Lomaŋ 7:14 - Yálá laawoo hɛɓɛ (dc)

¹⁴ Gu gɔlɔn gbɔ a tɛ̨ą guɔ diɛ: Tɔ́n gaa a nįį hu mɛ̨nį. Kɛlaa, ɲą́ą́ gáá nu kɔ́lɔ hu, daa nɔ́wɔtɔɔ yɛ luwɔ nɛ̨ŋɛ̨n ma.

Yálá laawoo hɛɓɛ

¹⁴ Gu gɔlɔn gbɔ a tɛ̨ą guɔ diɛ: Tɔ́n gaa a nįį hu mɛ̨nį. Kɛlaa, ɲą́ą́ gáá nu kɔ́lɔ hu, daa nɔ́wɔtɔɔ yɛ luwɔ nɛ̨ŋɛ̨n ma.

Bible

¹⁴ Ku gɔ́lɔŋ a gɛ́ɛ dɔ̂ŋ a kûla M̀ɔlêŋ yêei; kɛ́lɛ, ŋ́gaa nɔ́ a núu-kpune. Dí ŋ́gɔ̀lɛ yɛ̂ɛ luɛ a gɛ́ɛ ŋá tíi kɛ́ sɔnyɔ̂ŋ mi.

Lomaŋ 7:14 ပူးပေါင်းရင်းမြစ်များ

Zɛnɛse 37:27

Yaamun, 'ka gu nɔwɔtɔɔ, Ismaɛlə nu huwu ŋɛ̨i ɓa. Gu hvo kɛ gu kaa baai, gu mą gɛ ləi, gu ta ka a gu ləɠəi ŋɛ̨i.» Mɛlaa kəlee di hvaa nwoo ɓa.

Zɛnɛse 37:36

Madian nuąi tii Ɉosɛfə ya, di li la Eziptə, di nɔwɔtɔɔ Potifarə ɓa; yai kɛ a dɔɔ kwəli mąąkpɛ nuą di nwun nąmu.

Zɛnɛse 40:15

Di gúlɔ ku pɔ lɔi Hebreu lɔi hu a huwalawala, diɛ pa ɓɛ a ɲą́ą́. Pai nwɔ̨nɔ̨ ŋį́ mo, və́ mɛ̨nį ɲɔ̨n gɛ li, di ɉón diɛ dóó gaho ŋą.»

Tɔɔɓɛlaa dɔlɔɔ 21:20

Akabə yɛ Eli ɓa: «Ee kə ɲówo! Yáá nwɔ̨nɔ̨ gáá.» Eli yɛ Akabə ɓa: «Ee! Ŋą́ą́ ə́ kaa-o. Mąąhɔlɔɓo, yáá ə́ kpɔwɔ kwɛlɛ túwɔ́ pələ ɲɔ̨n ma, mɛ̨nį a nwąną Yai-Laa ɓa, yɛ́ gɛ.

Tɔɔɓɛlaa dɔlɔɔ 21:25

Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Tɔɔɓɛlaa veelɛ 17:17

Di kɛi di lon ɉinąą da di lon nɛ̨ąą tɛɛ nwɔ̨n bɔ, diɛ tɔlikpɛ, diɛ nuą tɔɔ ɲąmuątaa, diɛ lɛa di yee too di kala mɛ̨nįɠaa hu, di túwɔ́ pələ ɲɔ̨n gulɔ a Yai-Laa nwąną lɔ pələ.

Zôo 42:6

Yili ɓa, nwóó ka ti kpoloon ɉú, Ŋą́ą́ ɉɔ́n gɔlɔn bɛ́lɛɛ ka!

Mąątɛ̨nɛ̨ 119:25

Ɓɛ kaali, ɲą́ą́ ka tooni munuun ɉu, yɛ bələi ə́ mo lai: 'Pənə kani ə́ dóó nwų́nų kɔ́lɔ hu.

Mąątɛ̨nɛ̨ 51:6

Ŋą́ą́ nɛ̨ŋɛ̨n ɉəɠə yɛ́, yɛ́ kɔw taanɔ̨n gbən, yɛ́ kpɔ ɓə, mɛ̨nįi ɲɔ̨nwɔ̨ɔ̨ ə́ ɲɛ̨i mu, ŋą́ą́ gɛ; yili ɓa, yá kɛi ɉɔ́n mo, yɛ́ tɛ̨ą mɛ̨nį li, yá kɛi ɉútɔɔ, tɛ̨ą kaa ə́ pɔ, ɛlɛɛ, yɛ́ kitii mąą kulɔi hvo mą.

Lɛɛ gbɔwɔ ɓa 22:3

«‹Daataatɛlɛɛi tii di nwuɔ̨, yɛ ə kɛ a nįŋɛ̨, yɛ ə kɛ a hoohvaalən yɛ ə kɛ a ɓɛlaa, da gaa nwuɔ̨mun ɲəi a vulú, mąąnɛ̨ɛ̨ ə yili ɲɔ̨nwɔ̨nmąn veelɛ tɛɛ a bɔɔi.

Hanwon 30:2

A tɛ̨ą, gílikpɛɛ ɲə́i ə tɛɛ nu kəlee ɓa, ɛlɛɛ, nwun gɛ ɉulaa hvo ɲə́i.

Hanwon 30:5

Yálá hvaa wooɠaa kəlee kaa a tɛ̨ą. Nuąi da di mąą kilɛ vaa woo hu, gaa a di mąąkpɛmun.

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.

Azaya 52:3

Mąąhɔlɔɓo, yii Yai-Laa kaa moi ya ka: Di ka tɛɛ a mɛ̨inɛ̨ɛ̨, da kɛi nwɔ̨nɔ̨ pa ka nwun mąąɓoi, wali mɛ̨nį hva kɛ ɉu.

Azaya 6:5

Nąąlɔwai, gɛ́ diɛ: «Kpalo aa ɓɛla mą́ą́, nwún aa lɛɛ ɉu, hvó gaai, ɲą́ą́ ŋɛ̨i nááwulun mąą liɓiɛ a nɛ̨ŋɛ̨n, ŋį́ ɓo nwɔ̨nɔ̨ nu huwu lɔwai yiiɠaai di laawulun mąą liɓiɛ a nɛ̨ŋɛ̨n; ɛlɛɛ, ya ka ŋɛ̨i ŋą́ą́ Yai-Laa Mɛ̨nį Kəlee ŋą Hééɓomun kaa a ɲɛ̨́ikɔw.»

Levetekɔ 13:12

Kɛlaa, volóɲɔ̨n ɉu a kɛnɛ̨ nu kɔ́lɔ ɓa, yɛ ɓo gɔlɔ nąą kəlee, ə həɠə nwuɔ̨ ə həli la gɔwɔ ɓa, ɓɛi lɔpee ɉaláá laa həli mun ɲɛ̨i a həli laa,

Levetekɔ 13:16

Kɛlaa, gɔlɔ yii tii kpɔlu a pənə a kwələ, mąą nu a pənə ə li ə həli ɉaláá laa həli mun ma.

Levetekɔ 19:18

'Hvó ə́ nwąną kulɔ, 'hvo ka wɔ lɔi hu nuą hɔn ɉee ə́ kwəi. Ə́ ɓɛlan gaalon nwɛli la kɛ yɛ ə́ kpinį. Ɲą́ą́ ɓə gáá a Yai-Laa.

Amɔsə 2:6

Yai-Laa ə mo yɛ diɛ: Mɛ̨ni tɔ̨nɔ̨ hvəi gɛi gɛ́ haŋą Israɛlə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, daa tələnmomun dɔ̨nɔ̨ lɔwɔ́tɔɔ, ə gɛ, di wali hɔlɔɓo. Diɛ mąąwɛli mun nɔwɔtɔɔ, di kɔ́wɔ ŋą kɔ́lɔ tɔ̨nɔ̨ gbən hɔlɔɓo mɛ̨nį ɓa. Di yili kɛ tii, mąąhɔlɔɓo, yili hvo pɛli li maa kwələ kulɔi.

Maafîu 16:23

Kɛlaa, Jesus ə tinɛ̨n, yɛ Piɛrə ɓa: «Ə́ mąą kwɛa mą́ą́ ɓilihi! Ə́ kaa a kɔ́wɔ tuwɔ kwɛni nwɔ́ pələi mɛ̨i. Mąąhɔlɔɓo, ə́ wɔ kiliŋąhiɛ hvo yɛ Yálá nwɛi, kɛlaa, gaa a nu kiliŋąhiɛ.»

Maafîu 18:25

Ɉulɔnui tii di paa la, yii kɛa hɛn da hvo kɛ ɲəi yii a pɛli kɛ mąą kwələ kulɔi la, gwələ nąmu ə mo yɛ diɛ: Ka li ka nɔwɔtɔɔ, yaa da ɲəi hɛnɉaa kəlee, ə mą kɛ nɛ̨ą da nonnii; ə gɛ, lɔ nwɔ kwələ kulɔi ə hɔlɔɓo.

Maafîu 5:22

Kɛlaa, nwɛ́i gáá moi kaa, nui lɔpee a niiɲąnwąną nu ta ɓa, mąąnɛ̨ɛ̨ di gití tee. Nui nwɔ̨nɔ̨ a kɛ nu ta ɓa: ‹Ə́ kili hvo ə́ yəi›, mąąnɛ̨ɛ̨ di dɛɛ nu kpɛa-kpɛa pɔ di ɉutɔɔ. Nui nwɔ̨nɔ̨ a kɛ nu ta ɓa: ‹Ɓowo mun›, mąąnɛ̨ɛ̨ di bili ɉahanąmą nwɔ̨n ɉu.

Maafîu 5:28

Kɛlaa, nwɛ́i gáá moi kaa, nui lɔpee a nɛ̨ɛ̨nu ta kaa, ɲɛ̨i a kulɔ bɔ nwɔ kiliŋąhiɛ hu, a kɛti a gbɛa láá a mąąnɛ̨ɛ̨nu.

Lukə 5:8

Ɓɛlɔwai Simɔn Piɛrə ə yili kaa la tii, ə pu gbəlin na Jesus kɔ́wɔ mu, yɛ mą: «Ną́mu, ə́ mąą kwɛa mą́ą́, mąąhɔlɔɓo, gáá a nɛ̨ŋɛ̨n ɉəɠəmun.»

Lukə 7:6

Ɓɛlɔwai Jesus da galanɉonŋąa tii di kɛi li la, di lɛɠɛɛ kɛa gɔ́kulaa nwun nąmui tii yəi bɛlɛ́ laaləi, gɔ́kulaa nwun nąmui tii ə mɛlaa tɔɔ, əgɛ, di mo Jesus ɓa, diɛ mai: «Ną́mu ə mą kɛ hvə ə kpɔɔ hviikpɛɛ li, yɛ həɠə ə heei. Ɲą́ą́, mą́ą́ hvo nɛ̨ɛ̨li kpɛli a nui ya lɔ ɲəi bɛlɛ hvaɠan mu.

Lomaŋ 3:9

Ɛ̨į lə kpɔ? Guɔi a Ɉuifəɠaa, gu hviala ɓoɔi mɔ̨ɔ̨ ə tɛɛ huwu takpɛliɠaa diɛ? Gɛ́ diɛ kpaa-o! Gbala ə tɔɔ, ŋą́ gbɛa nɛ kɛ́ diɛ: Ɉuifəɠaa da huwu takpɛliɠaa kəlee di kaa nɛ̨ŋɛ̨n ŋą luwɔlaa hu.

Lomaŋ 6:6

Mąąnɛ̨ɛ̨ ka gu mɛ̨nį ŋɛ̨i kpaɠala kaa a nɛlɛɛ: Gu kɛ pələ pɔlɔi wɔlɔ gu kɛ ɉu, yili ka ti gu nɛɛ Kristə ɓa yɛ haa la wulu ɓa. Ə gɛ nɛ̨ŋɛ̨n gɔlɔi ti hu ə kala, ə lɛɛ, gu hvo kɛa kɛ a nɛ̨ŋɛ̨n nwɔ luwɔɠaa.

Lomaŋ 7:18

Mąąhɔlɔɓo, ŋą́ gɔlɔn gwɔ́wɔ́ hu pələ, gɛ́ kɛ: Mɛ̨nį lɛlɛɛ kɛ kili hvo ɉú; mukulaa ɓaa: Yili hvo nwɔ́ nu kɔ́lɔ hu. Bələi mąn mɛ̨nį lɛlɛɛ kɛ kili kaa la ɲą́, gɛ huwalawala hvo ɲə́i.

Galatə 4:3

Ɛlɛɛ, guɔ kpɛlimąn, gu kɛ a lɛapɛlɛɛi di kaa ɲɛnɛ̨ɛ̨ ŋɛ̨i hu hɛnŋaa yee mu, yɛ luwɔɠaa.

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Dutɛrɔnome 6:5

Ka Yai-Laa ka wɔ Yálái wɛlilakɛ a ka kwəi tɔ̨nɔ̨, a ka kpinįi kəlee, da ka wɔ huwalawala kəlee.

Hebreu 4:12

Hvo gaai, Yálá laa woo kaa a vulúmąą, vaŋą ə ɓo ɉu, ɲąąliɛ dɛɛ líikpakpa ɓa. A lɔ kpɔ nu hu, ə gili da nįį di ɓɛlaɓo, ə gbulɔn na da gbɔlɔ di ɓɛlaɓo. Yɛ nu kɛ mɛ̨nįɠaa da nwɔɔ kiliŋąhiɛɠaa di hukpɛ.