Lomaŋ 9:7 - Yálá laawoo hɛɓɛ (dc)

⁷ Abrahamə huwu hu nuą kəlee hvə a Abrahamə lonni leeleeɠaa. Mąąhɔlɔɓo, Yálá ə mo Abrahamə ɓa yɛ mą: Ə́ lón Isaakə lonni ɓə di kaa pai kɛi diɛ: Abrahamə lonnii.

Yálá laawoo hɛɓɛ

⁷ Abrahamə huwu hu nuą kəlee hvə a Abrahamə lonni leeleeɠaa. Mąąhɔlɔɓo, Yálá ə mo Abrahamə ɓa yɛ mą: Ə́ lón Isaakə lonni ɓə di kaa pai kɛi diɛ: Abrahamə lonnii.

Bible

⁷ Núu kélee fe nɔ́ a Eberaɣɛ̃ɛ ǹônii, berei máŋ díkaa la a ŋɔsuui su-ƃelai; kɛ́lɛ, bɔ̃yɛɛ̂i, “Da pâi kásuui láa seêi Aise sârai.”

Lomaŋ 9:7 ပူးပေါင်းရင်းမြစ်များ

Zɛnɛse 21:12

Kɛlaa, Yálá yɛ Abrahamə ɓa: «Hvo ə́ liihɛlɛn a ə́ wɔ luwɔ nɛ̨ąi tii mąą mɛ̨nį, da non. Mɛ̨nį tii Sara ə mo yɛ́, hvaa mą. Hvo gaai, Isaakə huwu ɓə ə́ laa kaa pai kɛi mą.

Maafîu 3:9

Ɛlɛɛ, ka hvo ka kiliŋąhiɛ, kaa kɛ mą: ‹Ku kálápɔlɔ ɓaa a Abrahamə.› Gbalaitɔɔ, gáá moi kaa, Yálá a pɛli mą ə gwɛniɠaa ŋɛ̨i mąąpənə a Abrahamə lonnii.

Lukə 16:30

«Ɉɛn gɔw nąmui tii yɛ mą: ‹Ną́n Abrahamə, yili hva pɛli. Kɛlaa, akɛ nu ta a həɠə ɓɛ ɲąmuątaa, ə li ə di kilaa pono, da pɛli di di túwɔ́ pələ mąąhvalin.›

Lukə 3:8

Yili ɓə gaa mą, túwɔ́ pələ yii a nɛ yɛ kaa ka yii pələ ɲɔ̨nwɔ̨ɔ̨ɠaa mąąhvalin, mąąnɛ̨ɛ̨ ka yili kɛ. Ka hvo ka kiliŋąhiɛ kaa kɛ diɛ: ‹Ku kalaɓɔlɔ ɓaa a Abrahamə.› Gaa moi kaa, Yálá a pɛli mą ə gwɛniɠaa ŋɛ̨i mąą pənə ə di kɛ a Abrahamə huwuhu nuą.

Ɉaan 8:33

Nuą tii diɛ Jesus ɓa: «Ku kaa a Abrahamə huwu; ku hvo ta luwɔlaa kɛ li nu ta yee mu. A kɛ pələ kɛ ləi, yɛ kɛ diɛ: ku kaa pai kɛɛi ku gbɔwɔ ɓa?»

Galatə 4:23

Kɛlaa nuwɔ-nɛ̨ą lon ə hɔlɔɓo lɔ a kɔlɔ liiɓa, ɛlɛɛ, yá-nɛ̨ą lon nwɛi ə hɔlɔɓo a laakwɛlanmo laa pɔɔ.

Galatə 4:28

Káá kpɛlimąn, ną́n nonnii, ká káá a lonŋaai, di naakwɛlanmo, yɛ bələi Isaakə kaa la.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Hebreu 11:18

ɛlɛɛ, diɛ kɛ mą: «Isaakə pɔ pələ ɓə, ə́ huwu kaa pai ɓɛlɛi la.»