Lomaŋ 2:2 - Yálá laawoo hɛɓɛ (dc)

² Gu gɔlɔn guɔ diɛ: Nuąi di túwɔ́ pələ kaa ti, Yálá a di kiti tee a tɛ̨ą.

Yálá laawoo hɛɓɛ

² Gu gɔlɔn guɔ diɛ: Nuąi di túwɔ́ pələ kaa ti, Yálá a di kiti tee a tɛ̨ą.

Bible

² Kú gɔ́lɔŋ a gɛ́ɛ Ɣâla ŋɔmɛni ŋá-teɛɛi káa a tɔ̃yâ diai mɛni ma da mɛni-ŋai tí kɛ̂i.

Lomaŋ 2:2 ပူးပေါင်းရင်းမြစ်များ

Zɛnɛse 18:25

Gílí kaa ɉu gɛ́ diɛ́, hvá pɛli mą. Hvá hvaa mą, nuąi hɔn və diɛ, da hɔn mąą nuą, hvə́ di nwun na pili a gee. Nui ŋɛ̨i a yɛnɛ̨ɛ̨ mɛ̨nįɠaa kəlee kitii tee, hva hvaa mą, hvo tələnmomun nwun na pili.»

Zôo 34:23

Hva kuu tɔɔ nu ɓa, ə gɛ yili yɛ pɛli pai, yɛ tɔɔ nií la giti tee mɛ̨nį ɓa.

Mąątɛ̨nɛ̨ 145:17

Yai-Laa haŋąąi gɛ mɛ̨nį kəlee hu, a kulɔ nwoo ɓa gɛ mɛ̨nį kəlee hu.

Mąątɛ̨nɛ̨ 9:4

Ɲówóɠaa daa yáli di pulu, diɛ too, di nwun na yɛ pili, ə́ ɲɛ̨i mu.

Mąątɛ̨nɛ̨ 96:13

'ka gɛ tii Yai-Laa tɔwɔ, mąąhɔlɔɓo, gaa pai, gaa pai lɔi ɲąąwooɓoi. Gaa pai yɛnɛ̨ɛ̨ ɲąąwooɓoi a tələnmolaa, da nu huwuɠaa, yɛ bələi ɉąŋąąi la.

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

Azaya 45:19

Və́ nówii la gɛ́ mo, və́ lɔi la hɔ̨nwɔ̨n ɉu kpinɛ̨ɛ̨ ta ɓa, və́ kɛli Ɉakɔbə huwu ta ɓa, «'Ka gwɛ́li kɛɛnąą ta, ɓɛi hɛn da hvo laa.» Ɲą́ą́ ɓə gáá a Yai-Laa, tɛ̨ą lɔ ɓə ŋą́ mo, mɛ̨nįi ɉąŋąnŋąą, ya ɓə ŋą́ mo!

Azaya 45:21

'Ka ka woo tɛ yələi! Akɛ tɛ̨ą kaa ka pɔ, 'ka nɛ kan! 'Ka kəlee, 'ka ka nwun dɔɔ! Gbɛɛ ɓə mɛ̨nįi ɲɛ̨i hu kulɔ, ə həɠə gbala tɔɔ yələ ɓa? Ɛlɛɛ, ə nɛɛ kpɔ tɔwɔ, a ɉu kwɛaa, ə mo? Ɲą́ą́ lɔ hvei, ɲą́ą́ Yai-Laa, ɛlɛɛ yaan, Yálá ta kpɛli hvo laa, ə kulɔ Ɲą́ą́ búlu; A ɲą́ą́, tələnmo Yálá, nu ɓalo Yálá.

Ɉeremi 12:1

Yai-Laa! Ə́ haŋąąi! Gwa yɛ́ gu hva pɛli kiti kɛi. Kɛlaa, mɛ̨nį ta kaa laa, gɛ́ gu mo; lə ɓə kɛ yaai, nɛ̨ŋɛ̨n ɉəɠə nuą kɛ mɛ̨nį hu a nɛɛ? Lə ɓə kɛ yaai nuą da di woo kala, di kəlee di kaa di nɛɛ hu?

Izikiɛ 18:25

Yili ɓə ka tɔɔ, káá kɛ diɛ: Yai-Laa nwɔ pələi hvo haŋą li. Ka ka wəli tɔɔ Israɛlə nwɔ pɛlɛ́i mu nuą; ɲą́ą́ ɓə mɔ̨ɔ̨ nwɔ́ pələi hvo haŋą li, kɛlaa kaa mun mə ka wɔ pələɠaii di hvo haŋą li?

Izikiɛ 18:29

Ya ɓə Israɛlə nwɔ pɛlɛ́i mu nuą da kɛ diɛ: Yai-Laa nwɔ pələi hvo haŋą li. A kɛ ti Israɛlə nwɔ pɛlɛ́i mu nuą, nwɔ́ pələi ɓə mɔ̨ɔ̨ hvo haŋą li? Kɛlɛi kaa mun mə ka wɔ pələɠaai di hvo haŋą li.

Sofoni 3:5

Bələi mąn gaa la tii, Yai-Laa kaa daa kwəi, dəlimoɔ, yələwala kəlee, a nwɔ kiti wooi ɓo, yələɓɔi lɔwai, hva ɉəɠə mą. Kɛlaa, nui hvo Yálá kɔ́lɔn, nwumɛ̨ hvo mą.

Gɛlaɠaa 17:31

Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

Lomaŋ 2:1

Yɛi ə́ kaa ə́ ɓɛlaa kiti teei, mąąhvaalɛɛ hvo yɛ, ə́ mąą kɛ a nu huwui lɔpee. Mąąhɔlɔɓo, mɛ̨nįi ə́ kaa nuą kiti tɛɛi mąą mɛ̨nį hu, yɛ kpinįi yɛ ɓo a da kɛmun. A kɛ ti, yaa kɛi nuą kiti tee, ya kɛ ə́ kpɔɔ ɲɛ̨i hvalai.

Lomaŋ 2:3

Yɛi ə́ kaa nuą kiti teei, mɛ̨nįi ə́ kaa di kiti teei ɉu, ka diɛ ni kəlee kaa gɛ; gaa ə́ kwəi Yálá nwɔ kitii kaa pai ə́ mąąhvaalɛɛi?

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Lomaŋ 9:14

Akɛti gwa mɔ̨ɔ̨ kɛ diɛ, Yálá huluɔi? Kpaa-o! Hvo hulu li.

M̀ɛni-lɛɛi 16:5

Ɛlɛɛ, ŋą́ yáɠaa di wɔɔ malaka woo mɛ̨n, yɛ mą: «Ə́ haŋąąi, yɛ́i laa, yɛ́i pai kɛ laa, mąąhəɠəmun, mąąhɔlɔɓo, yáá ə́ wɔɔ kitii tee,

M̀ɛni-lɛɛi 19:2

Mąąhɔlɔɓo, ŋą kitiɠaai laahvɛɛi a tɛ̨ą, ɛlɛɛ, da tələnmolaa. Aa nwɛlikɛ nɛ̨ɛ̨nu kɛnɛ̨i kiti tee, yai kɛli lɔi kəlee kɔhɔɓo a ŋą wɛlikɛɛ, ɛlɛɛ, aa ŋą tínuą ɲąmą kwələ kulɔ mą.»