Lomaŋ 9:29 - Yálá laawoo hɛɓɛ (dc)

²⁹ Yili ɓə nwɔ̨nɔ̨ Esai ə nɛɛ kwɛaa la ə mo, yɛ kɛ: «Akɛ kɛ, Huwalawala Kəlee Nąmu Yai-Laa, hvo ku kpəli wolo lɛɛ kɛ, yɛ kwə́ li kɛ yɛ, Sodomə, ku mąą mɛ̨nį ə kɛ yɛ Gomorə.»

Yálá laawoo hɛɓɛ

²⁹ Yili ɓə nwɔ̨nɔ̨ Esai ə nɛɛ kwɛaa la ə mo, yɛ kɛ: «Akɛ kɛ, Huwalawala Kəlee Nąmu Yai-Laa, hvo ku kpəli wolo lɛɛ kɛ, yɛ kwə́ li kɛ yɛ, Sodomə, ku mąą mɛ̨nį ə kɛ yɛ Gomorə.»

Bible

²⁹ Yɛ̂ɛ berei Azaya e mò la naa-tuɛ ǹyɛɛi, “Eêi kɛ̀ nuu-kélee-Namui fe nîa-pɛlɛɛ lɛɛ ni kúyêei, gɛ̀ ní, mɛnii kɛ̀ a Sodɔŋ, eêi kɛ̀ a kúa, ku ŋɔnɔ kɛ́ yɛ̂ɛ Gomora.”

Lomaŋ 9:29 ပူးပေါင်းရင်းမြစ်များ

Azaya 1:10

Sodomə nu kpɛa-kpɛa, ka ka wəli tɔɔ Yai-Laa woo ɓa! Gomorə nuą ka ku wɔ Yálái nwɔ liɛwoo mɛ̨n! Yɛ diɛ:

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Azaya 13:19

Babilonə, lɔi ɲɛ̨ilon! Yai a Kalde nuą ɲɛ̨i pɔ̨nɔ̨ hɛn, gaa pai kɛi yɛ Sodomə da Gomorə, diɛi tii Yálá ə di hukala.

Azaya 6:13

Da nɔi lonnii ɓɛlaɓo ɉu pow, bow nąąi pai kulɔi ɉu, yaa kpɛli a lɛɛ a nwɔ̨n gɔ̨nɔ̨n, yɛ bələi da kpitili da ɓahi di pɔn na, nwungbə lɔ ɓə a lɛɛ, nwungbəi tii, hɛn ɉuwu mąąhəɠɛɛ li.

Ɉeremi 49:18

Bələi lɔ ə kɛ la a Sodomə taa da Gomorə taa, da di kwɛlɛ taaɠaa di pu yələ, nu ta hvo kɛa pai lɛɛi laa. Yɛnɛ̨ɛ̨ mun da hva kɛa daa tɔɔlaa. «Ɲą́ą́ Yai-Laa nwóó li!

Ɉeremi 50:40

Gɛ pələ kaa kɛi kpɔlɔɔ yɛ bələi ə kɛ la a Sodomə da Gomorə taaɠaa, da di kwɛlɛ taaɠaa. Nui lɔpee ta hva kɛa hee laa, nu kan da hva kpɛli kɛa vįitɔɔlaa Ɲą́ą́ Yai-Laa Nwóó li!

Woolaa 3:22

Yai-Laa nwɔ mɛ̨inɛ̨ɛ̨ɠaa di hva kpɛɛ, nwɔ wɛlikɛmąą yee kɔ̨nwɔ̨n ɉu hva haa.

Woolaa 4:6

Nwɔ́ nu huwui hɔn aa ɲɔ̨n aa tɛɛ Sodomə nwɛi ɓa. Yai nwun ɲąą ə lɔ a nu ɲɛ̨i yalii mą tanɔ̨n, nu ta hvo pɛli gulɔi ɉu.

Amɔsə 4:11

Ną́mu Yai-Laa yɛ nwɔ̨nɔ̨ diɛ: Mɛ̨nii ɲąąnwąnąą ɲą́ą́ Yálá ŋį́ naa Sodomə taa da Gomorə taa diɛ, yili ɲɔ̨nwɔ̨mąn mə ŋį́ naa kaa. Kɛlaa, ŋį́ ka nwun mąąɓo, ka kɛ yɛ kwɛituwɔ tɔ̨nɔ̨ kulaa kpaɠa nwɔ̨n ɉu. Kɛlaa, pələi mąn ŋį́ gɛ la tii, ka hvo gɛ li, ka hvo pa bɔ́. Yai-Laa woo li.

Sofoni 2:6

Gboloyá kwɛlɛ lɔi kaa lɛɛ a taatɛlɛɛɠaa laa mį́i, a ɓɛi taatɛlɛɛ mɛ̨i kaa nuą da kɛ hiɛ-hiɛ kɛi laa, diɛ taatɛlɛɛ gala tɔɔ laa.

Dutɛrɔnome 29:23

Nąąlɔwai, hį́i kəlee kaa pai kɛi diɛ: ‹Lə ɓə kɛ yaai, Yai-Laa ə nɔi ŋɛ̨i hon bələ kɛ ŋɛ̨i-oo? Niiholi kɛnɛ̨i ŋɛ̨i ə gulɔ, nwun maa a lə?›

Zĩi 5:4

'Ká ɓɛ kaa tai! Nuąi kɛi kólo kɛ ka yəi ɲɛa, di halai ká ká yee kanąn mą, gaa tomąi, góló kɛ nuą wɔlɔ woo aa too Mɛ̨nį Kəlee ŋą Hééɓomun nwəlii.

Piɛrə veelɛ 2:6

Yili pulu, Yálá ə Sɔdomə taa da Gomorə taa di hvɛla kɛ a nwɔ̨n, yii ə ɉu nuą kəlee nwun napili, di wɔ kili walawala laa mąą mɛ̨nį ɓa. Yálá ə yili kɛ ti, ə gɛ, ə nɛ mɛ̨nį ɲɔ̨n gɛ nuą diɛ, a mɛ̨nįi pai kɛi a diɛ, mąą pɔɔ kɔ́ɔn.

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.