Lomaŋ 3:29 - Yálá laawoo hɛɓɛ (dc)

²⁹ Awala kɛti, Yálá kaa lɔ mɔ̨ɔ̨ a Ɉuifəɠaa diɛ tɔ̨nɔ̨ gbən di wɔ Yálá, hvo mɔ̨ɔ̨ a huwu takpɛliɠaa di wɔ Yálá, a tɛ̨ą, gaa kpɔ a hįi kəlee nwɔ Yálá

Yálá laawoo hɛɓɛ

²⁹ Awala kɛti, Yálá kaa lɔ mɔ̨ɔ̨ a Ɉuifəɠaa diɛ tɔ̨nɔ̨ gbən di wɔ Yálá, hvo mɔ̨ɔ̨ a huwu takpɛliɠaa di wɔ Yálá, a tɛ̨ą, gaa kpɔ a hįi kəlee nwɔ Yálá

Bible

²⁹ Ɣâla káa nɔ́ a Zûu-ŋai dia tɔnɔ Díɣâla? Vé a Zɛ̃tai-ŋai Díɣâla máŋ? Ooei, gáa a Zɛ̃tai-ŋai Díɣâla máŋ.

Lomaŋ 3:29 ပူးပေါင်းရင်းမြစ်များ

Zɛnɛse 17:18

Nąąlɔwai, Abrahamə yɛ Yálá ɓa: «Yii lɔ gáá gwɛlii ə́ yəi ya ɓaa; ə́ ə́ kili lɛɛ Ismaɛlə hu.»

Mąątɛ̨nɛ̨ 22:7

Kɛlaa nwɛ́i, kpə́ə́liɲɛ̨nɛ̨ɛ̨n ɓaa a ɲą́ą́, nu hvaa a ɲą́ą́, nuą diɛ di laa pu ɉú, nu kəlee diɛ vííɓo.

Mąątɛ̨nɛ̨ 67:2

Yálá, 'ku mąąwɛli kaa, ə́ lúwɔ́ too kuɔ! 'Ə́ ə́ ɲɛ̨i lɛlɛɛ hee kuɔ

Mąątɛ̨nɛ̨ 72:17

Laa kɛnɛ̨ ə kɛ mą kpɛɛ hva kɛ mą, naa ə həli ɓɛi hvoló a hɔɔ laai; nuą diɛ lúwɔ kɛ di keeni diɛ naa hu, lɔi kəlee yɛ nwun na nɛ̨ɛ̨ mɛ̨nį ɓo.

Azaya 54:5

Mąąhɔlɔɓo, Yálái ə́ pɛli, ya ɓə a ə́ hilɛ, naa ɓaa Yai-Laa Mɛ̨nį Kəlee ŋą Hééɓomun; Israɛlə nwɔ mąąhəɠə mun ɓə ə́ nwun mąąɓooi, naa ɓaa yɛnɛ̨ɛ̨ piliɛ gee mɛ̨i nwɔ Yálá.

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Zakari 2:11

Siɔn, yɛ́i ŋɛ̨i heeni Babilonə, 'ə muhəɠə, 'pu.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Maafîu 22:32

‹Gáá ɓaa a Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.›» Jesus yɛ diɛ: «Yálá kaa a nu huluɠaa di wɔ Yálá; hvo a haaɓɛlaa di wɔ Yálá.»

Maafîu 28:19

'Ka li yɛnɛ̨ɛ̨ nąą kəlee, ka nu kəlee kalan, ka di kɛ a nwɔ́ kalan nɛa. Ka di mąąwaa Ną́n Yálá da Non da Kili-Mąąhəɠɛɛ laa hu.

Gɛlaɠaa 10:34

Nąąlɔwai, Piɛrə ə mo kɛa diɛ yɛ diɛ: «A tɛ̨ą, ŋą́ą́ gɔlɔn gɛ́ diɛ Yálá hva nu hu yɛɠɛ.

Gɛlaɠaa 22:21

Kɛlaa, yɛ mą́ą́: ‹'Li! Gáá ə́ tɔɔi kpɔ kwɛaala nuąi di hvo a Ɉuifəɠaa di pɔɔli.›»

Gɛlaɠaa 26:17

Gáá pai ə́ kulɔi Ɉuifəɠaa yəi, da ɉuwu takpɛliɠaai ti gáá ə́ tɔɔi di pɔ, di yəi.

Gɛlaɠaa 9:15

Kɛlaa, gu Ną́mu yɛ mą: «'Li, mąąhɔlɔɓo, ŋą́ą́ ɉəɠə ɉu a níiɓa, a nwɔ́ kóló kɛ hɛn, yɛ pɛli náá mąą kɛla hvaaɓoi huwu takpɛliɠaa da tɔɔɓɛlaa diɛ, ə mą kɛ, Israɛlə lonnii.

Lomaŋ 1:16

Gbala ə tɔɔ vá nwumɛ̨ nwɛlɛɛ lɛlɛɛ laa həli. Mąąhɔlɔɓo, nuąi pai laa na, yili kaa di yəi a Yálá nwɔ huwalawala laa. Ə gɔwɔ tɔɔ Ɉuifəɠaa diɛ, ə mą kɛ diɛi di hvo a Ɉuifəɠaa.

Lomaŋ 10:12

Yili ɓa, ɓɛlaɓo hvo Ɉuifəɠaa da huwu takpɛliɠaa di lɔwai. Di kəlee di Nąmu kaa tanɔ̨n, nui a nwoo tɛ bɔ pələ, a mɛ̨inɛ̨ɛ̨ kɛ mąą nu ɓa.

Lomaŋ 15:16

Ə gɛ ŋį́ kɛ a Jesus Kristə ŋą tímun, huwu takpɛliɠaa mąą mɛ̨nį ɓa. Daa ɉə́ɠə ɉu, Yálá nwɔ wɛlɛɛ lɛlɛɛi laa həli mɛ̨nį ɓa, ə gɛ, huwu takpɛliɠaa diɛ pɛli kɛi a haláá hɛn Kili-Mąąhəɠɛɛ aa mąą həɠə, yɛ nɛ̨ɛ̨ Yálá ɓa.

Galatə 3:14

Yili ə kɛ ti, ə gɛ, núwɔ́i Yálá ə naakwɛlanmo Abrahamə ɓa, huwu takpɛliɠaa di da hɔlɔɓo, Jesus Kristə hu pələ, ɛlɛɛ, a kɛ tii, laa na laa háálai, Gilii kɛ naakwɛlanmo, gu ɉɔlɔɓo.

Ifisiɛŋ 3:6

Mɛ̨nį loɔ ti ɓaa: huwu takpɛliɠaa daa di wɔɔ nąą hɔlɔɓo gwɛlin ɉɛn dɔ̨nɔ̨ tii hu, di kaa a kɔlɔ tɔ̨nɔ̨ tɔɔ-tɔɔiɠaa, di ɓo a mɛ̨nį laakwɛlanmoɔ hu mɛ̨inɛ̨ɛ̨ hɔlɔɓo nuą Jesus Kristə hu, nwɛlɛɛ lɛlɛɛ háálai.

Kolosə 3:11

Yiihu kɛa, Grɛkə mɛ̨nį hvo kɛa ɉu, Ɉuifə mɛ̨nį hvo kɛa ɉu, kɛ́nɛ̨-lon mɛ̨nį hvo kɛa ɉu, kɛ́nɛ̨-kpoloaa mɛ̨nį hvo kɛa ɉu, huwu takpɛli mɛ̨nį hvo kɛa ɉu, lɔwɔ-pɔmun mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛ gbɔwɔ ɓamun mɛ̨nį hvo kɛa ɉu, kɛlaa, Kristə ɓə a gəlee, gəlee hu.