɔɓo hɛnŋaa, lansan, bɛlɛ́n ɉɛnɲąŋąɠaa, ɉɛn bow naa yii kulɔ a mɔ̨nun, lɔɔ nįnɛ̨ da wulɔ nįnɛ̨, yai kɛ a Levi huwuhu nuą di wɔ da nwələ too nuą, ə mą kɛ bɛlɛ́ laaləi nuą da ɉaláá laa həli nuą di wɛi; bɛlɛi tii ɓə di kɛi ɉɛnŋąą tii hee mu.

Mąątɛ̨nɛ̨ 122:4

Nąą ɓə nɔi lonnii kaa tɛi laa, diɛi a Yai-Laa nwɔ nu huwuɠaai, yɛ bələi gaa la Israɛlə yíi pələ hu, Yai-Laa laa tɛ mɛ̨nį ɓa.

Lɛɛ gbɔwɔ ɓa 31:18

Yii kɛa Yálá ə kpɛɛ a mɛ̨nįɠaa tii ɓoɔ Moisə ɓa, Sinai yee nwuɔ̨, ə mįnɛ̨ kwɛni ɓɛla hveelɛi tɛɛ bɔ, yii Yálá yaa kpinį ə bɛ̨ɛ̨ a ɲee.

Lɛɛ gbɔwɔ ɓa 38:21

Ɉɛnŋąąi kpɔ lɔ bɛlɛ́ kóló hu, a mįnɛ̨ pɛlɛ́ kóló, Moisə ə mo di nonon, yili ə kɛ a Levi lonnii nwuɔ̨ kóló, ɉaláá laa həli mun Aarɔn lon Itamarə ɓə kɛ nąą ɲɛ̨i tɔwɔ.

Lonon mo 1:53

Levi lonnii di wɛi, da di wɔɔ kələɠaai tɔɔ, di gee kaa kələ mąątínɛ̨n na, yili ɓə a gɛ, Yai-Laa nwɔ liiholi hva pɛli həlii Israɛlə lonnii diɛ. Levi lonnii diɛ kóló kɛ gee kaa kələ mu.»

Lonon mo 10:21

Yili pulu, Kehatə lonnii ɓə Yai-Laa hee kələ həɠə. Da pənə kɛ di gee kaa kələ hvilɛn, Kehatə lonnii di hvo teɠa kɛ pai.

Lonon mo 17:7

Kɛlaa, ɓɛlɔwai nuą ɲąąkpɔn ŋąąi kɛ la, Moisə da Aarɔn diɛ di di ɲɛ̨i heei gee kaa kələ mɛ̨i, Yai-Laa nwɔɔ mąąwiɛ ə gbɔwɔ lɛ diɛ.

Lonon mo 18:5

Kaa ɓə pai kɛi gɛɛnąą mąąhəɠɛɛ da ɉaláá kulɔ kəhi mąą mɛ̨nį ɲɛ̨i kulɔi. A kɛ tii, nwɔ́ liiholi hvo pai kɛa ɓɛlai Israɛlə lonnii mɛ̨i.

Lonon mo 2:17

«Yili pulu kɛa, Levi lonnii diɛ kɛa li a gee kaa kələ, diɛi tii ka kɛ muwu hąmąi. Da kɛ lii a di yɛli, ɓɛi ka kɛi muwu pɛlɛ laa, nu kəlee a lɛɛ ɉuwu pulu, nu huwu dɛitɛi kəlee da ɉeei.

Lonon mo 20:11

Moisə ə ɲee tɛ ɲələi, ə gwɛni kpuwulu kɛlɛ gee mɛ̨i hveelɛ a dunwɔ̨n. Yá kpoloon gɛnɛ̨ ə kulɔ gwɛni kpuwulu hu, nuą di di kpələ, ə mą kɛ di wɔ taatɛlɛɛɠaai.

Lonon mo 4:15

Ɓɛlɔwai nuą da kɛ di muhəɠə la, Aarɔn lonnii da di yee laa kulɔ a gee kaa kələ mąą kpinįn gɛɛ, mu hɛnŋąą kəlee. Yili pulu, Kehatə lonnii da pa kɛa di ɉəɠə, di hva tunwɔ̨n bɛlɛ́ mąąhəɠɛɛ ɓa; ə gɛ di hvo pa nəi haa. Gee kaa kələ nwɔ hɛnŋąą hu, yii Kehatə lonnii da ɉəɠə, ya ka tii.

Lonon mo 4:3

nuąi di kaa kwɛlan gaa pow haaɓa, yɛ həli pow lɔɔli pɔ, diɛi da pɛli kɛi a tínuą gee kaa kələ mu.

Lonon mo 8:19

Gɛ́ di tɛɛ Aarɔn da nonnii di pɔ Israɛlə lonnii lɔwai, Levi lonnii kaa di yee kɔ́nma, diɛ Israɛlə lonnii di wɔ haláá laa həli gee kaa kələ mu, diɛ nɛ̨ŋɛ̨n mąąhvaalɛɛ kóló kɛ diɛ, a kɛ tii, ɲɔ̨n ɲɔ̨nwɔ̨ɔ̨ hva kɛa pɛlɛ Israɛlə lonnii diɛ, a kɛ da lɛɠɛ gɛɛnąą mąąhəɠɛɛ ɓa.»

Lonon mo 8:20

Bələ ɓə, Moisə, Aarɔn, da Israɛlə nu kpulu kəlee di gɛ la Levi lonnii mąą mɛ̨nį hu. Di gɛ kpɔlɔɔ yɛ bələi Yai-Laa ə Moisə tí la, Levi lonnii mąą mɛ̨nį hu.

Lonon mo 8:22

Yili pulu, Levi lonnii di li, diɛ di kɛ kólóɠaa kɛ gee kaa kələ mu, Aarɔn da nonnii di yee mu. Di Levi lonnii mąą mɛ̨nį kɛ yɛ bələi Yai-Laa ə Moisə tí la.

M̀ɛni-lɛɛi 15:5

Yili pulu, ŋį́ ɲɛ̨́i hee, ŋį́ Yálá hee pɛlɛ́i tii yələkɔlɔn ɉu, yai gələ lon gaa mu, ŋį́ gaa, naa ə ɓo,