Lomaŋ 5:11 - Yálá laawoo hɛɓɛ (dc)

¹¹ Yili pulu yii gaa laa ya ɓaa: Gwa gu kpɔwɔɲąą Yálá mɛ̨nį hu gu Nąmu Jesus Kristə háálai, yaai gwa diɛ ni gu yee lɔ gee hu.

Yálá laawoo hɛɓɛ

¹¹ Yili pulu yii gaa laa ya ɓaa: Gwa gu kpɔwɔɲąą Yálá mɛ̨nį hu gu Nąmu Jesus Kristə háálai, yaai gwa diɛ ni gu yee lɔ gee hu.

Bible

¹¹ Kɛ́lɛ, m̀ɛnii da kpɛ́ni ká ŋí. Kwa lii-nɛ̃ɛ kùla Ɣâla kponôi Kúnuu-namui Zîsɛ Kôrai sârai, nyíi a pá a kúa pôlu Ɣâla pɔ́i.

Lomaŋ 5:11 ပူးပေါင်းရင်းမြစ်များ

Mąątɛ̨nɛ̨ 104:34

Mąątɛ̨nɛ̨ wələi gáá dooi, ə nɛ̨ɛ̨ nwəlii! Ɛlɛɛ, Yai-Laai, 'ə kɛ lɔ a nwɔ kwəinɛ̨ɛ̨.

Mąątɛ̨nɛ̨ 149:2

Israɛlə ə kwəinɛ̨ɛ̨ kulɔ bɛlimun naa hu, Siɔn lonnii di hɛ́li pu di wɔ Heeɓomun mąą mɛ̨nį ɓa!

Mąątɛ̨nɛ̨ 32:11

'Ka kwəinɛ̨ɛ̨ kulɔ Yai-Laa mąą mɛ̨nį hu, kaai a tələnmo nuąi, 'ka kɛ kwəinɛ̨ɛ̨ hu; ɛlɛɛ, kaai kpɔ a kwəi kwələ nuą, 'ka pili yələi a kwəinɛ̨ɛ̨.

Mąątɛ̨nɛ̨ 43:4

Gáá pai həlii kpɔ Yálá kɔ́i, a Yálái tii a gɛ, gɛ́ mąną a kwəinɛ̨ɛ̨, gáá pai ə́ laa tɛi a wələ, a bɛlɛgwəi gwɛnįn nwoo, Yálá, yɛ́i a nwɔ̨ Yálá!

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Lukə 1:46

Mari ə mo kɛa yɛ mą: «Gáá Ną́mu Yálá nwɔ kɛnɛ̨ laa mąątɛ̨nɛ̨i kpɔ kɛnɛ̨.»

Ɉaan 1:12

Kɛlaa, ə mą kɛ tii, nu tɛi-tɛiɠaai di yee hee mui, di laa na, ə huwalawala tɛɛ di pɔ, ə gɛ, di kɛ a Yálá lonni.

Lomaŋ 11:15

Yaan, akɛ di mąą tɛi ŋɛ̨i di mo pulu, yili ɓə gɛ Yálá da yɛnɛ̨ɛ̨ nuą di yee yɛ lɔ gee hui, akɛ da pənə da di mąą lɛɠɛ Yálá ɓa, lə ɓə kɛa a kɛ? Yii a kɛ kɛa ya ɓaa: Nuąi kɛ mąąnɛ̨ɛ̨ di haa, da yɛnɛ̨ɛ̨ hɔlɔɓo.

Lomaŋ 2:17

Yɛ́i Ɉuifə laa kaa yɛ́, ə́ kilitɔɔ Moisə nwɔ tɔ́n ma, yɛ́ ə́ kpɔwɔ ɲąą kɛnɛ̨ Yálá laa hu,

Lomaŋ 5:1

Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Lomaŋ 5:10

Akɛ, ɓɛlɔwai gu kɛ la a Yálá ɲowoɠaa Yálá Lon ə haa ə gu lɔwai pɔnnaa kulɔ gwa Yálá ni, yiihui ŋɛ̨i kɛa, gwa Yálá ni gwaa nɛɛ, gu nwun mąą aa ɓo Non ɉaalai.

Lomaŋ 5:3

Yili pulu, mɔ̨nɔ̨ɠaai laai guɔ, gu kwəi a nɛ̨ɛ̨ ɉu. Mąąhɔlɔɓo, gu gɔlɔn guɔ mɔ̨nɔ̨ mį́ɛ hu ɓə, liikpələ kaa laa.

Lomaŋ 8:23

Yɛnɛ̨ɛ̨ yaa tɔ̨nɔ̨ lɔ hvəə, guɔi ŋɛ̨i gwaa Kili-Mąąhəɠɛɛ hɔlɔɓo tɔlɔɔ, guɔ kpɛli gu kaa lɔ mɔ̨nɔ̨ mįi gu hu pələ, guɔ kɛ diɛ: Yálá ə pa kɛa ə gu kɛ a nonnii, ɛlɛɛ, ə gu kɔlɔ nwun mąąɓo.

Lomaŋ 9:10

Gəlee hvə li, gu kalaɓɔlɔ Isaakə tanɔ̨n tii ɓə, nɛ̨ą Rebeka ə koo həɠə mą.

Korɛntə dɔlɔɔ 10:16

Núwɔ́ kpələ kɔwɔi gwa kɛ lúwɔ́ kɛi mą, hvo mɔ̨ɔ̨ gu tɔɔi kɛ tanɔ̨n Kristə ɲąmą hu? Nɛɠɛ gwa kɛ ɲąąkwɛlɛi gu gee lɔwai, yai a Kristə kɔlɔ, hva mɔ̨ɔ̨ gu yee lɔ gii hu gwa diɛ ni?

Korɛntə veelɛ 8:19

Ɛlɛɛ nwɔ̨nɔ̨, yaa ɓə galan gbɔn gəlee di di yee lɛ mą, ə kɛ ku pɔ, ku wɔɔ hiɛɠaai hu, nú-kpɔwɔlaa kólói ŋɛ̨i hu, a gólói ku kaa gɛi, gu Nąmu kpinįi laa mąąwiɛ mɛ̨nį ɓa, ɛlɛɛ, ku wɔ kiliŋąhiɛ lɛlɛɛɠaa pɔ mɛ̨nį yɛ kɛ.

Galatə 4:9

Kɛlaa, yiihu kɛa, yii kɛa káá Yálá kɔ́lɔn, a wala kɛti, yɛ bələi aa ká kɔ́lɔn na, ká tɔɔ pələ kɛ ləi nwɔ̨nɔ̨, káá pənə káá li ɉɛn vįikpɛɛɠaa ti pɔ pələ; a diɛi tii di hvɛɠɛɛi, káá nwɔ̨nɔ̨ lɔ di yee mu, luwɔlaa nįnɛ̨ hu?

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Filipə 3:1

Yili ɓa, nąn nonnii, 'ká kwəinɛ̨ɛ̨ kulɔ gu Ną́mu hu. Nwoo tɔ̨nɔ̨i ŋɛ̨i pɛ̨ɛ̨ mɛ̨nį hva vįi kpɛɛ, yili ɓə viɛlaɓoɔ ka mąą mɛ̨nį ɓa.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.

Kolosə 2:6

Yili ɓa, ká lɛɛ kani ká ɲɛ̨i tɔwɔ ká wɔɔ pələi mɛ̨i Kristə hu, a Jesus a gu Nąmu, yai ká ɉɔlɔɓo;

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,

Samuɛlə dɔlɔɔ 2:1

Anə ə Yálá hvɛli yɛ mą: Yai-Laa nwɔ lúwɔ́ haalai, gwə́inɛ̨ɛ̨i; Yai-Laa nwɔ lúwɔ́ haalai, ŋą́ą́ nwún muhəɠə, Gɛ́ pɛli yɛ́lɛ́i ɲówoɠaa diɛ. Gwə́inɛ̨ɛ̨i! Yálá aa kpɔnmąą tɛɛ bɔ́.