Lomaŋ 8:31 - Yálá laawoo hɛɓɛ (dc)

³¹ Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Yálá laawoo hɛɓɛ

³¹ Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Bible

³¹ Lé ŋaŋ ƃe kwa pâi m̀ôi e pîlaŋ nyíŋi ma? À kɛ̀ Ɣâla káa kúmɛni ma, gɛ̀ ní gbɛ̂ɛ ƃe dɔɔ̂i kûa?

Lomaŋ 8:31 ပူးပေါင်းရင်းမြစ်များ

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Tɔɔɓɛlaa dɔlɔɔ 8:57

Yai-Laa, ku wɔ Yálá ə kɛ gu pɔ, yɛ bələi ə kɛ la gu nąnni pɔ! Hvo ɲee ɓo guɔ, hvo həɠə gu pulu.

Tɔɔɓɛlaa veelɛ 6:16

Elise yɛ mą: «'Hvó ɲɔw, diɛi gwa diɛni gu tɔɔ, di kpulu kɛnɛ̨i dɛɛ diɛi diɛ.»

Kɔlɔnikɔ Maa-ŋuŋ 19:15

Yii kɛa Amɔn lonnii di Aramə nuą kaa diɛ pu, diɛ kpɛli, di pu Avsai tɔwɔ, di tɛ taai. Ɉoabə ə pənə ə pa Ɉerusalɛmə.

Kɔlɔnikɔ Maa-ŋuŋ 5:22

Di di yowoɠaa tamąą paa, mąąhɔlɔɓo, gɔi tii, ə həɠə Yálá pɔ. Di nɛ̨ɛ̨mą di hee di heei.

Mąątɛ̨nɛ̨ 118:6

Yai-Laa kaa búlu, va ɲɔw, lə kpɔ ɓə nukan a pɛli gɛi a ɲą́ą́?

Mąątɛ̨nɛ̨ 46:11

Yɛ kɛ diɛ: «'Ka gwɛlihɛnŋaa laa, 'ka gɔlɔn kaa diɛ ɲą́ą́ ɓə gaa a Yálá! Ŋą́ hį́iɠaa ɲąąwooɓo, gɛ́ lɔi ɲąąwooɓo.»

Mąątɛ̨nɛ̨ 46:7

Lɔiɠaa hu tin ə kɛi kulɔ, tɔɔlaaɠaa diɛ kɛ yɛɠɛ yɛɠɛ, Yálá ə woo tɛɛ, lɔi ə həɠeen.

Mąątɛ̨nɛ̨ 56:11

A Ɲálái tii gáá mąątɛ̨nɛ̨i, a Yai-Laai tii gáá nwoo mąątɛ̨nɛ̨i.

Mąątɛ̨nɛ̨ 56:4

Ɲələi ɲɔw a kɛ la gɔ́lɔi, yɛ́ ɓə ŋą́ gílitɔɔ yɛ.

Mąątɛ̨nɛ̨ 56:9

Yáá nwɔ́ mɔ̨nɔ̨ɠaai kəlee lono, ə́ yee hiɛ ɲɛ̨́i, ə́ ɲɛ̨́iyá kələ kpɛli mąn; kɛlɛi yili kəlee pɛ̨ɛ̨ ə́ wɔ hɛɓɛ́i hu?

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Azaya 8:10

'Ka mɛ̨nį kili tee ka kwəi, ɉu kaa pai kalai; 'Ka mɛ̨nįɠaa ɓo, Kɛlaa, gəlee da lɛɛ a kpɛli, mąąhɔlɔɓo, Yálá kaa ku pɔ.

Ɉeremi 1:19

Di kaa pai kɔ́ pɛlɛi yɛ́, kɛlaa di yee hvo pai pɛlii yɛ́. Mąąhɔlɔɓo, gáá ə́ pulu, gɛ́ ə́ nwun mąąkɔ̨nwɔ̨. Yai-Laa woo li.»

Ɉeremi 20:11

Kɛlaa, kwa Yai-Laa ɓə ku tɔɔ, ya ɓə gaa a kɔ́kuláá kpəɠiɛɛ. Nuąi di hvilɛn ŋąą búlú, di kaa pai kalin ɉii, mɛ̨nįi di kaa gwɛ́lii la, di yee hvo pai pɛlii mą. Nwumɛ̨ kaa pai di ɲɛ̨i paai. Di yee hvo pai lɔi. Di ɓɛlɛ kaa pai tooi a yələ kəlee, di hvo pai lɛ̨ąi yili ɓa.

Ɉeremi 42:11

Ka hvo kɛa ɲɔw Babilonə tɔɔmun ma. Yai tii ka mąą kpɛlin ɉii. Ka hvo kɛa ɲɔw mą, Yai-Laa woo li. Gáá ka pɔ, gɛ́ ka kulɔ mɛ̨nįi. Gɛ́ ka kulɔ ɲee mu.

Lonon mo 14:9

Ka hvo ka kwɛli tee Yai-Laa ɓa, ka hvo ɲɔw nɔi tii hu nuą diɛ, mąąhɔlɔɓo di kaa lɔ gu yəi a nɔ na tɔ̨nɔ̨. Di wɔ haliɠaai daa kulɔ di pulu, guɔ yaan Yai-Laa kaa gu pulu, yili ɓa, ka hvo ɲɔw diɛ.»

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Lomaŋ 3:5

Akɛ gwa wala tələnmolaa kɛ, yili ɓə Yálá a nwɔ tələnmolaa lɛ lai, gwa pɛli kɛi lə yili hu? Yálá aa kɛli gu hutoo a lííholi, nu nwɔ kiliŋąhiɛ hu, gwa kɛ mą: hvo haŋąn ni.

Lomaŋ 4:1

Lə mɛ̨nį ɓə gwa pɛli moi gu kalaɓɔlɔ Abrahamə mąą mɛ̨nį hu? Lə mɛ̨nį ɓə ə ɉɔlɔɓo gɔlɔ ɓa pələ?

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Zasua 10:42

Ɉosue ə dɔɔɓɛlaa tii kəlee hon da di wɔ tɔɔ lɔiɠaa, kɔ́ tɔ̨nɔ̨ hu. Mąąhɔlɔɓo, Yai-Laa Israɛlə nwɔ Yálá tɔɔi kɛ Israɛlə pulu gɔi tii hu.

Zɔ̂ŋ Maa-ŋuŋ 4:4

Ká wɛi, nónnii pɛlɛɛɠaa, ká káá a Yálá nwɛiɠaa, káá yeetɛɛmąą laa kɛ nɛɛ-nuą tii mɛ̨i, mąąhɔlɔɓo, nui gaa ká lɔwai, gɛnɛ̨i dɛɛ yii gaa yɛnɛ̨ɛ̨ hu mą.

Samuɛlə dɔlɔɔ 14:6

Ɉonatan yɛ nwɔ ɓíitiɛ̨ ɓa: «Pa gu həli gɛ́nɛ kpolɔwaɠaa tii diɛ, gbəli hu Yai-Laa kaa pai kpɔnmąą tɛɛi gu pɔ, hvo gaai, nu ə tamą, a wala kɛ tii, di hvo tamą, hɛn da hva pɛli tɔɔi Yai-Laa tɔwɔ kɔ́ nɛ̨ɛ̨ mɛ̨nį ɓa nu ɓa.»