Lomaŋ 3:19 - Yálá laawoo hɛɓɛ (dc)

¹⁹ Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Yálá laawoo hɛɓɛ

¹⁹ Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Bible

¹⁹ Kú gɔ́lɔŋ a gɛ́ɛ m̀ɛnii kélee bɔ̃yɛɛ̂i dɔ̂ŋ sui gáa nɔ́ diai mɛni ma díkaa dɔ̂ŋ mui. Dɔ̂ŋ a m̀ɛni-ŋai ŋí ƃò gɛ́ɛ é núu kpera káfalo kɛ̂i, a gɛ́ɛ é ǹɛɛ naa Ɣâla é ǹɛ́ a gɛ́ɛ ŋ̀éniɛi su-ƃelai da sɔnyɔ̂ŋ kɛ́.

Lomaŋ 3:19 ပူးပေါင်းရင်းမြစ်များ

Zôo 5:16

Mąąwɛli mu gilitɔɔ Yálá ɓa, yɛ nu ɲɔ̨nwɔ̨ɔ̨ɠaa laa kpulu.

Mąątɛ̨nɛ̨ 107:42

Tələnmo nuą di yili nąą kaa, diɛ pili yələi a kwəinɛ̨ɛ̨, ɛlɛɛ, yili yɛ kili ɲɔ̨n gwəi nuą laa pɛlɛ mą.

Mąątɛ̨nɛ̨ 63:11

Kɔ́ kɔ́ ɓowa ə tɛɛ di hu, 'di lɛɛ a lɔwɔ-yilɛɠaa kɔ̨nɔ̨n.

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Ɉaan 15:25

Kɛlaa, yili ə kɛ tii, ə gɛ, mɛ̨nįi bɛ̨ɛ̨ di wɔ tɔ́n ɉɛɓɛ́i hu naa ə hon, yaai da kɛ mą: ‹Daa nwɛ́li kpɛɛ diɛ, nwun və mą.›

Ɉaan 8:9

Yii kɛa di nwoo tii mɛ̨n di kɛi kulɔ tɛitɛi ə gɔwɔ tɔɔ nu pɔlɔ pɔlɔɠaa diɛ, ə lɛɛ a Jesus yaa tɔ̨nɔ̨ gbən. Nɛ̨ɛ̨nui tii nwɛi, ə lɛɛ laa.

Lomaŋ 1:20

Ə həɠə yɛnɛ̨ɛ̨ pɛli yələ ɓa, ə həli la yiihu ɓa, Yálá kɛ pələɠaai nu hva pɛli gaai: nwɔ huwalawalalaai kpɛɛ hvo mą, nwɔ Yálá laa, gəlee kulaai pono ŋą gɛ kólóɠaa kəlee hu. Mɛ̨niɠaa di hu ɓə nuą da pɛli di Yálá kɔ́lɔn naa. Yili ɓa, mąąhvaalɛɛ hvo diɛ.

Lomaŋ 3:2

Dɔlɔ kaa mą nąą kəlee. Hvo gaai, Ɉuifəɠaa ɓə tɔlɔɔ Yálá ə naa woo tɛɛ di pɔ.

Lomaŋ 3:23

Nu kəlee daa nɛ̨ŋɛ̨n ɉəɠə daa hvɛɠɛ a Yálá nwɔ mąąwiɛlaa hu.

Lomaŋ 3:4

Gɛ́ diɛ: Kpaa-o! Hvɛɛ nu kəlee ə Yálá kɔlɔn a tɛ̨ą nąmu. Ə mą kɛ nu kəlee kaa a lɛɛ kɛ nuą, yɛ bələi Ɉɛɓɛ́ hu woo kaa moi la, yɛ kɛ: «Hvo kɛ li nuą di ə́ wɔ tələnmolaa kɔlɔn ə́ hvaa woo hu, Yɛ́ kiti woo mąąkulɔi hvo mą.»

Lomaŋ 3:9

Ɛ̨į lə kpɔ? Guɔi a Ɉuifəɠaa, gu hviala ɓoɔi mɔ̨ɔ̨ ə tɛɛ huwu takpɛliɠaa diɛ? Gɛ́ diɛ kpaa-o! Gbala ə tɔɔ, ŋą́ gbɛa nɛ kɛ́ diɛ: Ɉuifəɠaa da huwu takpɛliɠaa kəlee di kaa nɛ̨ŋɛ̨n ŋą luwɔlaa hu.

Korɛntə dɔlɔɔ 1:29

Ya ɓə a gɛ, Yálá ŋą pɛli hɛn da hva gbɔwɔ ɲąąkɛnɛ̨ la ti Yálá ɲɛ̨i ɓa.

Galatə 3:10

Gbala ə tɔɔ, dɔn bɔ yíiɓo nuą kəlee, di kaa dɔn ŋą nąŋɛ̨n naa yee mu, hvo gaai, ɉɛɓɛ́ yɛ diɛ: Nui hvo pai Yálá nwɔ tɔ́nŋąą ŋɛ̨i bɛ̨ɛ̨, bɔ yíiɓoi, nɛ̨ŋɛ̨n naai!

Galatə 4:21

Káái ká káá bɔ ká dɔ́n bɔ yíiɓo, nwooi dɔ́n tii kaa moi, ká hvo mɛ̨n ɉii?

Galatə 4:5

Ə pa, ə gɛ, nuąi kɛ dɔ́n mu, ə di nwun mąąɓo, ɛlɛɛ, mąąlaa ə tɛɛ gu pɔ, guɔ pɛli kɛi la a Yálá lonnii.

Galatə 5:18

Kɛlɛɛ akɛ ká ká kpɔwɔ lɛɛ Kili yee kɔnma, ká hvo kɛa dɔ́n ɲee mu.

Samuɛlə dɔlɔɔ 2:9

Nuąi da ɲɔw mą, a di mɛ̨i kaa. Kɛlaa, nu ɲɔ̨nwɔ̨ɔ̨ɠaa nwun na kaa pai pilii kpįnįi. Mąąhɔlɔɓo, nu nwɔ huwalawala hvee a kɔ́ nɛ̨ɛ̨ mą.