Lomaŋ 7:15 - Yálá laawoo hɛɓɛ (dc)

¹⁵ Hvó gaai, mɛ̨nįɠaai ŋą́ kɛ gɛi, vá kɛ gbaɠala kaai gbɔ́ɔ́ yəi. Mąąhɔlɔɓo, yii ŋą́ kɛ bɔ ŋį́ gɛ, yili hvəə ŋą́ gɛ. Kɛlaa, yii nwɛli kpɛɛ mą́ą́ yili ɓə mun ŋą́ kɛ gɛi.

Yálá laawoo hɛɓɛ

¹⁵ Hvó gaai, mɛ̨nįɠaai ŋą́ kɛ gɛi, vá kɛ gbaɠala kaai gbɔ́ɔ́ yəi. Mąąhɔlɔɓo, yii ŋą́ kɛ bɔ ŋį́ gɛ, yili hvəə ŋą́ gɛ. Kɛlaa, yii nwɛli kpɛɛ mą́ą́ yili ɓə mun ŋą́ kɛ gɛi.

Bible

¹⁵ Mɛni-ŋai ŋa díkɛ̂i, fe gɔ́lɔŋ lé mɛni ƃe ŋa díkɛ̀ lai. Kpɛ́ni fêi, mɛni-ŋai ŋa díwɛli níi, fa díkɛ̀. Kɛ́lɛ, mɛni-ŋai ŋa díkpɔ̀arai, dia ƃe ŋa díkɛ̀.

Lomaŋ 7:15 ပူးပေါင်းရင်းမြစ်များ

Tɔɔɓɛlaa dɔlɔɔ 8:46

«Ɲələi Israɛlə a nɛ̨ŋɛ̨n ɉəɠə la yɛ́, mąąhɔlɔɓo, nu ta hvo laa yii hva nɛ̨ŋɛ̨n ɉəɠə, yá ə́ liiholi di pɔ, ə́ di lɔ di yowoɠaa yee ŋą, ɛlɛɛ, nuą da di hon, di li a diɛ nwɛ̨ą lɔi hu, luwɔlaa hu, ə kɛ kwɛa la, ə kɛ kpuwɔ la,

Mąątɛ̨nɛ̨ 1:6

Mąąhɔlɔɓo, Yai-Laa ə tələnmo nuą kpaalə kɔ́lɔn, Kɛlaa, nu ɲɔ̨nwɔ̨ɔ̨ɠaa kpaalə hu a kala.

Mąątɛ̨nɛ̨ 101:3

Mɛ̨nį ɲɔ̨n da lɔpee hva ɉeei hɔlɔɓo ɲéé pɔ, nuąi daa lənə Yɛ́ ŋį́ yowolaa kulɔ a diɛ, di túwɔ́ pələ hva pɛli nwún ɉu lan ɉi.

Mąątɛ̨nɛ̨ 119:104

Ə́ wɔ tɔn nwooɠaai daa mɛ̨nį hukpɛ kili tɛɛ bɔ́, yili mąą mɛ̨nį ɓa, lɛɛ pələɠaa kəlee wɛli aa kpɛɛ mą́ą́.

Mąątɛ̨nɛ̨ 119:113

Huhveelɛmun nwɛli kpɛɛi mą́ą́, Kɛlaa, ə́ wɔ tɔn nwooi wɛli kaa mą́ą́.

Mąątɛ̨nɛ̨ 119:128

Yili mąą mɛ̨nį ɓa, ŋą́ ə́ wɔ tɔn nwooɠaai kəlee kaa a ɉaŋąą. Lɛɛ pələɠaa kəlee wɛli kpɛɛi mą́ą́ kpɔ tɛ-tɛ.

Mąątɛ̨nɛ̨ 119:163

Lɛɛ mɛ̨nį wɛli kpɛɛi mą́ą́, mɛlɛ hvo gwə́i, ə́ wɔ tíɓoi ɓə nwɛli kaa mą́ą́.

Mąątɛ̨nɛ̨ 119:32

Gáá gilɛ həɠəi ə́ wɔ tɔn nwooi nwɔ pələɠaai mɛ̨i, mąąhɔlɔɓo, yaa ɲéé la hvoloon.

Mąątɛ̨nɛ̨ 119:40

A neelee, ə́ wɔ tɔn nwooɠaai wɛli kaa mą́ą́, 'Pənə ə́ dóó nwų́nu kɔ́lɔi a ə́ wɔ tələnmolaai.

Mąątɛ̨nɛ̨ 19:12

Ə́ wɔ tímun yaa kpinįį a kili hɔlɔɓo ɉu, a ɲee kanąn a mo mą, a tɔ̨nɔ̨ hɔlɔɓo ɉu.

Mąątɛ̨nɛ̨ 36:4

Kɛɛ kala mɛ̨nį da nu ɓowo mɛ̨nį lɔ ɓə gaa na, mɛ̨nį lɛlɛɛ kɛ kili hvo mą.

Mąątɛ̨nɛ̨ 65:3

Yɛ́i yá ə́ wəli tɔɔ, ə́ hvɛli woo ɓa, nu kan gəlee da pa ə́ pɔ.

Mąątɛ̨nɛ̨ 97:10

Kaai Yai-Laa wɛli kaa kaa! 'Ka mɛ̨nį ɲɔ̨n nwɛli kpɛɛ kaa, a nwɔ tələnmo nuą di wɔ yɛnɛ̨ɛ̨ laa hɔn mo, yɛ di kulɔ nwąnąlɔ nuąi yəi.

Hanwon 13:5

Lɛɛmun nwɛli hvo tələnmomun ma. Kɛlaa, nwąnąlɔmun a nu laa kala, yɛ mɛlɛkpɛɛ mą.

Hanwon 8:13

Nui a mɛ̨nį ɲɔ̨n nwɛli kpɛɛ mą, a kɛ tii, aa ɲɔw Yai-Laa ɓa. Ɲą́ą́ nwɛ́i, kpɔwɔ ŋąą kɛnɛ̨ da ɲɛ̨itɛ di wɛli hvo mą́ą́. Túwɔ́ pələ ɲɔ̨n da lɛɛ hvaa, di wɛli hvo mą́ą́.

Ikilisiati 7:20

Yaan, nui lɔpee ta hvo ɓɛ lɔi mɛ̨i ɉaŋąą, yɛ mɛ̨nį lɛlɛɛ kɛ, yii hva pɛli lan ɉi.

Amɔsə 5:15

Ka mɛ̨nį ɲɔ̨n nwɛli kpɛɛ kaa, ka mɛ̨nį lɛlɛɛ wɛli la kɛ. Ka mɛ̨nį haŋąą kɛ ka wɔ kiti tee pɛlɛ́ɠaai mu. A kɛ tii, Yai-Laai gaa a Mɛ̨nį Kəlee ŋą Hééɓomun Yálá, a pɛli kiɛ, ə ka ɲɛ̨i maa wɛli kaa, kaai ka káá a Ɉosɛfə huwuhu nuą gbəli.

Nahumə 1:7

Yai-Laa nwɔ mɛ̨nį lɛlɛɛi, gaa a nu mąąkilɛi, laanɔ̨nwɔ̨ lɔwai, nuąi da di mąąkilɛ vaɠan mu, a gili lɛɛ di hu.

Lukə 11:48

Ka nąnni túwɔ́ pələ ɲɔ̨nŋąą tii, ka káá nɛi, kaa kpinįi kaa ɓo nwɔ̨nɔ̨ a gɛla. Mąąhɔlɔɓo, ka nąnni di Yálá kwəi mɛ̨nį hukulɔ nuą paa, ɛlɛɛ, kaa di kámąɠaa pɛli a nɛlɛɛ!

Ɉaan 15:15

Va kɛa ka təli a luwɔɠaa, mąąhɔlɔɓo, luwɔ hvo nąmu nwɔ kiliŋąhiɛ kɔ́lɔn, gáá pai kɛa ka laa heei a mɛ́laa, mąąhɔlɔɓo, mɛ̨nįɠaai ŋį́ həɠə la Ną́n pɔ, ŋą́ą́ gəlee lɛ kaa.

Lomaŋ 12:9

Ka wɛlikɛmąąlaa kɛ a tɛ̨ą, ka ɲɔw mɛ̨nį ma, ká pu dɔwɔ; 'ká mɛ̨nį lɛlɛɛ wɛlilakɛ.

Lomaŋ 14:22

Mɛ̨nį kɔlɔnŋąąi ə́ ɉɔlɔɓo laa na laa hu, yii lɛɛ ə́ kwəi ka Yálá ka lɔwai. Nui kiliŋąhiɛ pələ hva ɉɔn gaa mą, mąą nu nwun na nɛ̨ɛ̨i.

Lomaŋ 7:16

Yaan, akɛ yii və́ bɔ, ya ɓə ŋą́ kɛ gɛi, ŋį́ gɔlɔn gɛ́: Tɔ́n nɛlɛɛi.

Galatə 5:17

Gbala ə tɔɔ, kɔlɔ a tɔɔ Kili la, Kili yɛ tɔɔ kɔlɔ la, kɔ heɛi di lɔwai, yili ɓa, 'ká hvo mɛ̨nį ta kɛ lɔ a ká liiɓa.

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»

Hebreu 1:9

Ə́ Tələnmolaa wɛli la kɛ, Ə́ mɛ̨nį ɲɔ̨n nwɛli kpɛɛ yɛ́, Yili ɓə gɛ, oo Yálá, ə́ wɔɔ Yálái ə́ ə́ mąątí a dɔɔ wulɔ, a kwəinɛ̨ɛ̨ wulɔ, ə ə́ həɠə ɉu ə́ ɓɛlaa lɔwai.»

Zĩi 3:2

Gu lan bələ huwu tamąąi. Akɛ nu a wala kɛ lan ɉii vaa woo hui, gaa a nui mąą mɛ̨nį pɛliɛ ɉu, ɲee a pɛli ə gbɔwɔ ɓa.

Zûu 1:23

'Ka di kulɔ nwɔ̨n ɉu, di ɓalo. 'Ka ɲɔw daɠaa diɛ, ka di ɲɛ̨imąąwɛli kaa; di kwaną həɠəɠaai di kɔ́lɔ a mąąliɓi ka nwɛli kpɛɛ kaa.