Lomaŋ 6:19 - Yálá laawoo hɛɓɛ (dc)

¹⁹ Ka wɔ hvii kpɛɛ laa mąą mɛ̨nį ɓa, gáá nwooɠaai ŋɛ̨i ɓoi kaa a nu kiliŋąhiɛ. Pələi ti tɔlɔɔ ka ka kpinį kəlee kɛ la a mɛ̨nį ɲɔ̨n nwɔ luwɔ, kaa ka kwɛli tee Yálá ɓa, yiihu kɛa ka ka kpinįi kəlee kɛ a tələnmolaa nwɔ luwɔ, ə gɛ, ka wɔ yɛnɛ̨ɛ̨ kɛ pələ ə kɛ a Yálá liiɓa.

Yálá laawoo hɛɓɛ

¹⁹ Ka wɔ hvii kpɛɛ laa mąą mɛ̨nį ɓa, gáá nwooɠaai ŋɛ̨i ɓoi kaa a nu kiliŋąhiɛ. Pələi ti tɔlɔɔ ka ka kpinį kəlee kɛ la a mɛ̨nį ɲɔ̨n nwɔ luwɔ, kaa ka kwɛli tee Yálá ɓa, yiihu kɛa ka ka kpinįi kəlee kɛ a tələnmolaa nwɔ luwɔ, ə gɛ, ka wɔ yɛnɛ̨ɛ̨ kɛ pələ ə kɛ a Yálá liiɓa.

Bible

¹⁹ Ŋa kákɔlɔŋ woo-ŋa ƃôi kâa, kpɛ́ni fêi, kákponôi fíi kpɛɛ̂i. Ká ǹɛɛ naa kákponôi gwaa kélee kɛ́ ƃò a ŋwana-lɔ̂ɔ kɛ́ sãa. Kɛ́lɛ fɛ̂ɛ ka ǹɛɛ naa kákponôi gwaa kélee kɛ́ ƃò naa Ɣâla ŋɔtíi kɛ́ mɛni ma.

Lomaŋ 6:19 ပူးပေါင်းရင်းမြစ်များ

Levetekɔ 13:40

«Nu ta nwuɔ̨ a kɔ́mɔ, nwun nəɠa lɔ ka tii pu, tɔ́n və mą.

Maafîu 4:23

Jesus ə li Galile lɔi hu nąą kəlee, yɛ nuą kalan, di wɔ Yálá hvɛli pɛlɛ́ɠaa mu. Yɛ Yálá-taa tɔɔlaa mąą wɛlɛɛ lɛlɛɛ laa həli, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ yiiɠaai kpɛɠi ə kɛ diɛ, nuą lɔwai.

Lomaŋ 15:1

Guɔi ŋɛ̨i huwalawala kaa gu yəi laa na pələ mɛ̨i, manɛɛ gu kpɔnmąą tɛɛ hviikpɛɛ nuą pɔ; gu di hvaŋą lɔ, gu hvo gu kpɔɔ liiɓa kɛ!

Lomaŋ 3:5

Akɛ gwa wala tələnmolaa kɛ, yili ɓə Yálá a nwɔ tələnmolaa lɛ lai, gwa pɛli kɛi lə yili hu? Yálá aa kɛli gu hutoo a lííholi, nu nwɔ kiliŋąhiɛ hu, gwa kɛ mą: hvo haŋąn ni.

Lomaŋ 6:13

Ka hvo ka tɔɔ-tɔɔiɠaa ta lɛɛ laa hvo kɛ a nɛ̨ŋɛ̨n nwɔ tiɓo kɛhɛn, yii a kɛ mɛ̨nį ɲɔ̨n gɛi la. Kɛlɛɛ yaamunn, ka ka kpɔɔ tɛɛ Yálá pɔ yɛ nuąi daa kulɔ haa hu daa kɛ a di húlu. Ka ka kɔ́lɔ nąą kəlee lɔ nwɔ tiɓo hu, ə gɛ, yii gaa a tələnmo mɛ̨nį ka yili kɛ.

Lomaŋ 7:23

Kɛlaa, ŋą́ą́ tɔ́n da kpɛli kaa gɔ́lɔi yɛ kɔ́ pɛlɛ nwɔ́ kiliŋąhiɛ lɛlɛɛ ɓa yɛ gɛ́ a nɛ̨ŋɛ̨n nwɔ luwɔ.

Lomaŋ 8:26

Bələi tii ɓə, Kili-Mąąhəɠɛɛ a kpɔnmąą tɛɛ la gu wɔ hvįikpɛɛlaa pɔ. Mąąhɔlɔɓo, gu hva Yálá hvɛli yɛ bələi mąąnɛ̨ɛ̨ la. Kɛlaa, Gilii yaa kpįnįi ɓə a kɛ wɔlɔi, yɛ ɲįŋɛ̨ gu mąą mɛ̨nį ɓa, a wooɠaai gu hva pɛli moi.

Korɛntə dɔlɔɔ 5:6

Mɛ̨nįi tii ka káá ka kpɔwɔ ɲąąkɛnɛ̨i ɉu, hvo lɛlɛ li, ka hvo gɔlɔn kaa diɛ: «Lɛɠɛi dɛ hɛn nogolo a pɛli ə lɛɠɛ kpɔlɔ kɛnɛ̨ tɛ?»

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Korɛntə dɔlɔɔ 9:8

Nu kanŋaa lɔ ɓə yili kaa di lɔwai, awala kɛ tii, Dɔn nwoo hvo mɔ̨ɔ̨ mɛ̨nį tɔ̨nɔ̨i tii ɓo?

Galatə 3:15

Ną́n nonnii, ká gu mɛ̨nįi ŋɛ̨i gɔɔnmąą həɠə gu yíi pələ hu; nu a nwoo kwɛlɛ, ə gwəi woo ɓo, vilɛnŋąą ginɛ̨ ɓa a neelee, di hva da həɠə mą, di hva da pɛlɛ mą.

Hebreu 12:15

Ká gɛ a nɛlɛɛ, nu ta hvo bulu tɔɔ Yálá nwɔ nɛ̨ɛ̨laai ɓa, hvo kɛ a kala nwąną mɛlaa lɔwai, yɛ pilimąą, yɛ gbɔn ɉu taɠa.

Hebreu 4:15

Ɉaláá laa həli mun gɛnɛ̨mun gaa ka gu yəi, vįi hvo kpɛɛ li. A pɛli kpɔnmąą tɛɛi gu pɔ, gu wɔɔ hvįikpɛɛ laa hu. Yaa tii, ɲąąhɛn mɛ̨nį huwu kəlee ə həli mą, yɛ guɔ, kɛlaa, hvo nɛ̨ŋɛ̨n ɉəɠə da hu.