Lomaŋ 5:1 - Yálá laawoo hɛɓɛ (dc)

¹ Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Yálá laawoo hɛɓɛ

¹ Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Bible

¹ M̀ɛni ma, tãi nɔ́ Ɣâla a kútoli la a tɔ̃yâ-ƃela laa-la sârai, kwa kúkɛ lii-sêe su kwa Ɣâla-ni Kúnuu-namui Zîsɛ Kôrai sârai.

Lomaŋ 5:1 ပူးပေါင်းရင်းမြစ်များ

Zôo 21:21

Ɓɛlɔwai di wɔ lɔwai a kpɛɛ la, nonnii mąą mɛ̨nį niihɛlɛn va kɛa kɛ mą.

Mąątɛ̨nɛ̨ 122:6

'Ka liilaa huhvɛli Ɉerusalɛmə mąą mɛ̨nį ɓa; əgɛ, Ə́ wɛlikɛmąą nuą diɛ pɛli yɛnɛ̨ɛ̨ kɛi a di wəli pulu laɠiɛ.

Azaya 27:5

Kɛlaa nui a gɛ́ a mąąkpɛmun, kwa yaa kwa liilaa mįnɛ̨ həɠə, kuɔ yɛnɛ̨ɛ̨ kɛ liilaa hu.

Azaya 32:17

Tɛ̨ą kaa pai ɓai a liilaa; tələnmolaa yɛ pa yɛnɛ̨ɛ̨ wəli pulu laɠi, a yələ kəlee mɛ̨nį.

Azaya 54:13

Ə́ lonnii kəlee di kaa pai kɛi a Yai-Laa yee pɔ nuą, ə́ lonnii di ɓo liilaa yɛnɛ̨ɛ̨ kɛnɛ̨ɛ̨ hu.

Azaya 55:12

Mąąhɔlɔɓo, ka káá pai kulɔi a ka kwəinɛ̨ɛ̨, kaa pənə kaa li a ka wəli pulu laɠiɛ, yee tɔɔɠaa da yee kpukpuɠaa, di kaa pai tómąi a kwəinɛ̨ɛ̨, ka tɛɛ pələɠaa hu, kpomó hu wuluɠaa kəlee diɛ di yee lɔwai kaa.

Habakukə 2:4

Bɛ̨ɛ̨ yɛ diɛ: Nui nwɔ kiliŋąhiɛ ɲɔ̨nwɔ̨ɔ̨i a too, Kɛlaa, nui tələnmoɔ a yɛnɛ̨ɛ̨ kɛ, nwɔ tələmo laa haalai.

Zakari 6:13

A tɛ̨ą, ya ɓə pai Yai-Laa hvɛli pɛlɛ́ tɔɔi, mąąwiɛ kaa pai kɛi mą, gaa pai heei nwɔ tɔɔkpəlin hu, yɛ nuą ɲąąwooɓo. Haláá laa həli mun dakpɛli kaa lɔ pai kɛi heeni yaakpɛli, nwɔ ɲąąwooɓo kpəlin hu, ɛlɛɛ, woo laa mąą kɛnɛ̨ɛ̨ kaa pai kɛi di nu hveelɛi di lɔwai.›

Lukə 19:38

Diɛ kɛ mą: «Dɔɔmun pai gu Ną́mu Yálá laa hu, lúwɔ́ kaa mą! Liilaa ə kɛ yələkɔlɔn ɉu, mąąwiɛ ə kɛ Yálá ɓa!»

Lukə 19:42

Ee Ɉerusalɛmə! Yɛ́ kpɛlimąn, əli kɛ mɛ̨nįi a liilaa tɛɛ ə́ pɔ, ə́ gɔlɔn gɛ háákələi! Kɛlaa nooŋąąi ə́ ɲɛ̨i mu.

Lukə 2:14

«Mąąwiɛ kaa Yálá ɓa yələkɔlɔn mɛ̨i pələ; Nuąi Yálá aa di wɛli la kɛ lɔi mɛ̨i, liilaa aa tɛɛ di pɔ.»

Ɉaan 14:27

«Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Ɉaan 20:31

Kɛlaa, di yiiɠaai ŋɛ̨i bɛ̨ɛ̨ ə gɛ ka laa na ka diɛ: Jesus ɓə gaa a Kristə, gaa a Yálá Lon. Ɛlɛɛ ka laa na yɛnɛ̨ɛ̨i kpɛɛ hvo mą ka ɉɔlɔɓo naa hu.

Ɉaan 5:24

«A tɛ̨ą, a tɛ̨ą kpɔkpɔɔ gáá moi kaa: nui a nwəli tɔɔ nwóó ɓa, ɛlɛɛ, nui dɔ́ɔ́, yɛ laa na, a yɛnɛ̨ɛ̨i kpɛɛ hvo mą hɔlɔɓo. Kiti mɛ̨nį hvo mą, kɛlaa, aa kulɔ haa yəi, yɛnɛ̨ɛ̨i kpɛɛ hvo mą, aa ɉɔlɔɓo.

Gɛlaɠaa 10:36

Ə mɛ̨nįɓo Israɛlə lonnii diɛ, yɛ liilaa wəlɛɛ lɛlɛɛ laa həli diɛ, a Jesus Kristə yai a nu kəlee di Ną́mu.

Lomaŋ 1:17

Yaan, bələi Yálá a nu kɛ la a tələnmomun yaa kpinįi ɲɛ̨i ɓa, nwɛlɛɛ lɛlɛɛ ɓə a yili lɛ. Ə həɠə gɔwɔ tɔɔi lɔwai ɓa, ə lɛɛ ɉu ɲąąkpɛɛi lɔwai, laa na laa lɔ ɓə. Yɛ bələi bɛ̨ɛ̨i la, diɛ kɛ mą: Nui tələnmoɔ a yɛnɛ̨ɛ̨ kɛ, nwɔ laa na laa háálai.

Lomaŋ 1:7

Kaai ka káá a Yálá wɛlikɛmąą nuąi Romə, a mąąhəɠə nuą Yálá nwɔ təliɓo háálai, káá ɓə gáá ɉɛɓɛ́i ŋɛ̨i tɛɛi kaa, ə gɛ, ka kɛ a nwɔ nuą. Gɛ́ nwun nanɛ̨ɛ̨ da liilaa di kɛ ka pɔ gu Ną́n Yálá da gu Ną́mu Jesus Kristə laa hu.

Lomaŋ 10:10

Mąąhɔlɔɓo, nu a laa na nii hu, a kɛ a tələnmomun, ɛlɛɛ, yɛ́ mo a ə́ laaləi ə́ nwun mąą a ɓo.

Lomaŋ 10:15

Nu ta a pɛli naa həlii ləi, akɛ, di hvo dɔɔ li? Yɛ bələi Yálá lawoo hɛɓɛ́ ə mo la, yɛ diɛ: «Nuąi nwɛlɛɛ lɛlɛɛ laa həli, di kɔ́wɔ lɛlɛɛi di mu.»

Lomaŋ 14:17

Mąąhɔlɔɓo, Yálá-taa tɔɔlaa hvo a kɔ̨nɔ̨n da kpələ hɛn, bələi gaa la, bələ ka: gaa a, tələnmolaa, liilaa da kwəinɛ̨ɛ̨i Kili-Mąąhəɠɛɛ a dɛɛ gu pɔ.

Lomaŋ 15:13

Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Kili-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Lomaŋ 15:33

Gɛ́ liilaa Yálá ə kɛ ka kəlee ka pɔ; kɛi a mo tii Yálá ə kə! Mįiną!

Lomaŋ 3:22

Yálá a nu kɛ a tələnmomun ɲɛ̨i ɓa akɛ mąą nu a laa Jesus Kristə la. Nuąi da laa Jesus Kristə la, diɛ ɓə Yálá a yili kɛ diɛ. Mąąhɔlɔɓo, nu ta hvo hviala ɓo li mɛlan ma.

Lomaŋ 3:30

Hvo gaai, Yálá kaa tanɔ̨n, yaa lɔ ɓə pai kɛnɛ̨lɛa tələnmoi laa na laa háálai, ə kɛnɛ̨ kpolowaɠaa tələnmoi laa na laa háálai.

Lomaŋ 4:5

Kɛlaa yaamun, nɛ̨ŋɛ̨n ɉəɠəmun a laa nui a mɛ̨nį ɲɔ̨n gɛmun mąąhvaalɛɛ na, nwɔ laa na laa ti a gɛ a tələnmomun.

Lomaŋ 5:11

Yili pulu yii gaa laa ya ɓaa: Gwa gu kpɔwɔɲąą Yálá mɛ̨nį hu gu Nąmu Jesus Kristə háálai, yaai gwa diɛ ni gu yee lɔ gee hu.

Lomaŋ 5:18

Yili ɓa, bələi lɔ Adamə yaa tɔ̨nɔ̨ gbən ɉɔn ə nu kəlee nwun na pili la, bələ lɔ ɓə, Jesus Kristə nwɔ tələnmo túwɔ́, aa nu kəlee ɓalo Yálá nwɔ kitii ɓa, ɛlɛɛ, yɛ ɓalo hva kpɛɛ tɛɛ di pɔ.

Lomaŋ 6:23

Mąąhɔlɔɓo, nɛ̨ŋɛ̨n vɛla ɓaa a haa, kɛlɛɛ, Yálá nwɔ mɛ̨inɛ̨ɛ̨ ɓaa yɛnɛ̨ɛ̨ kpɛɛ hvo mą, yii gwa ɉɔlɔɓo gu Ną́mu Jesus Kristə laa hu.

Lomaŋ 9:30

Gwa kɛ kpɔ lə? Nuąi di hvo a Ɉuifəɠaa, diɛi di hvo kɛi tələnmolaa kwɛli Yálá ɲɛ̨i ɓa, daa tələnmolaa hɔlɔɓo Yálá yəi; laa na laa hu.

Galatə 2:16

Ku kili kaa ɉu kuɔ, nu hva pɛli tələnmolaa hɔlɔɓoi dɔn bɔ yíiɓoɔ hu, kɛlaa nu a laa Jesus Kristə la, ya ɓə a tələnmolaa hɔlɔɓo la; kuɔ kpɛli, ku laa Jesus Kristə la, kuɔ pɛli kɛ a tələnmo nuą Kristə nwɔ laa na laai háálai, hvo kɛ li a dɔn bɔ yíiɓoɔ. Gbala ə tɔɔ, nui lɔpee ta hvo pai tələnmolaa hɔlɔɓoi dɔ́n bɔ yíiɓoɔ hu.

Galatə 3:25

Kɛlaa, yii kɛa laa na laa ə pa, gu hvo kɛa gu mɛ̨ikaa tɔ́n tii yee kɔnma.

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Ifisiɛŋ 2:7

Yálá lii nɛ̨ɛ̨i mɔ̨ɔ̨ gwəi gu pɔ, Jesus Kristə háálai, Ə kɛ bɔ, ə nɛ, ɲɛnɛ̨ɛ̨i pai tɔwɔ pələ ɉu nuą diɛ, bələi nwɔ nɛ̨ɛ̨laa hu kɛnɛ̨ɛ̨ la, gɔɔnmąą hvo mą.

Filipə 3:9

kwa yaa ku yili ku kɛɛ ɓa, hva kɛ a gbɔ́wɔ́ ŋą tələnmo laa, yai ŋą́ ɉɔlɔɓo dɔn bɔ yíí hu, kɛlaa, a tələnmolaai a kulɔ nu laa mɛ̨nį Kristə la, hu, yɛ həɠə Yálá pɔ, gɔwɔ hvilɛnŋąą laa na laa mɛ̨i.

Kolosə 1:20

ɛlɛɛ Yaa tii mąą mɛ̨nį ɓa, ə da hɛn gəlee di yee lɔ geei, Yaa tii ɉáálai, ə kɛ a lɔi ɓa pələ, ə kɛ a yələi pələ; ə liilaa hee di mɛ̨i, a ɲąmąi pu kolɔwa ɓa.

Kolosə 3:15

Gɛ́! Kristə nwɔ liilaa yii Yálá ə ka təli mą, əgɛ, ka kɛ a nu tɔ̨nɔ̨, ə ɉeei kaa ka nįį hu, 'ká kɛ a mɛ̨inɛ̨ɛ̨ hu kɔ́lɔn nuą.

Tɛsalonikə dɔlɔɔ 5:23

Liilaa Yálá yaa kpinįi, ə ká mąąhəɠə kpɔ tɛ̨ɛ̨tɛ̨ɛ̨, ɛlɛɛ, ká kili, ká nįį, ká kɔlɔ, ə lɛɛ kpɔ a nɛlɛɛ, mąąkulɔi hvo kɛ mą, ə lɛɛ ɉu gu Nąmu Jesus Kristə pa yələ ə ɉəli mą.

Tɛsalonikə veelɛ 3:16

Gu Ną́mui a liilaa nąmu, yaa kpinįilee, ə ká kɔ a liilaa, a yələ kəlee, a pələ huwui lɔpee. Gu Nąmu ə kɛ ká kəlee ká pɔ.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,