Lomaŋ 4:9 - Yálá laawoo hɛɓɛ (dc)

⁹ Akɛti núwɔ́i ti kaa lɔ mɔ̨ɔ̨ a kɛnɛ̨ lɛa di wɔɔ? Hvo mɔ̨ɔ̨ a kɛnɛ̨ kpolɔwaɠaa di wɔɔ? Gu kɛ diɛ: «Abrahamə nwɔ laa na laa ɓə dələnmo.»

Yálá laawoo hɛɓɛ

⁹ Akɛti núwɔ́i ti kaa lɔ mɔ̨ɔ̨ a kɛnɛ̨ lɛa di wɔɔ? Hvo mɔ̨ɔ̨ a kɛnɛ̨ kpolɔwaɠaa di wɔɔ? Gu kɛ diɛ: «Abrahamə nwɔ laa na laa ɓə dələnmo.»

Bible

⁹ Ǹûwai ŋí káa nɔ́ diai mɛni ma díkpɛtɛɛ̂i, kpaa gáa máŋ diai mɛni ma dífe kpɛtɛ níi? Kwa mò a gɛ́ɛ Ɣâla e Eberaɣɛ̃ɛ ŋɔlaa-lai siɣe a tɔ̃yâ laa-la.

Lomaŋ 4:9 ပူးပေါင်းရင်းမြစ်များ

Zɛnɛse 15:6

Abramə ə gilitɔɔ Yai-Laa ɓa, yili ɓə gɛ, Yai-Laa yɛ gaa a tələnmomun.

Azaya 49:6

Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Lukə 2:32

Gaa a kɛɛ pono yii gaa pai ə́ lɛi yɛnɛ̨ɛ̨ hį́i kəlee ɓa, ə kɛ a Israɛlə mąą ɲįnɛ̨n.»

Lomaŋ 4:10

Kɛlaa, akɛti mįnɛ̨ lɔwai ɓə yili ə kɛ la? Ɓɛlɔwai ə kɛ la a kɛ́nɛ̨ kpolɔwa a wala kɛti kɛ́nɛ̨ lon? Kpaa! Yili hvo kɛ gɛ́nɛ kɛɛ pulu. Ə kɛ nwɔ kɛ́nɛ̨ kpolɔwa laa hu.

Lomaŋ 4:3

Lə mɛ̨nį ɓə Yálá lawoo hɛɓɛ́ kaa moi? Yɛ: Abrahamə ə laa Yálá la, yili ɓə gɛ a tələnmomun.

Galatə 3:14

Yili ə kɛ ti, ə gɛ, núwɔ́i Yálá ə naakwɛlanmo Abrahamə ɓa, huwu takpɛliɠaa di da hɔlɔɓo, Jesus Kristə hu pələ, ɛlɛɛ, a kɛ tii, laa na laa háálai, Gilii kɛ naakwɛlanmo, gu ɉɔlɔɓo.

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Kolosə 3:11

Yiihu kɛa, Grɛkə mɛ̨nį hvo kɛa ɉu, Ɉuifə mɛ̨nį hvo kɛa ɉu, kɛ́nɛ̨-lon mɛ̨nį hvo kɛa ɉu, kɛ́nɛ̨-kpoloaa mɛ̨nį hvo kɛa ɉu, huwu takpɛli mɛ̨nį hvo kɛa ɉu, lɔwɔ-pɔmun mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛ gbɔwɔ ɓamun mɛ̨nį hvo kɛa ɉu, kɛlaa, Kristə ɓə a gəlee, gəlee hu.