Lomaŋ 5:14 - Yálá laawoo hɛɓɛ (dc)

¹⁴ Kɛlaa yaamun, ə həɠə Adamə nwɔ yələ ɓa ə həli la Moisə ɓa, haa ə kɛi tɔɔlaa kɛ nu kəlee mɛ̨i. Bələi mąn nu kəlee hvo Yálá woo tee la ɲą yɛ bələi Adamə ə gɛ la. Nui kɛi pa hɔlɔɓoi, Adamə ə kɛ a bɔɔ kɔ́ɔn.

Yálá laawoo hɛɓɛ

¹⁴ Kɛlaa yaamun, ə həɠə Adamə nwɔ yələ ɓa ə həli la Moisə ɓa, haa ə kɛi tɔɔlaa kɛ nu kəlee mɛ̨i. Bələi mąn nu kəlee hvo Yálá woo tee la ɲą yɛ bələi Adamə ə gɛ la. Nui kɛi pa hɔlɔɓoi, Adamə ə kɛ a bɔɔ kɔ́ɔn.

Bible

¹⁴ É máŋ kɛ́ tí, saa è kɛ̀ nɔ́ núu kélee pôlu, é síɣe Adaŋ ŋɔtãi ma é tóo Mose ŋɔtãi ma, diai máŋ dífe sɔnyɔ̂ŋ kɛ́ ni yɛ̂ɛ berei Adaŋ e sɔnyɔ̂ŋ kɛ̀ lai. Adaŋ è kɛ̀ yɛ̂ɛ núui kɛ̀ pâi.

Lomaŋ 5:14 ပူးပေါင်းရင်းမြစ်များ

Zɛnɛse 19:25

Pələ ɓə Yai-Laa ə daa hveelɛi tii da gwɛlɛ lɔi kəlee kələn na, ɉu nuą ə mą kɛ ɉu wuluɠaa mąn.

Zɛnɛse 4:8

Ə kɛ lɔ a yələ ta, Kain yɛ nəɠə Abɛlə ɓa: «Pa gwəli ə́ náálɛ.» Lii kɛa di moi, Kain ə wolo nəɠə Abɛlə ɓa, ə baa.

Zɛnɛse 7:22

Hɛn kpɔ kɛi nɔ̨ɔ̨, diɛi kpɔ kɛ lɔi kpalan ma, gəlee di haa

Lɛɛ gbɔwɔ ɓa 1:22

Tɔɔmun yɛ nwɔ lɔi hu nuą kəlee diɛ: «Hebreuɠaa da lon ɉinąą hɔlɔɓo, 'ka Nilə kɔ́ la, a kɛ a nɛ̨ɛ̨nu, 'ka nɛɛ a vulú.»

Lɛɛ gbɔwɔ ɓa 1:6

Ɉu kwɛa kɛa, Ɉosɛfə da nąn nonnii di haa, da di muhəɠəyɔwɔɠaa kəlee.

Osia 6:7

Kɛlaa di wɛi, yɛ nu kanŋaa, daa mįnɛ̨ həɠɛɛ hu kala, bələi di mówo la bələ li.

Zôna 4:11

Yɛ́ Ɉonasə, hvo kɛ bɔ və́ Ninivə daa lee kɛnɛ̨i tii hu nuą mąąwɛli kaa? Nu kpului daai tii hu, di tɛɛi nu waa nwundɔ̨nɔ̨ ɲee hveelɛ hu, kɛlaa, di hvo kɛ mɛ̨nį lɛlɛɛ kɛ pələ kɔ́lɔn di kpɔɔ ɓa; ə mą kɛ daatɛlɛɛɠaa.»

Lomaŋ 5:12

Yɛ bələi gaa la, nu laa pɔɔ ɓə nɛ̨ŋɛ̨n nɔ yɛnɛ̨ɛ̨, mąą nui ɓaa Adamə, nɛ̨ŋɛ̨n ɲaan, ə pa a haa; yili ɓə gɛ haa yɛ həli nu kəlee ɓa, mąąhɔlɔɓo, nu Kɛlaa daa nɛ̨ŋɛ̨n ɉəɠə.

Lomaŋ 5:17

Nu tanɔ̨n ti hɔn mə gɛ, haa yɛ hvilɛn nu kəlee pulu. Kɛlaa, Jesus Kristə tanɔ̨n gbən ɉaalai ɓə, gwaa mɛ̨nį lɛlɛɛ tamąą hɔlɔɓo la. Nuąi da Yálá nwɔ mɛ̨inɛ̨ɛ̨ hɔlɔɓo da tələnmolaa, da yɛnɛ̨ɛ̨ hva kpɛɛ hɔlɔɓo da tɔɔlaa Kristə laa hu.

Lomaŋ 5:21

Ya ɓə gɛ, yɛ bələi nɛ̨ŋɛ̨n ə hee la gu mɛ̨i a haa, bələ lɔ ɓə Yálá nwɔ mɛ̨inɛ̨ɛ̨ a tɔɔlaa kɛ la tələnmolaa háálai, ə gɛ, ə li a guɔ yɛnɛ̨ɛ̨ hva kpɛɛ hu, gu Ną́mu Jesus Kristə háálai.

Lomaŋ 8:20

Pɛli hɛnŋaai daa too kpɛli-kpɛli mɛ̨nį yeekɔnma, di hvo naali di kwəi; kɛlaa, ɉɛn tii di ɲąąhɛn, gɛ tíi li. Kɛlaa ə mą kɛ tii, kilitɔɔmąąlaa kaa lɔ ni di yəi.

Lomaŋ 8:22

Gu gɔlɔn, Yálá nwɔ pɛli hɛnŋąa kaa mɔ̨nɔ̨ mįi yɛ pələi Nɛ̨ɛ̨nu a mɔ̨nɔ̨ mįi la kwəi nwąną hu.

Korɛntə dɔlɔɔ 15:22

Yii yan Adamə hu ɓə nu kəlee di haa la, nu kəlee da yɛnɛ̨ɛ̨ hɔlɔɓo Kristə hu, a ba yələ;

Korɛntə dɔlɔɔ 15:45

Yɛ bələi bɛ̨ɛ̨ la, yɛ mą: «Nu tɔlɔɔ, Adamə, nu kɔ́lɔ ə kɛ mą, nɔ̨ɔ̨ yɛ ɓo ɉu», kɛlaa, Adamə gbɛlamąą, gaa a Yálá-taa mun, ɛlɛɛ, yɛ yɛnɛ̨ɛ̨ tɛɛ nu kanŋaa pɔ.

Hebreu 9:27

Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.