Lomaŋ 6:22 - Yálá laawoo hɛɓɛ (dc)

²² Kɛlɛɛ yiihu kɛa, kaa kulɔ nɛ̨ŋɛ̨n nwɔ luwɔlaa hu. Kaa kɛ a Yálá nwɔ luwɔɠaa; tɔ̨nɔ̨ yii gaa ɉu ya ɓaa: Kaa kɛ a Yálá liiɓa mɛ̨nį kɛ nuą, yili ɲąąkpɛɛi ɓaa yɛnɛ̨ɛ̨ kpɛɛ hvo mą.

Yálá laawoo hɛɓɛ

²² Kɛlɛɛ yiihu kɛa, kaa kulɔ nɛ̨ŋɛ̨n nwɔ luwɔlaa hu. Kaa kɛ a Yálá nwɔ luwɔɠaa; tɔ̨nɔ̨ yii gaa ɉu ya ɓaa: Kaa kɛ a Yálá liiɓa mɛ̨nį kɛ nuą, yili ɲąąkpɛɛi ɓaa yɛnɛ̨ɛ̨ kpɛɛ hvo mą.

Bible

²² Kɛ́lɛ, ká nâa kùla sɔnyɔ̂ŋ ŋɔwála-walai mu ka kɛ́ a Ɣâla ŋɔnûa. M̀ɛni lɛ́lɛɛ ƃa ka nâa kɛ́ a Ɣâla pɔ́ɔ, nyaŋ mɛni lɛ́lɛɛi pâi kulâi nyíŋi su kámɛni mai nya ƃa wɔ́lɔ-wɔlɔ fulu-laai.

Lomaŋ 6:22 ပူးပေါင်းရင်းမြစ်များ

Zɛnɛse 50:17

‹Ka nwóó ŋɛ̨i laa həli Ɉosɛfə ɓa, kaa mą, Ɉakɔbə yɛ: Mɛ̨ni nwąnąąi ə́ liɛni di naa yɛ́, yii kpɔ di gɛ a yɛ́ a ɲɔ̨nwɔ̨ɔ̨, di mąąhvaalɛɛ gəlee hu.› Yili ɓa, Ɉosɛfə, kuɔ: Ə́ ku mąąhvaalɛɛ, gu kəlee ɓə gwa kwɛli hvilɛn gu nąn nwɔ Yálái ɓa.» Nwɛlɛɛ tii ɓoi di mo Ɉosɛfə ɓa, ə hee yɛ wɔlɔ.

Zôo 1:8

Yai-Laa ə mo mą, yɛ mą: «Ə́ nwɔ́ tímun Ɉobə kaa? Ɲɔ̨nwɔ̨mąn və lɔi mɛ̨i. Gaa a nui dúwɔ́ pələ lɛlɛɛ, ə lɛɛ, nwɔ mɛ̨nį haŋąą, yɛ ɲɔw Yálá ɓa, yɛ mąąkwɛa mɛ̨nį ɲɔ̨n ma.»

Mąątɛ̨nɛ̨ 143:12

Ə́ wɔ wɛlikɛmąąlaa haalai, ə́ kaa pai ɲówoɠaa paai, Nuąi kpɔ daa hee mɛ̨́i, yɛ́ di nwunna pili. Mąąhɔlɔɓo ə́ wɔ tímun maa a ɲą́ą́.

Mąątɛ̨nɛ̨ 86:2

Nwɔ́ yɛnɛ̨ɛ̨ laa hɔnmo ɲə́i, mąąhɔlɔɓo, ŋą́ kulɔ nwóó ɓa. Yɛ́i a nwɔ́ Yálá, 'ə́ wɔ tímun ɓalo, gilitɔɔ ɓə yɛ́.

Mąątɛ̨nɛ̨ 92:14

Ɉinŋąąi mɔ̨ɔ̨ Yai-Laa yəi bɛlɛ́n, yɛ kɛnɛ̨ gu wɔ Yálái yəi gwəlii.

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Danîa 3:26

Yili pulu, Nabukodonosorə ə mąą lɛɠɛ vuulu laaləi, ə mo a nwoo kɛnɛ̨ yɛ diɛ: «Sadrakə, Mesakə, Abɛdə-Nego, Yálá yii gaa hɛn gəlee nwun mɛ̨i nwɔ kóló kɛ nuą, ka kulɔ nwɔ̨n ɉu ka pa!» Sadrakə, Mesakə, Abɛdə-Nego, di kulɔ nwɔ̨n ɉu.

Danîa 6:20

Yələ ɓɔi lɔwai, tɔɔmun ə homo ɲala kwənąn naaləi.

Lonon mo 23:10

Gbɛɛ ɓə a pɛli Ɉakɔbə nwɔ muluun gbalai nonon ɉii? Da Israɛlə nwɔ nu kpului tii líi lɔ daną danąi? Yálá ə gɛ ŋį́ haa a dələnmo nuąi ŋɛ̨i haa pələ. Nwɔ́ yɛnɛ̨ɛ̨ laa kulɔi ə kɛ yɛ di wɛi.»

Maafîu 13:40

Pələi tii da gala kɔ́w ɲɔ̨n gulɔ la ɉu, bələ ɓə gaa pai kɛi la a yɛnɛ̨ɛ̨ ɉaakpɛɛi lɔwai.

Maafîu 13:43

Kɛlaa, yiiɠaai da Yálá woo hon, da kɛ lən ɉi yɛ, hvóló di Ną́n Yálá nwɔ tɔɔlaai hu. Yili ɓa, nui nwəli kaa mą ə mɛ̨n!»

Maafîu 19:29

Ə lɛɛ, nui lɔpee a nwɔ pɛlɛ́i lɛɛ, ə nąn nonni hinąą da nąn nonni nɛ̨ą lɛɛ, ə nąn a wala kɛ tii ə nee lɛɛ, ə nonni da nwɔ hihɛn ɉaa kəlee lɛɛlaa náá mąą mɛ̨nį ɓa, a gbulu kɛnɛ̨ hɔlɔɓo, ə yɛnɛ̨ɛ̨ kpɛɛ hvo mą hɔlɔɓo Yálá yəi.

Maafîu 25:46

«Yili pulu yiliɠaa da li laa nɔ̨nwɔ̨ hu yii kpɛɛ hvo mą, kɛlaa, təli monuą da li yɛnɛ̨ɛ̨ hu yii kpɛɛ hvo mą ɉu.»

Ɉaan 15:16

Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Ɉaan 15:2

Nwónwoi lɔpee hva ɓa, Ną́n a dee mą́ą́. Yii nwɔ̨nɔ̨ a kɛi ɓai, a naahɔnmo, əgɛ, ə ɓa kɛnɛ̨.

Ɉaan 4:36

Nui gaa mɔ̨nun deei, a gbɛa vɛla hɔlɔɓo, ə nwɔ mɔ̨nun ŋąąkpɔn gee ɓa, yɛnɛ̨ɛ̨ kpɛɛ hvo mą mąą mɛ̨nį ɓa. Yili ɓa, nui a kɛɛhín, da nui a mɔ̨nun dee, da di kwəinɛ̨ɛ̨ gee pɔ.

Ɉaan 8:32

Ka káá pai tɛ̨ą kɔ́lɔn ɉii, dɛ̨ą tii kaa pai ka nwun mąąɓoi.»

Lomaŋ 6:14

Mąą hvo nɛɛ li nɛ̨ŋɛ̨n və tɔɔlaa kɛ kɛa ka mɛ̨i, mąąhɔlɔɓo, ka hvo kɛa tɔ́n mu, kɛlɛɛ, ka káá kɛa mɛ̨inɛ̨ɛ̨ mu.

Lomaŋ 6:18

Kaa kulɔ nɛ̨ŋɛ̨n nwɔ luwɔlaa hu, kaa kɛ a tələnmolaa nwɔ luwɔ.

Lomaŋ 6:21

tɔ̨nɔ̨ ləi ɓə ka ɉɔlɔɓo ɉu? Háákələi yili kɛ nwumɛ̨ kaa kaa, mąąhɔlɔɓo, ɲąąkpɛɛi ɓaa haa.

Lomaŋ 7:25

Mąąwiɛ ə kɛ Yálá ɓa gu Ną́mu Jesus Kristə laa hu, mąąhɔlɔɓo, Yálá ɓə a pɛli mą. Ŋɔ́ kiliŋąhiɛ lɛlɛɛ hu pələ, ŋą́ą́ kɛ kɛa a Yálá nwɔ tɔ́n nwɔ timun, kɛlaa, nwɔ́ nu hvii kpɛɛ laa hu, gáá a nɛ̨ŋɛ̨n nwɔ tɔ́n nwɔ timun.

Lomaŋ 7:4

Káá kpɛli mąn, ną́n nonnii, káá haa tɔ́n ma Kristə kpįnį hu, ə gɛ, ka kɛ a nu takpɛli nwɔɔ, a yai kulɔ haa yəi, əgɛ, guɔ pɛli ɓái, gu ɓá yɛ kɛ a Yálá nwɔɔ.

Lomaŋ 8:2

Mąąhɔlɔɓo, Kili nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

Korɛntə dɔlɔɔ 7:22

Mąąhɔlɔɓo, luwɔ yii gu Ną́mu ə dəli, ə nwun mąąɓo gaa a gu Ną́mu nwɔɔ. Nui yaan kɛ gbɔwɔ ɓa diɛ dəli, gaa a Kristə nwɔ luwɔ.

Korɛntə veelɛ 3:17

Mąąhɔlɔɓo, gu Ną́mu kaa a Kili, yaan, ɓɛi gu Ną́mu-Nįi kaa laa, nąą ɓə lɛɛ gbɔwɔ ɓa laa kaa laa.

Galatə 1:10

Gaa ká kwəi nuą di di ɲɛ̨i lɛlɛɛ hee mą́ą́ mɛ̨nį ɓə, a wala kɛ tii, Yálá nwɛi? Gaa ká kwəi nu liiɓa ɓə gáá gwɛlii? Akɛ yili ɓə, vá pɛli kɛ kɛi a Kristə ŋą tímun.

Galatə 5:13

Ka wɛi, ną́n nonnii, ká lɛɛ mɛ̨nį ka kpɔwɔ yee kɔnma mɛ̨nį ɓə, Kristə ə ka təli la, kɛlaa, ká hvo nɛɛ gbɔwɔ yee kɔnma laai ti kaa yɛ, mɛ̨nį ká laa ɉu, káá kɔ́lɔ liiɓa kɛ. Kɛlaa wɛlikɛmąą laa hu, 'ká kɛ a ká keeni di wɔɔ tínuą

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Ifisiɛŋ 5:9

Ɛlɛɛ, kɛɛ pono ɓá ɓaa: Lii nɛ̨ɛ̨ gwəi laa, tələnmo laa da tɛ̨ą.

Filipə 1:11

yili ɓə a gɛ, ká pilɛ kɛa a tələnmolaai a həɠə Jesus Kristə yəi, yɛ pa gu pɔ, guɔ Yálá mąąwiɛ la, guɔ Naa tɛ.

Filipə 4:17

Və́ moi ti gɛ́ kɛ nwɔ̨nɔ̨ ká hɛn da tɛɛ bɔ́, yii gáá bɔ ya ɓaa: ka kɛnɛ̨ Yálá mɛ̨nį hu.

Kolosə 1:10

Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.

Kolosə 4:12

Epafrasə yɛ ka tuwɔ ɓo, yai a ká ta. Jesus Kristə ŋą tímun yili nwɛi, vįi hva kpɛɛ Yálá hvɛlii ká mąą mɛ̨nį ɓa, a Yálá hvɛli, yɛ ka tɔɔ kpąą, ká kɛnɛ̨ Kristə kɔ́lɔnŋąą hu, ɛlɛɛ, ká kɛ a Yálá liiɓa kɛ pələ kɔ́lɔnŋąą.

Taitɔ 1:1

Polə Yálá ŋą tímun, Jesus Kristə ŋą kɛla, yai mąąnɛ̨ɛ̨i ə pələ kulɔ a Yálá ŋą nu həɠɛɛ ɉuɠaa, diɛ pa laa na laa pɔ pələ, diɛ pɛli tɛ̨ą kɔlɔn ɉii, yɛ bələi Yálá kaa la bɔ,

Hebreu 12:14

'Ká tɔɔ a ká nwąnąi, liilaa ə kɛ ká nu kəlee ká lɔwai, ɛlɛɛ, ká mąąhəɠəlaa kwɛli, yai ə kulɔ bulu, nu hva pɛli Yálá ɲɛ̨ilaai kaai.

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

Piɛrə dɔlɔɔ 1:9

káá ká wɔɔ laa na laa ɉɔ̨nwɔ̨ hɔlɔɓo a ká nįiɠaa ɓalo mɛ̨nį.

Piɛrə dɔlɔɔ 2:16

'Ká tuwɔ́ yɛ nuąi di kaa di gbɔwɔ ɓa, 'ká hvo nɛɛ gbɔwɔ ɓa laai tii kaa a mɛ̨nįi ká laa ɉu, káá nwąnąlɔɔ túwɔ́ ɓo la, kɛlaa, 'ká túwɔ́ yɛ Yálá ŋą tínuą.

M̀ɛni-lɛɛi 7:13

Galanɉonŋaa tii tɔ̨nɔ̨, ə bə́lə́ həɠə, yɛ mą́ą́: «Nuą tii di mąą yiliɛ a ɉəɠə kwɛaa kwɛlɛɛi, gbɛɛ nuą li, ɛlɛɛ, di həɠə mį?»