Lomaŋ 9:11 - Yálá laawoo hɛɓɛ (dc)

¹¹ Bələi mąn tii, nɛapɛlɛɛ di hvo ni kɛ hɔlɔɓo li la, gu hvomun kɛ, mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kulɔɉu kɔlɔn mɛ̨nį di yəi; əgɛ, Yálá wooi ə gwɛlɛ ə lɛɛ dɔwɔ ɓa, yɛ bələi yaa kpinįi ə naala gwəi,

Yálá laawoo hɛɓɛ

¹¹ Bələi mąn tii, nɛapɛlɛɛ di hvo ni kɛ hɔlɔɓo li la, gu hvomun kɛ, mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kulɔɉu kɔlɔn mɛ̨nį di yəi; əgɛ, Yálá wooi ə gwɛlɛ ə lɛɛ dɔwɔ ɓa, yɛ bələi yaa kpinįi ə naala gwəi,

Bible

^11-12 Berei máŋ dífe niî kɛ̀ nîa-pɛlɛɛi maa sɔlɔ ƃo ni lai, ǹyaŋ nîa-pɛlɛɛi kpîŋ dífe niî kɛ̀ mɛni lɛ́lɛɛ kpaa máŋ mɛni nyɔ́mɔɔ kɛ́ níi, Kúnuu-namui e mo Lubɛkɛ ma, “Nìa-nuui a pâi tíi kɛ̂i ǹeɣe-nuui mi.” Ɣâla a pâi kɛ̂i nɔ́ niî núu lɛ̂i yɛ̂ɛ berei a ŋ̀wɛ̂lii lai. Ve pâi dílɛ̂i díkɛ-mɛni ma, kɛ́lɛ, a pâi dílɛ̂i nɔ́, kpɛ́ni fêi, a dítoli.

Lomaŋ 9:11 ပူးပေါင်းရင်းမြစ်များ

Mąątɛ̨nɛ̨ 51:5

A tɛ̨ą, ŋą́ą́ ɉɔ́n gɔlɔn, nwɔ́ nɛ̨ŋɛ̨n kaa lɔ ɲɛ̨́i mu a yələ kəlee.

Azaya 14:24

Yai-Laa Mɛ̨nį Kəlee ŋą Hééɓomun ə gwɛla, yɛ diɛ: «Mɛ̨nii ŋą́ naa gwə́i, ɲələ kaa pai həlii, mɛ̨nįi ŋą́ą́ mąą kili tee gwə́i, ɲɛ̨i kaa pai kulɔi.

Azaya 23:9

Yai-Laa Mɛ̨nį Kəlee ŋą Hééɓomun ɓə, yili mąą kili tee gwəi, ɉɛnŋąąi diɛi tii da di mąąwiɛ, yɛ di wɔ kpɔwɔ ɲąą kɛnɛ̨ ɲɛ̨i paa yɛ ɓɛlɛkpɛɛ lɔi mɛ̨i nu kpɛa-kpɛaɠaa diɛ.

Ɉeremi 51:29

Lɔi mąą kaa kpɛlin ɉii, nwun mini-mini yɛ yɛɛ laa, mɛ̨nį Yai-Laa ə mo, gaa kɛa gɛi. Yaa ɓaa, ə Babilonə lɔi mąą pənə a lɔi pun! Ə ɉu ɓo; ə ɉu nuą kəlee kulɔ ɉu.

Lomaŋ 4:17

Yɛ bələi bɛ̨ɛ̨ la Ɉɛɓɛ́ hu, yɛ mą: «Ŋą́ą́ ə́ kɛ a huwu tamąą di nąn.» Abrahamə kaa a gu nąn Yálá ti ə laa na ɲɛ̨i ɓa, Yai a haa nuą kɛ a di vulú, hɛn hvo yɛnɛ̨ɛ̨ yɛ gɛ laa.

Ifisiɛŋ 2:3

Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Ifisiɛŋ 2:9

Yili hva kulɔ nu túwɔ́ pələ hu, nu ta hvo pa nəi gbɔwɔ ɲąą kɛnɛ̨ ɉu.

Ifisiɛŋ 3:11

Mɛ̨nįi ə mąą kili tee gwəi ə həɠə wɔlɔ-wɔlɔ ɓa, ə bɔ mɛ̨nį kɛ gu Nąmu Jesus Kristə hu.

Tɛsalonikə dɔlɔɔ 1:4

ká kili ə pu kani tii a nɛlɛɛ, ną́n nonnii, káá, ká wɛli kaa Yálá ɓa, ya ɓə ká həɠə ɉu.

Tɛsalonikə dɔlɔɔ 2:12

Ku ká hvaŋąlɔ, ku ká liikpələ, ku ká liɛwoo ɓo, kuɔ: 'ká túwɔ́ pələ ə Yállá lii hon, yai ka təli, ŋą tɔɔlaai ɓa da ŋą mąąwiɛlaa.

Timote veelɛ 1:9

Yai gu nwun mąąɓo, ə gu təli, a təli ɓo mąąhəɠɛɛ; yili hvo kulɔ, gu wɔɔ túwɔ́ pələ lɛlɛ laa hvan ɉu, kɛlaa ə kulɔ, yaa kpinį lee ŋą mɛ̨nį pɛliɛ, da ŋą nɛ̨ɛ̨laa hu. Nɛ̨ɛ̨laa tii, ə gbɛa gɛ guɔ Jesus Kristə hu, gɛɛ hvo yɛnɛ̨ɛ̨ pɛli,

Taitɔ 3:5

ə gu nwun mąąɓo; yili hvo kulɔ li gu wɔɔ tələnmolaa ŋą túwɔ́ pələ lɛlɛ hvan ɉu, kɛlaa ə kulɔ Yálá ŋą nɛ̨ɛ̨laa hvan ɉu, ə gu kaa a lon, ə gu mąąwaa a nįnɛ̨, ə gu pu gu nįnɛ̨ kɔlɔi Kili-Mąąhəɠɛɛ yee kɔnma.

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Piɛrə veelɛ 1:10

Yili ɓə gaa mą, nwɛ́li kɛ mąą nuą, ka ka hvaŋąlɔ kpɔ kpaan, ka təli ŋɛ̨i Yálá ə mo, ə ka yɛɠɛ ɉu, ka kanąn ma. Mąąhɔlɔɓo, ka gɛ ti, ka hva pɛli tooi mɛ̨nį ɲɔ̨n ɉu.

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»