Lomaŋ 8:11 - Yálá laawoo hɛɓɛ (dc)

¹¹ Akɛ Yálá nwɔ Kilii ŋɛ̨i Jesus nwun haa ɓɛlaa lɔwai, gaa ka hui, Yaa ti lɔ Jesus Kristə nwun yɛ gulɔ haa nuą lɔwai, yaa lɔ ɓə pai yɛnɛ̨ɛ̨ tɛɛi ká kɔlɔi ŋɛ̨i haa mɛ̨nį pɛ̨ɛ̨i nwuɔ̨, bɔ; nwɔ Kilii ti ka hu, ɉáálai.

Yálá laawoo hɛɓɛ

¹¹ Akɛ Yálá nwɔ Nįį ŋɛ̨i Jesus nwun haa ɓɛlaa lɔwai, gaa ka hui, Yaa ti lɔ Jesus Kristə nwun yɛ gulɔ haa nuą lɔwai, yaa lɔ ɓə pai yɛnɛ̨ɛ̨ tɛɛi ká kɔlɔi ŋɛ̨i haa mɛ̨nį pɛ̨ɛ̨i nwuɔ̨, bɔ; nwɔ Nįį ti ka hu, ɉáálai.

Bible

¹¹ À kɛ̀ ǹúui Zîsɛ mu siɣe saa yêei Ŋɔmɔ̂leŋ káa kákponôi, gɛ̀ ní ǹúui Zîsɛ Kôrai mu siɣe saa yêei a pâi máŋ fulu-laa tɛɛ̂i kákpono-saa-ŋai pɔ Ŋɔmɔ̂leŋ sârai nyíi gáa kákponôi.

Lomaŋ 8:11 ပူးပေါင်းရင်းမြစ်များ

Azaya 26:19

Ə́ wɔ nuąi daa haa di kaa pai pənəi di yɛnɛ̨ɛ̨ kɛ, di pɔwaɠaa kaa pai pənəi di nwun. 'Ka ka muhəɠə! 'Ka tómą a kwəinɛ̨ɛ̨! Kaai ŋɛ̨i munuun ɉu puunii! Mąąhɔlɔɓo, yɛ́ nɛ̨n-ɲái kaa a kɛɛpono nɛ̨nɲá, ɛlɛɛ, lɔi kaa pai yɛnɛ̨ɛ̨ tɛɛi haa nuą pɔ.

Izikiɛ 37:14

Ɓɛlɔwai gáá pai nwɔ́ Nɔ̨ɔ̨ tooi la ka hu, ka kɛ a ka hvulú, ɛlɛɛ, gɛ́ ka hee ka wɔ lɔi hu, ka gbaɠala kaa, nąąlɔwai, kaa diɛ, ɲą́ą́ ɓə gáá a Yai-Laa, ŋą́ mɛ̨nį ɓo, ŋą́ bɔ mɛ̨nį kɛ. Yai-Laa woo li.»

Ɉaan 14:17

Yálá nwɔ Kilii tii ɓə gaa a tɛ̨ą kili, yai yɛnɛ̨ɛ̨ nuą di hva di yee hee mu. Mąąhɔlɔɓo, di hva gaa, ɛlɛɛ, di hvo gɔlɔn. Kɛlaa, ka wɛi, ka gɔlɔn, mąąhɔlɔɓo, gaa ka pɔ, yɛ ɓo ka nįį hu.

Ɉaan 5:21

Bələi lɔ Ną́n a haa nuą nwun na, yɛ yɛnɛ̨ɛ̨ tɛɛ di pɔ, bələ lɔ ɓə Non a yɛnɛ̨ɛ̨ tɛɛ la nwɛlikɛmąą nuą pɔ.

Gɛlaɠaa 2:24

Yálá ə́ gulɔ haa yəi, ə́ gɛ a vulú, ə gulɔ haa nwɔ mɔ̨nɔ̨ hu, mąąhɔlɔɓo, haa nwɔ huwalawalaa yee hva pɛli kɛ mą.

Lomaŋ 16:10

Apɛlɛsə yai nwɔ laa na laa lɛ Kristə hu, ŋį́ duwɔ ɓo. Ŋą́ Aristobulə da ɲəi bɛlɛ́n nuą di túwɔ́ɓo.

Lomaŋ 16:3

Gáá Priska da Akilasə di túwɔ́ɓoi diɛi di kaa a mɛ́laani Jesus Kristə nwɔ tiɓoi hu.

Lomaŋ 16:7

Ŋą́ Andronikusə da nɛ̨ą Ɉuniasə di tuwɔ ɓo, diɛi di kaa a nwɔ nuą, kwa diɛni ku kaa gaho tɔ̨nɔ̨ ŋą. Di gbɛa kɛ a Kristə nwɔ kɛlaɠaa dɔ́wɔ́.

Lomaŋ 16:9

Urbɛn yai gwa diɛni gu yee kaa kóló tɔ̨nɔ̨ ɓa Kristə hu, da nwɛ́likɛmąąmun Stakisə ŋą́ di duwɔ ɓo.

Lomaŋ 6:12

Mąą hvo nɛ̨ɛ̨li nɛ̨ŋɛ̨n və kɛa tɔɔlaa kɛ ka mɛ̨i pələi mɛ̨n ka káá pai haai la, ə gɛ, ka hvo pa hvilɛn kɔ́lɔ liiɓa pulu kaa gɛ.

Lomaŋ 8:1

Yiihu kɛa, nuąi di kaa Jesus Kristə hu, nwun na pili hvo kɛa diɛ.

Lomaŋ 8:12

Yili ɓa, nąn nonnii, kwələ kaa guɔ, kɛlaa, kɔ́lɔ liiɓa kɛɛ nwɔ kwələ hvəə; gu hvo pa kɛ lɔ túwɔ́i a kɔlɔ liiɓa.

Lomaŋ 8:2

Mąąhɔlɔɓo, Kili nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

Lomaŋ 8:9

Kɛlaa, ka wɛi, ka hvo nu kili yeekɔnma, kɛlaa, Kili-Mąąhəɠɛɛ ɓə; gbala ə tɔɔ, Yálá ŋą Kilii kaa ka hu, nui Kristə nwɔ Kilii hvo ɉu, Kristə nwɔ nu hvə li.

Korɛntə dɔlɔɔ 15:16

Akɛ haaɓɛlaa nwun mɛ̨nį hvo a tɛ̨ą, kɛ tii, Kristə hvo nwun ni.

Korɛntə dɔlɔɔ 6:14

Yaan, Yálái ŋɛ̨i gu Ną́mu kulɔ haaɓɛlaa lɔwai, yaa lɔ ɓə pai gu kulɔi haaɓɛlaa lɔwai a nwɔ huwalawala.

Korɛntə veelɛ 4:11

Hvo gaai, yələ kəlee, kuɔi ku hvulú kɔwɔ ɲą, da ku kwɛlɛ haa ɓa, Jesus mąą mɛ̨nį ɓa, ə gɛ, Jesus ŋą yɛnɛ̨ɛ̨ yɛ pɛli tooi la pono ŋą kpɔ hələ-tətə, ku kɔlɔ hu, yai haa kaa mą.

Korɛntə veelɛ 4:14

Hvo gaai, ku kili kaa ɉu kuɔ, nui gu Nąmu Jesus nwun haa nuą lɔwai, gaa lɔ pai gu nwun ɉii tii gwa Jesus ni, yɛ gwa káá ni gu heei kulɔ gwɛlɛ.

Korɛntə veelɛ 5:4

Ɓɛlɔwai gu kaa ni la ɲɛ̨nɛ̨ɛ̨ pɛlɛ́i ŋɛ̨i mui, gu kaa ɲiŋɛ̨i yɛ tiɛ̨ kɛnɛ̨ a kɛ gu nwuɔ̨, tɛ̨ą li, hvo kɛli gu kulɔ nu kɔ́lɔ hu, kɛlaa, ku kaa bɔ ku yələkɔlɔn ɉu nwɛi tɛ mą, ə gɛ, yɛnɛ̨ɛ̨ kpɛɛ hvo mą, ə hɛn haa kaa mą mąą hvalin.

Galatə 6:8

Nui a gbɔwɔ kɔlɔ lii ɓa hin, kɔlɔ liiɓa hɛn mə a ɉɔlɔɓo: ya ɓaa, a haa. Kɛlaa, nui a Kili-Mąąhəɠɛɛ liiɓa hin, Yálá liiɓa mɛ̨nį ɓə a ɉɔlɔɓo: ya ɓaa, a ɓaloi hva kpɛɛ.

Ifisiɛŋ 2:5

ɓɛlɔwai gu kɛ la a haa nuą a gu wɔ nɛ̨ŋɛ̨nŋaa la pɔɔ, ə yɛnɛ̨ɛ̨ tɛɛ gu pɔ, gwa Kristə ni, ká ɓalo lɔ a mɛ̨inɛ̨ɛ̨ kpɛli-kpɛli,

Filipə 3:21

yai pai, gɔlɔ mąąwɛliɛ ŋɛ̨i guɔ, mąą hvalin ɉii a kɔ́lɔ mąąwiai gɛ pələ ə ɓo yɛ nwɛi. A yili kɛ a nwɔ huwalawalai gaa pai heei la hɛn gəlee mɛ̨i.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.

M̀ɛni-lɛɛi 11:11

Kɛlaa, voló haaɓa da gbulɔi tii a kulɔ ɉu, yɛnɛ̨ɛ̨ kɛ hvaŋą a həɠə Yálá-taa ə pu diɛ, ɛlɛɛ, di haŋąn di tɔɔ. A kɛ lɔ tii, nuąi kɛli di kaa, ɲɔw kɛnɛ̨ ta a di hon.