Lomaŋ 8:39 - Yálá laawoo hɛɓɛ (dc)

³⁹ ə mą kɛ, huwalawalaaɠaai gaa yələ kwəi, ə mą kɛ yiiɠaai lɔi mu pələ, da pɛli-hɛn nɔpee takpɛliɠaa; nwɛlikɛmąąlaai Yálá aa nɛ guɔ gu Ną́mu Jesus Kristə hu, ɉɛŋąai ti ta hva gu kulɔ nwɛlikɛmąąlaa ti yəi.

Yálá laawoo hɛɓɛ

³⁹ ə mą kɛ, huwalawalaaɠaai gaa yələ kwəi, ə mą kɛ yiiɠaai lɔi mu pələ, da pɛli-hɛn nɔpee takpɛliɠaa; nwɛlikɛmąąlaai Yálá aa nɛ guɔ gu Ną́mu Jesus Kristə hu, ɉɛŋąai ti ta hva gu kulɔ nwɛlikɛmąąlaa ti yəi.

Bible

³⁹ mɛi-pere, kpaa máŋ mu-pere, kpaa máŋ ŋ̀éniɛi-su-sɛŋ kélee, fe pâi pɔ̂rii kúkulâi Ɣâla ŋɔwɛli kɛ́-maai ma Kúnuu-namui Zîsɛ Kôrai sârai.

Lomaŋ 8:39 ပူးပေါင်းရင်းမြစ်များ

Mąątɛ̨nɛ̨ 64:6

Di kaa gbąną wooɠaa pɛli, diɛ gbąnąlaa hɛlɛn dɛ diɛ noo, diɛ kɛ: «Gbɛɛ ɓə pai gbaɠala kaai?»

Hanwon 20:5

Liɛwoo kaa nu lii hu yɛ palə, kilimąą mun mə nwɛlɛɛ ɲái tii haɠa.

Wɛli 3:4

Ŋą́ lɛɛ kpɔlɔ tɛɛi diɛ, nui mąą mɛ̨nį lɔɔ níí mu, gɛ́ gaa; ŋą́ą́ mą wolo mą, ŋą́ą́ ɉon a ɲee. Vá kpɔ ɓo mą, yii kpɔ və́ ni lɔ li la néé yəi bɛlɛ́n, ɓɛi ŋɛ̨i di mą́ą́ kóó həɠə laai.

Azaya 10:33

'Ka Nąmu Yai-Laa Mɛ̨nį Kəlee ŋą Hééɓomun kaa! Gaa nwulu hulɛ kɛnɛ̨i woŋoɠaa pui nɔi ɓa a vaŋą kɛnɛ̨; yiiɠaai di tɔɔ nwun ɲą kwɛa, da yiliɠaai pɔn, yiiɠaai di yee muhəɠɛɛ di ɓɛlaa diɛ, da yiliɠaai pɛlɛ.

Azaya 24:21

Mąą yələi tii, Yai-Laa kaa pai nwoo tooi ɉu, yɛ tɔɔ yələkwəi kɔlaɠaɠaa la yələ, ɛlɛɛ, lɔi mɛ̨i pələ, yɛ tɔɔ lɔi mɛ̨i tɔɔɓɛlaa la.

Danîa 4:11

Ə kɛi tomą kpɔ a nwoo kɛnɛ̨ yɛ kɛ mą: Ka nwului ŋɛ̨i pɔn, ka ɉonwoɠaa hu tee, ka naa kulɔ ma, ka maɠaa hu taɠa-taɠa. Ɉuwɔɠaai da kɛ pɛlɛi mu, di taɠa-taɠa. Nwɛ̨niɠaa diɛ kpɛli, di kulɔ naa hu, di taɠa-taɠa.

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Ɉaan 16:27

ka wɛli kaa Ną́n ma, mąąhɔlɔɓo nwɛ́li kaa kaa, ɛlɛɛ, kaa laa na kaa: ŋą həɠə Yálá pɔ.

Ɉaan 17:26

Ŋą́ą́ ə́ laa lɛ diɛ, gáá nwɔ̨nɔ̨ pai kɛi lɔ nɛi diɛ. Ya ɓə a gɛ, nwɛlikɛmąą laa ə́ gɛ a ɲą́ą́, nwɛlikɛmąą laa tii ə kɛ di lɔwai, kwa diɛni ku kɛ ɉu tɔ̨nɔ̨.»

Ɉaan 3:16

Mąąhɔlɔɓo, Yálá aa yɛnɛ̨ɛ̨ nuą wɛli la kɛ kpɔ kɛnɛ̨, hvo kɛli ə Non ɉulɔnu tɔ̨nɔ̨ gbən kwɛlɛ, ya ɓə ə gɛ, nui lɔpee a laa na, nwun na hva pili. Kɛlaa, a yɛnɛ̨ɛ̨ kpɛɛ hvo mą hɔlɔɓo Yálá yei.

Lomaŋ 1:7

Kaai ka káá a Yálá wɛlikɛmąą nuąi Romə, a mąąhəɠə nuą Yálá nwɔ təliɓo háálai, káá ɓə gáá ɉɛɓɛ́i ŋɛ̨i tɛɛi kaa, ə gɛ, ka kɛ a nwɔ nuą. Gɛ́ nwun nanɛ̨ɛ̨ da liilaa di kɛ ka pɔ gu Ną́n Yálá da gu Ną́mu Jesus Kristə laa hu.

Lomaŋ 11:33

Ee Yálá nwɔ yəi kɛnɛ̨laa kpon ɉu kwɛaa ɓə-e! Nwɔ kili da nwɔ mɛ̨nį kɔ́lɔn ŋąą hu kɛnɛ̨ɛ̨ ɓə! Nu kili hva pɛli nwɔ mɛ̨nį hutɔɔ pələ kpaɠala kaai! Nwɔ pələi hukpinįɛi!

Lomaŋ 5:8

Kɛlaa, bələi Yálá ə nwɔ wɛlikɛmąąlaa lɛ la guɔ, bələ ka: Ɓɛlɔwai gu kɛ la a nɛ̨ŋɛ̨n ɉəɠə nuą, nąąlɔwai ɓə Kristə ə haa la gu mąą mɛ̨nį ɓa.

Lomaŋ 6:23

Mąąhɔlɔɓo, nɛ̨ŋɛ̨n vɛla ɓaa a haa, kɛlɛɛ, Yálá nwɔ mɛ̨inɛ̨ɛ̨ ɓaa yɛnɛ̨ɛ̨ kpɛɛ hvo mą, yii gwa ɉɔlɔɓo gu Ną́mu Jesus Kristə laa hu.

Lomaŋ 8:1

Yiihu kɛa, nuąi di kaa Jesus Kristə hu, nwun na pili hvo kɛa diɛ.

Lomaŋ 8:35

Lə ɓə a pɛli gu kulɔi Kristə nwɔ wɛlikɛmąąlaa hu? Ɛ̨i, mɔ̨nɔ̨ ɓə? Liikələn gwəi ɓə? Ɓɛlɛkpɛɛmąąlaa ɓə? Pulu ɓə? Yee-howololaa ɓə? Mɛ̨nį ɲąąnwąnąą ɓə? A wala kɛti, haa?

Korɛntə veelɛ 11:3

Kɛlaa, gáá ɲɔwi, və́ bɔ ká wɔ kiliŋąhiɛ mąą hvo hvalin a ɲɔ̨nwɔ̨ɔ̨, hvo ka kulɔ Kristə nwɔ nɛ̨ɛ̨laa hu, yɛ bələi kaalə ə Ɛvə ɲąąhɛn na, a gbąnąlaa.

Korɛntə veelɛ 2:11

Mąą hvo nɛ̨ɛ̨li, gu hvo gu kpɔwɔ lɛɛ laa ɓilihi hvo gu ɓowo, hvo gaai, gwəi kiliɠaa di hvo loo li guɔ.

Ifisiɛŋ 1:4

Kristə hu ɓə, Yálá ə gbɛa gu həɠə laa ɉu, gɛɛ hvo yɛnɛ̨ɛ̨ pɛli, ə gɛ, gu kɛ a nwɔ nuąi hɔn və diɛ, yaa ɲɛ̨i ɓa, wɛlikɛmąąlaa hu.

Filipə 3:12

Və́ kɛli káá, ŋą́ą́ gəlee hɔlɔɓo, a wala kɛ ti, ŋą́ą́ mɛ̨nį kəlee aa pɛli ɉu, kpaa-o! Kɛlaa, gáá tɔɔi a nwą́nąi gilɛ həɠɛɛ hu, ə gɛ, ŋą́ həli dɔ̨nɔ̨ ɓa, mąąhɔlɔɓo, ɲą́ą́ gbɛli, Jesus Kristə ə ɉón.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Filipə 3:8

a tɛ̨ą, ŋą́ gíliɲąkiɛ Ną́mu Jesus Kristə kɔlɔn mɛ̨nį kɛnɛ̨ɛ̨ ŋɛ̨i ɓa, ŋą́ yili kəlee kaa a kpɛli. Mąą mɛ̨nį ɓa, ŋą́ą́ ɲéé kulɔ hɛn gəlee hu, ŋą́ą́ gəlee kaa yɛ tulun ŋą hɛn, ə gɛ, ŋą́ Kristə hɔlɔɓo,

Tɛsalonikə veelɛ 2:4

yai a tɔɔ, hɛn kpɔ da kɛ mą: yálá gəlee la, yɛ kɔ pɛlɛ kwɛli hvilɛn mɛ̨nį kəlee ɓa, yaa kpinįi, yɛ li kpɔ yɛ hee Yálá ŋą pɛlɛ́i mu, yɛ gbɔwɔ kɛ a Yálá.

Zɔ̂ŋ Maa-ŋuŋ 4:16

Ɛlɛɛ, ku wɛi, ku gaa, ku laai na, nwɛlikɛmąąlaai Yálá ə nɛ gu lɔwai yaa li. Yálá kaa a wɛlikɛmąą, nui gaa wɛlikɛmąą laa hu, gaa Yálá hu, ɛlɛɛ, Yálá yɛ ɓo ɉu.

Zɔ̂ŋ Maa-ŋuŋ 4:19

Gu wɛi, gwa nwɛlila kɛ gbala ə tɔɔ, Yaa ɓə gbɛa gu wɛlila kɛ tɔlɔɔ.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

M̀ɛni-lɛɛi 13:14

Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

M̀ɛni-lɛɛi 2:24

«Kɛlɛɛ ka wɛi, kaai Tiatirə, kaai ka hvo kɛ lɔ li galan bələ ɲɔ̨nwɔ̨ɔ̨ tii hu, ɛlɛɛ, ká hvo nwɔ̨nɔ̨ ká yee too li ɓilihi ŋą mɛ̨nį loɔ kpon ɉu kwɛa tii hu, və́ pai tíɛ̨ wiaa takpɛli laai ka nwuɔ̨.

M̀ɛni-lɛɛi 20:3

Ə bili nowa kpon gwɛaa hu, ə naa kpulu a gwɛli, ɛlɛɛ, ə gɔlɔn ɉɛn naa bulu, ə gɛ, hvo pa hįi lɔiɠaa ɲąąhɛn, ə lɛɛ ɉu gwɛlan nwaa tɔ̨nɔ̨i tii laa ə kulɔ. Yili pulu, hvo kɛli di pənə di gulɔ, woloɓo.

M̀ɛni-lɛɛi 20:7

Gwɛlan nwaa-tɔ̨nɔ̨i tii laa a pa kulɔi, di kaa pai ɓilihi kulɔi gaho ɲą.