Lomaŋ 9:19 - Yálá laawoo hɛɓɛ (dc)

¹⁹ Ə́ kaa pai kɛi mą́ą́, akɛ yili kaa ti; Nɛlɛ ŋą woolaa ɓə kani a kɛ? Hvó gaai, mɛ̨nįi a hvaa mą, ya ɓə a kɛ.

Yálá laawoo hɛɓɛ

¹⁹ Ə́ kaa pai kɛi mą́ą́, akɛ yili kaa ti; Nɛlɛ ŋą woolaa ɓə kani a kɛ? Hvó gaai, mɛ̨nįi a hvaa mą, ya ɓə a kɛ.

Bible

¹⁹ Gɛ̀ ní ya pâi m̀ôi mâ, nyɛɛi, “Le-mɛni ƃe ŋaŋ gáa niî núu sɔŋ kɔ́rîi lai? Gbɛ̂ɛ ƃa pɔ̂ri gberâi mɛnii ma a ŋ̀wɛli e gɛ́i?”

Lomaŋ 9:19 ပူးပေါင်းရင်းမြစ်များ

Zɛnɛse 50:20

Ka kɛ bɔ ka mɛ̨nį ɲɔ̨n gɛ a ɲą́ą́, kɛlaa, Yálá ə mɛ̨nį ɲɔ̨n tii mąą pənə a nɛlɛɛ, ə gɛ, nu kpulu tamąą ə ɓalo, yɛ pələi kaa kpinįi kaa gaa la háákələi.

Kɔlɔnikɔ Veerɛi 20:6

Ɉosafatə ə Yálá hvɛli ŋɛ̨i, yɛ mą: «Yai-Laa ku nąnni di wɔɔ Yálá! Kɛlɛi, Yɛ́ ɓə a Yálá yələkɔlɔn mɛ̨i yələkɔlɔn ɉu-e! Ɛlɛɛ, Yɛ́ tɔɔ lɔiɠaa kəlee ɲąąwooɓo-e! Huwalawala da heeɓolaa di kaa Ə́ yəi, hɛn da lɔpee hva pɛli tɔɔi Ə́ la.

Zôo 9:19

ŋį́ pɛli mɔ̨ɔ̨ huwalawala laa kulɔi la? Gaa a Huwalawala Nąmu. Ŋą́ tələnmolaa hu hvɛli, gbɛɛ ɓə a dɛɛ bɔ́?

Mąątɛ̨nɛ̨ 76:10

A ɓɛlɔwai Yálá a muhəɠə la, giti mɛ̨nį ɓa, yɛ nɔi lonnii mąąwɛliɛ kəlee ɓalo.

Azaya 29:16

Lə mɛ̨nį həɠɛɛ li a gbowola pələ! Da mɔ̨ɔ̨ pɛli ləɠi tɔɔmun ɉon ɉii yɛ ləɠi pɔlɔ? Kóló a mɔ̨ɔ̨ pɛli kɛi gɛmun mą: «Yɛ́ hvə bɛ́li?» Ləɠi kpɛli a mɔ̨ɔ̨ pɛli kɛi diɛ: «Ləɠi tɔɔmun hvo mɛ̨nį kɔ́lɔn?»

Markə 14:21

Nu Lon gaa pai haai yɛ pələi Yálá laawoo hɛɓɛ́ ə mo la. Kɛlaa, kpalo ɓɛlaai nui ɉaa wulu kaa pai lɛɛ nwuɔ̨, mą. Mąą nui tii, ə mą kpɛli kɛ kɛ nee hvo gaa li.»

Gɛlaɠaa 2:23

Ɉulɔnui ti, yɛ bələi ə kɛ la a Yálá nwɔ mɛ̨nį pɛliɛ da nwɔ mɛ̨nį kɔ́lɔnŋąa, ká gwɛlɛ nuąi di hvo Yálá kɔ́lɔn diɛ, di gbanwo kolɔwa ɓa, di baa.

Lomaŋ 11:19

Ə́ kaa pai kɛi mą́ą́: Kɛlaa di gbaɠaaɠaai ti tee mą, ə gɛ, ŋą́ tɔɔ di tɔɔi.

Korɛntə dɔlɔɔ 15:12

Kwa kɛli naa həlii kuɔ kɛ: Kristə ə nwun, ə kulɔ haa yəi, lə mɛ̨nį ɓa, ká taɠaa da kɛ diɛ, haaɓɛlaa nwun mɛ̨nį hvo laa?

Korɛntə dɔlɔɔ 15:35

Kɛlaa, nu taɠaa kaa pai kɛi diɛ: «Haa nuą kaa pai nwun ɉii ləi? Kɔlɔ ləi ɓə pai kɛi diɛ?»

Zĩi 1:13

Nui lɔpee, ɲąąhɛn mɛ̨nį a həli mą, hvo kɛ diɛ: «Yálá ɓə ɲą́ą́hɛn.» Mąąhɔlɔɓo, mɛ̨ni ɲɔ̨n gɛ kili hva too Yálá ɓa, ɛlɛɛ, hva pɛli nu ɲąąhɛŋi.

Zĩi 2:18

Kɛlaa, nu ta a kɛ yɛ: «Laa na laa kaa ɲəi. Ɛlɛɛ, ɲą́ą́, bɔ túwɔ́ ə ɓo ɲə́i. Ŋą́ kɛ mą: Ə́ wɔɔ laa na laai bɔ túwɔ́ hvo mą, nɛ mą́ą́, ɛlɛɛ, ɲą́ą́ gbɛlimąn, ŋą́ nwɔ́ɔ́ laa na laa lɛ a bɔ túwɔ́.»