Lomaŋ 2:15 - Yálá laawoo hɛɓɛ (dc)

¹⁵ Da nɛ diɛ kɛ: Yálá ŋą tɔ́n bɛ̨ɛ̨ kaa di kili pɔ, di wɔ kiliŋąhiɛ yɛ mąą kɛla hvaa ɓo, di wɔ mɛ̨nį hutɔɔ pələ yɛ nɛ, diɛ di kpɔwɔ kaa la a hɔnmąąmun awala kɛ tii, a tələnmomun.

Yálá laawoo hɛɓɛ

¹⁵ Da nɛ diɛ kɛ: Yálá ŋą tɔ́n bɛ̨ɛ̨ kaa di kili pɔ, di wɔ kiliŋąhiɛ yɛ mąą kɛla hvaa ɓo, di wɔ mɛ̨nį hutɔɔ pələ yɛ nɛ, diɛ di kpɔwɔ kaa la a hɔnmąąmun awala kɛ tii, a tələnmomun.

Bible

¹⁵ Da nɛ̀ a gɛ́ɛ mɛnii-ŋai dɔ̂ŋ a mòi bɔ̃yɛɛ̂i dílii su. Díkili a sêre-faa kɛ̀ máŋ. Díkili-ŋa-siai a pâi m̀ôi dîa a gɛ́ɛ mɛni da è lɛ̀ɛ dîa, kpaa mɛni da fé lɛ̀ɛ ní dîa

Lomaŋ 2:15 ပူးပေါင်းရင်းမြစ်များ

Zɛnɛse 20:5

Abrahamə kpinį kpɔ ɓə kɛ mą́ą́: ‹Mą́ą́hala ɓaa nɛ̨ɛ̨nui ŋɛ̨i.› Nɛ̨ɛ̨nu yaa kpɛli yɛ diɛ: ‹Níɛ li.› Və́ kɛ ɉəɠə li a kiliŋąhiɛ ɲɔ̨nwɔ̨ɔ̨.»

Tɔɔɓɛlaa dɔlɔɔ 2:44

Yili pulu, tɔɔmun yɛ Simei ɓa: «Mɛ̨nį ɲɔ̨n kpɔ ə́ gɛ a ną́n Davidə, gbaɠala kaa yɛ́, ə́ kwəi ɓə a gɛla. Ə́ wɔ nwąnąlɔ túwɔi tii ə́ mo, nwulu a lɛɛ ə́ nwuɔ̨.

Zôo 27:6

Gáá tɔɔni nwɔ́ tələnmolaa pulu, ə lɛɛ, və́ pai həɠəi bulu. Gílíŋahiɛ pələ, və́ ɉɔ́n gaai mą́ą́, hvóló tɔ̨nɔ̨ kpɛli yee mu.

Ikilisiati 7:22

Ə́ kili kaa ɉu yɛ́ kpɛli, yáá ta mɛ̨nį ɲɔ̨n mo nu ta laa mɛ̨i.

Ɉaan 8:9

Yii kɛa di nwoo tii mɛ̨n di kɛi kulɔ tɛitɛi ə gɔwɔ tɔɔ nu pɔlɔ pɔlɔɠaa diɛ, ə lɛɛ a Jesus yaa tɔ̨nɔ̨ gbən. Nɛ̨ɛ̨nui tii nwɛi, ə lɛɛ laa.

Gɛlaɠaa 23:1

Polə ə ɲɛ̨i hee kpɔ tɔ́n vili nąmįną diɛ, yɛ diɛ: «Nąn nonnii, kiliŋąhiɛ yii kɛ mą́ą́ gɛ́ kólo kɛ la Yálá ɓa, aa lɛɛ la ɉu háákələi yələ aa ɉəli, gaa a kiliŋąhiɛ lɛlɛɛ.»

Gɛlaɠaa 24:16

Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Lomaŋ 2:14

Nuąi Moisə ŋą tɔ́n hvə di ɲəi, da dɔ́n ti ɓɔ yíiɓo, diɛ kpinįilee di kaa a tɔ́n di kpɔwɔ ɓa.

Lomaŋ 2:27

Nui gɛ́nɛ hvo kɛ li kɔ́lɔ ɓa pələ, a dɔ́n nwoo pɔ mɛ̨nį kɛ, yɛ́i dɔn gaa ə́ yəi, yɛ́ gala, mąą nu a pɛli ə kiti teei.

Lomaŋ 9:1

Kristə hu, tɛ̨ą ɓə gáá moi, və́ lɛɛ kɛi, ŋą́ gbɔ́ɔ́ mąą kɛla hvaaɓo a yili, Kili-Mąąhəɠɛɛ háálai, və́ lɛɛ kɛi.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Korɛntə veelɛ 5:11

Yii kani, bələi mąąnɛ̨ɛ̨ gu ɲɔw la gu Nąmu ɓa, nu kəlee ə gɔlɔn, kwa tɔɔ a ku nwąnąi, kuɔ nuą kilaa pono, ɛlɛɛ, Yálá ɲɛ̨i ɓa, ku mąą mɛ̨nį hu ponoɔi. Nwɔ́ɔ́ kwəi pələ, mą́ą́ mɛ̨nį hu ponoɔi káá kpɛlimąn ká kili hu pələ.

Timote dɔlɔɔ 4:2

a nɛɛi di pai moi laa, huhveelɛ nuą da lɛɛ nuą, diɛ lan, a diɛi, daa di pɔɔ kɛ di kili ɓa a kwɛli kpɔlu.

Taitɔ 1:15

Mɛ̨nį kəlee mąąhəɠɛɛi, nuą di mąąhəɠɛɛi di ɲɛ̨i ɓa. Kɛlaa, nuą di kɔ́hɔɓoɔ, di hvo bɔ di hvo laa na laa kɛ, mɛ̨nį ta mąą hvo həɠə li di ɲɛ̨i ɓa. Kɛlaa yaamun, di wɔɔ nwun-gɛ-ɉulaa, da di kili ɓə gɔhɔɓoɔ.