Lomaŋ 6:4 - Yálá laawoo hɛɓɛ (dc)

⁴ Nwɔ haai mąą pɔɔ kɔ́ɔn ŋɛ̨i gu gɛ a mąąwaa, gwaa nɛ guɔ ma: Gwa diɛ ni gwaa haa, daa gu loo. Yɛ bələi ti Kristə ə kulɔ la haaɓɛlaa lɔwai Nąn nwɔ mąąwiɛ hu, guɔ kpɛli, gwaa yɛnɛ̨ɛ̨ kɛ pələ nįnɛ̨ hɔlɔɓo.

Yálá laawoo hɛɓɛ

⁴ Nwɔ haai mąą pɔɔ kɔ́ɔn ŋɛ̨i gu gɛ a mąąwaa, gwaa nɛ guɔ ma: Gwa diɛ ni gwaa haa, daa gu loo. Yɛ bələi ti Kristə ə kulɔ la haaɓɛlaa lɔwai Nąn nwɔ mąąwiɛ hu, guɔ kpɛli, gwaa yɛnɛ̨ɛ̨ kɛ pələ nįnɛ̨ hɔlɔɓo.

Bible

⁴ M̀ɛni ma kwa dîa-ni dí kúloo saa su batâi sârai, a gɛ́ɛ berei Nàŋ-nuui ŋɔfólo-laai sârai è Kôrai mu siɣe la saa yêei, kúa máŋ ku sía fúlu-laa nina su.

Lomaŋ 6:4 ပူးပေါင်းရင်းမြစ်များ

Ɉaan 11:40

Jesus yɛ mą: «Martə, kɛlɛi ŋį́ kɛ yɛ a kɛ ya laa ná ya Yálá nwɔ mąąwiɛ ka?»

Ɉaan 2:11

Pələi Jesus ə kpalo mɛ̨nį dɔlɔɔ kɛ la Kana daai Galile lɔi hu bələ li. Ə nwɔ mąąwiɛ kulɔ laa pono ŋą, nwɔ kalan nɛai di laa na.

Gɛlaɠaa 2:24

Yálá ə́ gulɔ haa yəi, ə́ gɛ a vulú, ə gulɔ haa nwɔ mɔ̨nɔ̨ hu, mąąhɔlɔɓo, haa nwɔ huwalawalaa yee hva pɛli kɛ mą.

Gɛlaɠaa 2:32

«Jesus tii ɓə, ku kaa mąą mɛ̨nį ɓoi, Yálá ə gulɔ haaɓɛlaa lɔwai ə gɛ a vulu, ku kaa a yili mąą kɛla.

Lomaŋ 6:19

Ka wɔ hvii kpɛɛ laa mąą mɛ̨nį ɓa, gáá nwooɠaai ŋɛ̨i ɓoi kaa a nu kiliŋąhiɛ. Pələi ti tɔlɔɔ ka ka kpinį kəlee kɛ la a mɛ̨nį ɲɔ̨n nwɔ luwɔ, kaa ka kwɛli tee Yálá ɓa, yiihu kɛa ka ka kpinįi kəlee kɛ a tələnmolaa nwɔ luwɔ, ə gɛ, ka wɔ yɛnɛ̨ɛ̨ kɛ pələ ə kɛ a Yálá liiɓa.

Lomaŋ 6:3

A wala kɛti, ka hvo gɔlɔn kaa diɛ guɔi daa gu mąąwaa Jesus Kristə laa hu nwɔ haai mąą pɔɔ kɔ́ɔn ga ti gwaa gɛ?

Lomaŋ 6:8

Akɛ gu laai na guɔ diɛ gwa Kristə a ni gwaa haa gu kee pɔ, gu laai na guɔ diɛ gwa diɛ ni gu kaa pai yɛnɛ̨ɛ̨ kɛi gee pɔ.

Lomaŋ 6:9

Gu gɔlɔn guɔ diɛ kulɔi ŋɛ̨i Kristə ə mo haa yəi, hvo kɛa pai pənəi hvo haa; haa nwɔ huwalawala hvo kɛa mɛ̨i.

Lomaŋ 7:6

Kɛlaa yiihu kɛa, gwaa kulɔ dɔ́n mu. Mąąhɔlɔɓo, hɛn kɛi gu kɛ a haa ŋą hon, gwaa haa, gwaa kulɔ mu. Gwa pɛli kɛa gu gu wɔ yɛnɛ̨ɛ̨ pu nįnɛ̨ kɔlɔi, a tíi gwa mo Yálá ɓa, Kili-Mąąhəɠɛɛ hu, kɛlaa, hva kɛ kɛa yɛ dɔ́n nwooi a kala.

Lomaŋ 8:11

Akɛ Yálá nwɔ Kilii ŋɛ̨i Jesus nwun haa ɓɛlaa lɔwai, gaa ka hui, Yaa ti lɔ Jesus Kristə nwun yɛ gulɔ haa nuą lɔwai, yaa lɔ ɓə pai yɛnɛ̨ɛ̨ tɛɛi ká kɔlɔi ŋɛ̨i haa mɛ̨nį pɛ̨ɛ̨i nwuɔ̨, bɔ; nwɔ Kilii ti ka hu, ɉáálai.

Korɛntə dɔlɔɔ 6:14

Yaan, Yálái ŋɛ̨i gu Ną́mu kulɔ haaɓɛlaa lɔwai, yaa lɔ ɓə pai gu kulɔi haaɓɛlaa lɔwai a nwɔ huwalawala.

Korɛntə veelɛ 13:4

A tɛ̨ą di gbanwo kolɔwa ɓa, nwɔ hviikpɛɛlaa hu, kɛlaa, gaa a vulú, Yálá nwɔ huwalawala laa háálai. Ɛlɛɛ, kuɔ kpɛlimąn, ku hvįikpɛɛi Kristə hu, kɛlaa, ku kaa pai kɛi a ku hvulúmąą kwa diɛni, Yálá nwɔ huwalawala laa háálai ká pɔ pələ.

Korɛntə veelɛ 5:17

Yili ɓa, nui gaa Kristə hu, gaa kɛa a gulaa-nįnɛ̨, ɲɛnɛ̨ɛ̨ pɔlɔ aa tɛɛ, mąą aa hvalin a nįnɛ̨.

Ifisiɛŋ 4:17

Yii kani gáá moi káá, gɛ́ wiɛ mą gu Nąmu laa hu, ya ka: 'Ká hvo kɛa yɛnɛ̨ɛ̨ kɛ, yɛ bələi nuąi di hvo Yálá kɔ́lɔn da yɛnɛ̨ɛ̨ kɛ la, a diɛi di wɔɔ kiliŋąhiɛ a di lɔ kpɛli-kpɛli mɛ̨nį hu.

Ifisiɛŋ 5:8

Tɔlɔɔ yələ, ká kɛ a kpinį, kɛlaa, yiihu, káá kɛ a kɛɛ pono gu Nąmu hu. 'Ká ɲɛnɛ̨ɛ̨ kɛ kɛa, a kɛɛ pono lonnii di wɔɔ yɛnɛ̨ɛ̨ kɛ pələ.

Kolosə 3:10

ɛlɛɛ, káá lɔ kɔlɔ nįnɛ̨ hu, gɔlɔ nįnɛ̨i tii a kɛ lɔ kɛnɛ̨i a yələ kəlee, bɛlimun mąąnįnįn ɉu.

Kolosə 4:1

Luwɔ nąmįną, káá kpəlimąn, ká ká wɔɔ luwɔɠaai hon a tələnmolaa, a ɉaŋąą. Ká kili ə pu ɉu káá kpɛlimąn, káá, ká Nąmu kaa yələkɔlɔn ɉu.

Piɛrə dɔlɔɔ 3:21

Ɲąi tii kaa a mąąwaaɓoi aa ká ɓalo yiihu, gɔɔn mąą, hvo a kɔhɔɓoi ká kɔlɔ ɓa, nwaa hɛn, kɛlaa, yili kaa a nu kpɔwɔ kwɛlɛɛ Yálá ɓa, ə́ kili hu pələ, a ká ɓalo, Jesus Kristə nwun ə mo haa yəi ɉáálai,

Zɔ̂ŋ Maa-ŋuŋ 2:6

Nui a kɛ diɛ gaa ɉu, hvo kɛli mąą nu a hiɛ a bələi yaa tii a Jesus ə hiɛ la.