Lomaŋ 6:18 - Yálá laawoo hɛɓɛ (dc)

¹⁸ Kaa kulɔ nɛ̨ŋɛ̨n nwɔ luwɔlaa hu, kaa kɛ a tələnmolaa nwɔ luwɔ.

Yálá laawoo hɛɓɛ

¹⁸ Kaa kulɔ nɛ̨ŋɛ̨n nwɔ luwɔlaa hu, kaa kɛ a tələnmolaa nwɔ luwɔ.

Bible

¹⁸ Ka nâa kula sɔnyɔ̂ŋ ŋɔluɛ-laai su, ka kɛ́ a tɔ̃yâ laa-la ŋɔluɛ-ŋa.

Lomaŋ 6:18 ပူးပေါင်းရင်းမြစ်များ

Mąątɛ̨nɛ̨ 116:16

Nɛ̨ɛ̨ yɛ́ Yai-Laa, mąąhɔlɔɓo gáá a ə́ wɔ tímun, gáá a ə́ wɔ luwɔnɛ̨ąi lon ɉulɔnu; yaa ɲíli yɛliɠaa hvoloon.

Mąątɛ̨nɛ̨ 119:32

Gáá gilɛ həɠəi ə́ wɔ tɔn nwooi nwɔ pələɠaai mɛ̨i, mąąhɔlɔɓo, yaa ɲéé la hvoloon.

Mąątɛ̨nɛ̨ 119:45

Ŋą́ nwɔ́ yɛnɛ̨ɛ̨ kɛ nɛ̨́ɛ̨́ hu, mąąhɔlɔɓo ə́ wɔ tɔn nwooiɠaai ɓə gáá bɔ.

Azaya 26:13

Yai-Laa ku wɔ Yálá, ku ɲąąwooɓo nuą takpɛliɠaa daa hee ku mɛ̨i, Kɛlaa, Ə́ laa tɛ mɛ̨nį lɔ ɓə ku kaa pənəi kuɔ mo.

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Lukə 4:18

«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo,

Ɉaan 8:32

Ka káá pai tɛ̨ą kɔ́lɔn ɉii, dɛ̨ą tii kaa pai ka nwun mąąɓoi.»

Ɉaan 8:36

Akɛ Nu lon a ka nwun mąąɓo, ka kɛ kpɔ a lɛɛ gbɔwɔ ɓa nuą leelee.

Lomaŋ 6:14

Mąą hvo nɛɛ li nɛ̨ŋɛ̨n və tɔɔlaa kɛ kɛa ka mɛ̨i, mąąhɔlɔɓo, ka hvo kɛa tɔ́n mu, kɛlɛɛ, ka káá kɛa mɛ̨inɛ̨ɛ̨ mu.

Lomaŋ 6:22

Kɛlɛɛ yiihu kɛa, kaa kulɔ nɛ̨ŋɛ̨n nwɔ luwɔlaa hu. Kaa kɛ a Yálá nwɔ luwɔɠaa; tɔ̨nɔ̨ yii gaa ɉu ya ɓaa: Kaa kɛ a Yálá liiɓa mɛ̨nį kɛ nuą, yili ɲąąkpɛɛi ɓaa yɛnɛ̨ɛ̨ kpɛɛ hvo mą.

Lomaŋ 6:7

Mąąhɔlɔɓo, nui aa haa, nwun mąą a ɓo nɛ̨ŋɛ̨n ɲəi.

Lomaŋ 8:2

Mąąhɔlɔɓo, Kili nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

Galatə 5:1

Gu lɛɛ mɛ̨nį gu kpɔwɔ yee kɔnma mɛ̨nį ɓə, Kristə ə gu nwun mąąɓo la. 'Ká tɔɔ kani a ká nwąnąi, ká hvo ká kpɔwɔ lɛɛ laa, di hvo ká too luwɔlaa ŋą kpɔnɔ̨ nįnɛ̨ ɲą.

Piɛrə dɔlɔɔ 2:16

'Ká tuwɔ́ yɛ nuąi di kaa di gbɔwɔ ɓa, 'ká hvo nɛɛ gbɔwɔ ɓa laai tii kaa a mɛ̨nįi ká laa ɉu, káá nwąnąlɔɔ túwɔ́ ɓo la, kɛlaa, 'ká túwɔ́ yɛ Yálá ŋą tínuą.