Lomaŋ 8:17 - Yálá laawoo hɛɓɛ (dc)

¹⁷ Yii kani gu kaa a nonnii, gu kaa kani a gwɛlin ɉɔlɔɓo nuą, gwa Kristə ta ni gu kaa a Yálá kwɛlin ɉɔlɔɓo nuą; gbala ə tɔɔ, yii gu gu wɔɔ hɔlɔɓo nwɔ mɔ̨nɔ̨i hu, gu kaa lɔ pai gu wɔɔ nąą hɔlɔɓoi mąąɲįnɛ̨n ɉu.

Yálá laawoo hɛɓɛ

¹⁷ Yii kani gu kaa a nonnii, gu kaa kani a gwɛlin ɉɔlɔɓo nuą, gwa Kristə ta ni gu kaa a Yálá kwɛlin ɉɔlɔɓo nuą; gbala ə tɔɔ, yii gu gu wɔɔ hɔlɔɓo nwɔ mɔ̨nɔ̨i hu, gu kaa lɔ pai gu wɔɔ nąą hɔlɔɓoi mąąɲįnɛ̨n ɉu.

Bible

¹⁷ À kɛ̀ ǹyaŋ kúkaa a ǹônii, kúkaa a pɔɔ-sɛŋ-namela, nya ƃa kwa Kôrai-ni kúkaa a Ɣâla ŋɔpɔɔ-sɛŋ-namela, à kɛ̀ kwà dîa-ni kwà mɛni-soli kàa, a gɛ́ɛ kwà dîa-ni kúfolo-laai maa é tɛ́.

Lomaŋ 8:17 ပူးပေါင်းရင်းမြစ်များ

Maafîu 16:24

Nąąlɔwai, Jesus ə mo nwɔ kalan nɛai diɛ, yɛ diɛ: «Nui gaa bɔ ə hvilɛn búlú, hvo kɛli ə lənə gbɔwɔ ɓa. Ə gbɔwɔ haa wulu həɠə ə hvilɛn búlú.

Maafîu 25:21

«Nąmu yɛ mą: ‹Yaa gɛ a nəlɛɛ, kólo kɛmun dəlimoɔ ɓaa yɛ́. Yaa tələnmolaa kɛ mɛ̨nį logolo hu, gáá pai gáá pai ə́ heei mɛ̨nį kɛnɛ̨ɛ̨ nwun na. Pa ə́ hee gwɛ́lɛ kwəinɛ̨ɛ̨ hu.›

Lukə 12:32

«Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Lukə 24:26

Hvo kɛli kɛ Nwun mąąɓomun Yálá ə naakwɛlanmo, ə mɔ̨nɔ̨ mį́į́ tii, hvo tɛɠa kɛ lɔi nwɔ mąąwiɛ kɛnɛ̨ɛ hu.»

Ɉaan 17:24

«Ną́n, gáá bɔ ɓɛi ŋą kɛ laa, nuą ŋɛ̨i yáá di tɛɛ bɔ, diɛ kpɛli di kɛ laa, ə gɛ, mąąwiɛ yii yáá dɛɛ bɔ, di gaa. Mąąhɔlɔɓo, ə́ gbɛa nwɛ́li la kɛ gɛɛ yɛnɛ̨ɛ̨ kɔ́wɔ hvo tɔɔ.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Gɛlaɠaa 20:32

«Yiihu kɛa, gáá ka lɛɛi Yálá yəi da nwɔ nɛ̨ɛ̨laa woo, yaa ɓə huwalawala kaa ɲəi yɛ pɛli bɛlɛ́ tɔɔi, yɛ mąąhəɠə nuą kəlee kwɛlin dɛɛ di pɔ.

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Lomaŋ 5:17

Nu tanɔ̨n ti hɔn mə gɛ, haa yɛ hvilɛn nu kəlee pulu. Kɛlaa, Jesus Kristə tanɔ̨n gbən ɉaalai ɓə, gwaa mɛ̨nį lɛlɛɛ tamąą hɔlɔɓo la. Nuąi da Yálá nwɔ mɛ̨inɛ̨ɛ̨ hɔlɔɓo da tələnmolaa, da yɛnɛ̨ɛ̨ hva kpɛɛ hɔlɔɓo da tɔɔlaa Kristə laa hu.

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Korɛntə dɔlɔɔ 2:9

Kɛlaa, yɛ bələi bɛ̨ɛ̨i la, diɛ kɛ: «Mɛ̨nį lɛlɛɛɠaai Yálá aa bɛli nwɛlikɛmąą nuą mąą mɛ̨nį ɓa, ɲɛ̨i kɔ́w ta hvo ni gaa li; hvə ni too li wəli ta hu, ɛlɛɛ, mąą gili hvo ni too li nu kan ɲą.»

Korɛntə veelɛ 1:5

Gbala ə tɔɔ, bələi lɔ gwa mɔ̨nɔ̨ mįi la kɛnɛ̨ Kristə mąą mɛ̨nį hu, bələ lɔ ɓə, Kristə haalai, gu wɔɔ liilaa hu a kɛnɛ̨ la.

Korɛntə veelɛ 1:7

Ɛlɛɛ, mɛ̨nįi ku ɲɛ̨i kaa dɔwɔ a nwalawalaa, yɛ hvilɛn na ka mąą mɛ̨nį ɓa, ya ka: Ku kili kaa ɉu kuɔ, ku wɔɔ mɔ̨nɔ̨ɠaai ta mįi ka káá moi, bələ lɔ ɓə ka káá pai ku wɔ liilaa ta hɔlɔɓoi la.

Galatə 3:29

Ɛlɛɛ, akɛ, káá kɛ kɛa a Kristə nwɔɔɠaa, akɛ tii, káá ɓə a Abrahamə kwəi lon, yɛ bələi di naakwɛlanmo la, káá ɓə a gwɛlin ɉəɠə nuą.

Galatə 4:7

Hvó kpɔ kani kɛa a luwɔ, kɛlaa, ə́ káá a Yálá lon, ɛlɛɛ, ə́ kɛɛ mɔ̨ɔ̨ a Yálá lon, ə́ káá lɔ nwɔ̨nɔ̨ a kwɛlin ɉəɠəmun. Yálá kɛ mɛ̨nį li.

Ifisiɛŋ 3:6

Mɛ̨nį loɔ ti ɓaa: huwu takpɛliɠaa daa di wɔɔ nąą hɔlɔɓo gwɛlin ɉɛn dɔ̨nɔ̨ tii hu, di kaa a kɔlɔ tɔ̨nɔ̨ tɔɔ-tɔɔiɠaa, di ɓo a mɛ̨nį laakwɛlanmoɔ hu mɛ̨inɛ̨ɛ̨ hɔlɔɓo nuą Jesus Kristə hu, nwɛlɛɛ lɛlɛɛ háálai.

Filipə 1:29

Mąąhɔlɔɓo, Yálá háálai ɓə ka kɛ la a Kristə nwɔ tínuą, ka laa mɛ̨nį na yaa tɔ̨nɔ̨ lɔ hvəə, kɛlaa, ə gɛ ka mɔ̨nɔ̨ mį́į́ mąą mɛ̨nį ɓa.

Filipə 3:10

Mɛ̨nįi kpɔ gaa laa, ya ɓaa: Yaa gɔlɔn mɛ̨nį, ɛlɛɛ, ɉuwalawalai gulɔ haa yəi, da nwɔ mɔ̨nɔ̨i ta mįi mɛ̨nį, yɛ́ kɛi yɛ, yaa, ɉaa mɛ̨nį hu;

Kolosə 1:24

Mɔ̨nɔ̨ɠaai gáá mįi ká mąą mɛ̨nį ɓa yiihu, ŋą́ gwə́inɛ̨ɛ̨ mɛ̨nį hɔlɔɓo ɉu, ɛlɛɛ, Kristə ŋą mɔ̨nɔ̨ yiiɠaai lɛɛ pulu, gáá naa kulɔi gɔ́lɔ́ hu, gɔlɔ mąą mɛ̨nį ɓa, yai a ŋą kpɔn;

Taitɔ 3:7

Ə gɛ, yii kɛa gu mąą aa həɠə ŋą mɛ̨inɛ̨ɛ̨ háálai, gu kɛ kɛa, yɛ bələi gilitɔɔmąą laa tii kaa la, a ɲɛnɛ̨ɛ̨ nįnɛ̨ hɔlɔɓo nuą kwɛlin.

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.

Hebreu 6:17

Bələ lɔ ɓə Yálá ə gɛ la, əgɛ, ə nɛ ŋą mɛ̨nį laakwɛlanmoɔ hu mɛ̨nįi hɔlɔɓo nuą diɛ, yɛ, hva ɉəɠə mą, ə gwɛla.

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

Piɛrə dɔlɔɔ 1:4

a kwɛlin ɉɛn hva kpɔ pɛli kalai, hva kɔhɔɓo, hva luwun, gwɛlan ɉɛn tii, həɛi ká tɔwɔ yələi;

Piɛrə dɔlɔɔ 4:13

Kɛlaa yaamun, ká ká kwəinɛ̨ɛ̨, mąąhɔlɔɓo, mɔ̨nɔ̨i ti Kristə ə mįi, ká wɛi ka ti aa həli káá. Yili ɓə a gɛ, ɓɛlɔwai nwɔ mąąwiɛ laa kaa pai tooi la ponoŋą, kaa kpɛlimąn, ká wɔ kwəinɛ̨ɛ̨ laa ə kulɔ.

M̀ɛni-lɛɛi 21:7

Nui lɔpee a yeetɛɛmąą laa kɛ, a gwɛlin tii hɔlɔɓo, ɛlɛɛ, ŋą́ kɛ a nwɔ Yálá, ɛlɛɛ, yɛ ɓo a nón.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.