Lomaŋ 3:28 - Yálá laawoo hɛɓɛ (dc)

²⁸ Mąąhɔlɔɓo, gu gɔlɔn kuɔ kɛ: tɔ́n bɔ yíiɓoɔ hvəə a nu tələnmomun, kɛlaa laa na laa ɓə a nu kɛ la.

Yálá laawoo hɛɓɛ

²⁸ Mąąhɔlɔɓo, gu gɔlɔn kuɔ kɛ: tɔ́n bɔ yíiɓoɔ hvəə a nu tələnmomun, kɛlaa laa na laa ɓə a nu kɛ la.

Bible

²⁸ Kúlaâi Ɣâla a núu tòli a tɔ̃yâ-nuu laa-la sârai e kúla dɔ̂ŋ mɛi káa pôlu.

Lomaŋ 3:28 ပူးပေါင်းရင်းမြစ်များ

Ɉaan 5:24

«A tɛ̨ą, a tɛ̨ą kpɔkpɔɔ gáá moi kaa: nui a nwəli tɔɔ nwóó ɓa, ɛlɛɛ, nui dɔ́ɔ́, yɛ laa na, a yɛnɛ̨ɛ̨i kpɛɛ hvo mą hɔlɔɓo. Kiti mɛ̨nį hvo mą, kɛlaa, aa kulɔ haa yəi, yɛnɛ̨ɛ̨i kpɛɛ hvo mą, aa ɉɔlɔɓo.

Ɉaan 6:40

Ną́n dɔ́ɔ́ niiɓa ɓaa, nui lɔpee a ɲɛ̨i tɔɔ Non ma, ə laa na, mąą nu a yɛnɛ̨ɛ̨i kpɛɛ hvo mą ɉɔlɔɓo. Ɛlɛɛ, gáá pai nwun ɉii a yɛnɛ̨ɛ̨ ŋąąkpɛɛ yələ.»

Lomaŋ 3:26

Bələ ɓə ə kɛ la bɔ ə nwɔ tələnmolaa too la pono ŋą, ə gɛ, nuą di gɔlɔn; ə lɛɛ, nuąi da laa Jesus la ə di kɛ a tələnmo nuą.

Lomaŋ 4:5

Kɛlaa yaamun, nɛ̨ŋɛ̨n ɉəɠəmun a laa nui a mɛ̨nį ɲɔ̨n gɛmun mąąhvaalɛɛ na, nwɔ laa na laa ti a gɛ a tələnmomun.

Lomaŋ 5:1

Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Galatə 2:16

Ku kili kaa ɉu kuɔ, nu hva pɛli tələnmolaa hɔlɔɓoi dɔn bɔ yíiɓoɔ hu, kɛlaa nu a laa Jesus Kristə la, ya ɓə a tələnmolaa hɔlɔɓo la; kuɔ kpɛli, ku laa Jesus Kristə la, kuɔ pɛli kɛ a tələnmo nuą Kristə nwɔ laa na laai háálai, hvo kɛ li a dɔn bɔ yíiɓoɔ. Gbala ə tɔɔ, nui lɔpee ta hvo pai tələnmolaa hɔlɔɓoi dɔ́n bɔ yíiɓoɔ hu.

Galatə 3:24

Yili mąą mɛ̨nį ɓa, dɔ́n ə kɛ a gu mɛ̨ikaamun, guɔ Kristə mąąkpɔn na; guɔ pɛli tələnmolaa hɔlɔɓoi laa na laa háálai.

Galatə 3:8

Hɔlɔɔ mun, ɉɛɓɛ́ ə mo yɛ: Yálá kaa pai huwu takpɛliɠaa kɛi a tələnmo nuą laa na laa háálai. Yili pɔ pələ ɓə gɛ, yɛ nwoo kwɛlɛ la Abrahamə ɓa, yɛ kɛ mą: Huwu kəlee kaa pai lúwɔ́ hɔlɔɓoi ə́ háálai.

Ifisiɛŋ 2:9

Yili hva kulɔ nu túwɔ́ pələ hu, nu ta hvo pa nəi gbɔwɔ ɲąą kɛnɛ̨ ɉu.

Filipə 3:9

kwa yaa ku yili ku kɛɛ ɓa, hva kɛ a gbɔ́wɔ́ ŋą tələnmo laa, yai ŋą́ ɉɔlɔɓo dɔn bɔ yíí hu, kɛlaa, a tələnmolaai a kulɔ nu laa mɛ̨nį Kristə la, hu, yɛ həɠə Yálá pɔ, gɔwɔ hvilɛnŋąą laa na laa mɛ̨i.

Taitɔ 3:7

Ə gɛ, yii kɛa gu mąą aa həɠə ŋą mɛ̨inɛ̨ɛ̨ háálai, gu kɛ kɛa, yɛ bələi gilitɔɔmąą laa tii kaa la, a ɲɛnɛ̨ɛ̨ nįnɛ̨ hɔlɔɓo nuą kwɛlin.

Zĩi 2:18

Kɛlaa, nu ta a kɛ yɛ: «Laa na laa kaa ɲəi. Ɛlɛɛ, ɲą́ą́, bɔ túwɔ́ ə ɓo ɲə́i. Ŋą́ kɛ mą: Ə́ wɔɔ laa na laai bɔ túwɔ́ hvo mą, nɛ mą́ą́, ɛlɛɛ, ɲą́ą́ gbɛlimąn, ŋą́ nwɔ́ɔ́ laa na laa lɛ a bɔ túwɔ́.»

Zĩi 2:20

Hupumun, hvo mɔ̨ɔ̨ gbaɠala kɔlɔn yɛ́ kɛ, laa na laai bɔ túwɔ́ hvo mą, gaa a kpɛli-kpɛli?

Zĩi 2:24

Káá gaa tii kɛa, nu túwɔ́ pələ ɓə a gɛ a tələnmomun, hva lɛɛ lɔ a laa na laa yaa tanɔ̨n.